Māe 8

Ewi Wāween Aō Jeļā Bwe Anij Ekar Jeorļo̧k Aō Bōd?

Exodus 35–40; Livitikōs 1; 16; 19

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; 20–20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron. Innām tōl juon iien ekōnono kōn jerbal in lo̧mo̧o̧r eo im mour ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe, 10.2, 11.2, ChurchofJesusChrist.org). Karōk wāween ko n̄an kōm̧m̧ane ta eo kom̧ij kōnono kaki.

• Mour kōn gospel eo. Ewi wāween ilo ad lōke Irooj maron̄ jipan̄ kōj ellā jān idajon̄jon̄ ko im mellijon̄ ko jej jelm̧aeiki?

• Kea kōn ro rej pād ilo aikuj. Wōn eo jejeļā ej aikuji jar ko ad im jemjerā ko ad?

• Karuwaineneik aolep n̄an bōk gospel eo. Ta karōk ko n̄an kwaļo̧k gospel eo em̧ōj kar kōnono kake ilo kweilo̧k eo an ko̧o̧ņjeļ jodikdik ro an ward? Ewi wāween an kūlaaj eo ak doulul eo ad bōk koņaer?

• Kobaik baam̧le ko n̄an indeeo. Ewi wāween an kōm̧m̧ane jerbal in menmenbwij an baam̧le maron̄ kōkajoorļo̧k kadkad ko ad ippān Jemedwōj Ilan̄ im Jisōs Kraist?

Ilo jem̧ļo̧kin katak in, n̄e ekkar, kōm̧m̧an laajrak in:

• Kam̧ool kōn katak ko kar katakin kaki.

• Kakeememej ro uwaan kūlaaj eo im doulul eo kōn karōk ko im kūr ko me kar kōm̧m̧ane ilo iien kweilo̧k eo.

Katakin Katak eo

Kar tōl jān juon ritōl erūtto ak jodikdik; 25–35 minit ko

Kōpooj Eok Make ilo Jetōb

Armej jet iien rej ļōmņak eļan̄n̄e rekar “kōm̧m̧an ebwe” n̄an jeorļo̧k bōd ko. Men̄e ebōk kijejeto ko n̄an ukweļo̧k, āliktata jejjab maron̄ jeorļo̧k bōd kōnke em̧ōj ad kadedeikļo̧k juon laajrak ak kōm̧m̧an jet kain jerbal. Em̧ōj jeorļo̧k ad bōk ilo ad bōk turiam̧o eo kar letok jān Jisōs Kraist. Ej ilo wāween in me poatok ko ad maron̄ kar oktak.

Ilo iien ko etto, jar ko an kabun̄ im kaarmejet ko an kien eo an Moses ej kajitļo̧k Risrael ro n̄an Pinmuur eo an Rilo̧mo̧o̧r. Āinwōt an Irooj kar kōm̧eļeļeiki ilo Livitikōs 16:30, “Bwe ilo raan eo renaaj kōm̧m̧an kōllaajrak n̄an kom̧, im karreoik kom̧ jān jerawiwi otemjej ami, kom̧ naaj erreo im̧aan Irooj.” Em̧ool, juon jar make ļo̧k ejjab maron̄ letok n̄an kōj jeorļo̧k jerawiwi. Jeorļo̧k bōd ej itok jān Jisōs Kraist. Ilo raan kein ad, kain̄i ko āinwōt peptaij im kwojkwoj rej kajitļo̧k kōļmenļo̧kjeņ ko ad im buruōd n̄an Rilo̧mo̧o̧r. Rej jipan̄ kōj meļeļe bwe E enaaj aolep iien jeorļo̧k ad bōd n̄e jej ukweļo̧k.

Ewi wāween an kar Jemedwōj Ilan̄ jipan̄ eok jeļā ke em̧ōj an jeorļo̧k am̧ bōd? Kwomaron̄ ekkatak Mosaia 4:1–3 im ennaan eo an Būreejtōn Tad R. Callister “Pinmuur eo an Jisōs Kraist” (Liaona, Māe 2019, 85–87). Ennaan in emaron̄ jipan̄ ro kwoj katakin er meļeļe bwe Jemedwōj Ilan̄ ej jeorļo̧k ad bōd n̄e jej ukweļo̧k.

Em̧ōj jeorļo̧k ad bōd ilo ad bōk turiam̧o eo kar letok jān Jisōs Kraist.

Ekkatak Ippān Doon

Kwomaron̄ jinoe kōn kwaļo̧k pija in Rilo̧mo̧o̧r eo ilo Getsemane im ioon debwāāl eo (lale Bok In Gospel Pija, nō. 56–57). Karuwaineneik jodikdik ro n̄an etale Livitikōs 1:1–9; 16:15–16, 30. Kajjitōk ippāer n̄an kwaļo̧k ennaan ko me rej kakeememej kōn Pinmuur eo an Rilo̧mo̧o̧r eo. Ewi wāween an kaarmejet ko me kar kōmeļeļeiki ilo eoon kein rej jipan̄ ajri ro reim̧aanļo̧k n̄an Pinmuur eo an Rilo̧mo̧o̧r? Ta eo ej jipan̄ kōj keememej Pinmuur eo an Rilo̧mo̧o̧r? Ta eo ej jipan̄ kōj en̄jake iakwe im jeorļo̧k bōd an Rilo̧mo̧o̧r? Makūtkūt ko ijin ilaļ remaron̄ jipan̄ jodikdik ro em̧m̧anļo̧k aer meļeļe bwe Anij enaaj jeorļo̧k aer bōd.

• Jejjo armej ilo eoon ko kar kōmeļeļeiki en̄jake ko aer ke Jemedwōj Ilan̄ ekar jeorļo̧k aer bōd. Ro uwaan kūlaaj ak doulul eo am̧ remaron̄ riiti jet waanjon̄ak ko (lale “Supporting Resources”). Kajjitōk ippāer n̄an kōm̧m̧ane juon laajrak jān eoon ko me rej kōmeļeļeik ta en̄jake eo n̄e rej jeorļo̧k ad bōd. Kwomaron̄ kajjitōk ippāer n̄an kwaļo̧k ilo naan ko aer make ta en̄jake ko aer kōn jeorļo̧k bōd. Ta eo jemaron̄ ekkatak kōn Anij jān en̄jake kein? Bōlen kwomaron̄ kwaļo̧k en̄jake ko am̧ kōn jeorļo̧k bōd.

• Jet iien armej rejjab jeļā em̧ōj jeorļo̧k aer bōd kōnke rejjab jeļā eļan̄n̄e rekar lukkuun m̧ool in ukweļo̧k. Ennaan eo an Elder Dale G. Renlund “Ukweļo̧k: Juon Kālōt eo Ekamōņōņō” ej kōmeļeļeiki wāween m̧ool in ukweļo̧k im bōk jeorļo̧k bōd an Anij (Liaona, Nob. 2016, 121–24). Kwomaron̄ je ioon boot eo taitōļ ko Mool in Ukweļo̧k im Men Ko Me Rej Kapan̄ ad Ukweļo̧k. Kajjitōk ippān ro kwoj katakin er n̄an kappukot katak ko ilo ennaan eo me ej ekkar an pād ium̧win taitōļ ko. Ta eo jekar ekkatak kōn Rilo̧mo̧o̧r im An jeorļo̧k jān pārokūrāāp ko ilo ennaan in?

• Jet armej remaron̄ ukweļo̧k ak rejjab en̄jake an jeorļo̧k bōd ko ad. Menin emaron̄ kōnke rejjan̄in kar jeorļo̧k aer bōd. Kwomaron̄ ekkatak Mosaia 4:1–3 im ennaan eo an Būreejtōn Tad R. Callister “Pinmuur eo an Jisōs Kraist” (Liaona, May 2019, 85–87). Kūlaaj eo ak doulul eo am̧ emaron̄ riiti jekjōn eo me ej jino kōn “2. Jerawiwi.” Kajjitōk ippāer n̄an kappukot kapilōk eo remaron̄ kwaļo̧k n̄an juon m̧ōttaer ak uwaan baam̧le eo me en̄jake ajļo̧k ālkin an ukweļo̧k. Leļo̧k iien n̄an jodikdik ro n̄an kwaļo̧k en̄jake ko aer kōn Rilo̧mo̧o̧r, eo ekar kōm̧m̧an bwe jān ukweļo̧k im jeorļo̧k bōd.

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Inos 1:1–8; Mosaia 4:1–3; Alma 24:7–10; 36:17–21 (Ewi wāween an armej ro kar en̄jake ke em̧ōj jeorļo̧k aer bōd

• Aiseia 1:18; Mosaia 26:30; Moronai 6:8; Katak im Bujen Ko 58:42–43; 64:10 (Irooj ej kallim̧ur n̄an jeorļo̧k ad bōd)

• Russell M. Nelson, “Jemaron̄ Kōm̧m̧an Em̧m̧anļo̧k im Maron̄ Em̧m̧anļo̧k,” Liaona, Māe 2019, 67–69

• Craig A. Cardon, “Rilo̧mo̧or Ekōņaan Jeorļo̧k bōd,” Kweilo̧k eo Eļap, Māe 2013, 15–18

Teaching in the Savior’s Way

Rilo̧mo̧o̧r eo ekar katakin kōj n̄an kōjerbal eoon ko n̄an kappukot uwaak ko n̄an kajjitōk ko ad make. Ewi wāween am maron̄ jipan̄ ro kwoj katakin er ikdeleel n̄an oktakļo̧k n̄an jeje ko rekwojarjar im naan ko an rikanaan ro ilo aer kappukot uwaak ko?