Juun 12

Ewi Wāween Aō Ron̄ Ainikien Irooj?

Ruth; 1 Samuel 1–3

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; 10–20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ Ro ak Unin Tōl eo an Doulul eo an Priesthood eo an Aron. Innem tōl juon iien ekōnono kōn jerbal in lo̧mo̧o̧r eo im mour eo ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe, 10.2, 11.2, ChurchofJesusChrist.org). Karōk wāween ko n̄an jerbali ta eo kom̧ kar kōnono kake.

• Mour kōn gospel eo. Ta en̄jake ko kiiō rekar kōkajoorļo̧k naan in kam̧ool ko ad?

• Kea kōn ro rej pād ilo aikuj. Wōn eo ej aikuji jipan̄ eo ad im jar ko ad? Ta eo jej im̧we n̄an kōm̧m̧ane n̄an jipan̄ er?

• Karuwaineneik aolep n̄an bōk gospel eo. Ewi wāwen jemaron̄ erom̧ juon meram n̄an ro uwaan baam̧le eo ak ro m̧ōttad ro rejjab jān Kabun̄ in ad?

• Kobaik baam̧le ko n̄an indeeo. Ewi wāween ad kwaļo̧k eļap iakwe im rie n̄an baam̧le ko im kōm̧m̧an juon oktak em̧m̧an ilo m̧ōko m̧ōd?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn katak ko kar katakin kaki.

• Kakeememej ro uwaan doulul eo ak kūlaaj eo kōn karōk im karuwainene ko rej kōm̧m̧ani ilo iien kweilo̧k eo.

Katakin Katak eo

Kar tōl jān juon ritōl erūtto ak jodikdik; 25-35 minit ko

Kōpooj Eok Make ilo Jetōb

Elōn̄ membōr ro ilo kūlaaj eo ak doulul eo remaron̄ keidi er n̄an ļaddik eo edik etan Samuel. N̄e Irooj ej kōnono n̄an e, Samuel ekar jan̄in wōr an iminene ak en̄jake kōn revelesōn n̄an kile ainikien Irooj. Rikatakin eo an Samuel, etan Eli, ekar maron̄ jipan̄ Samuel ekkatak im kile ainikien in. Āinwōt Eli, ewōr am̧ iien em̧m̧an n̄an kam̧ool n̄an ro kwoj katakin er bwe Irooj ekōņaan bwe kwon kōnono n̄an er. Kwomaron̄ jipan̄ er ekkatak n̄an kile ainikein Irooj, aaet āinwōt am̧ bar ekkatak n̄an ron̄jake E. Ippān doon, kwomaron̄ ekkatak ta eo rikanaan ro An rekar katakin eok kōn revelesōn ko am̧ make. Im kwomaron̄ ekkatak n̄an ba n̄an Irooj, āinwōt kar Samueal, “Kwōn kōnono; bwe karijerōm̧ ej ron̄” (1 Samuel 3:10).

Ilo kakkobaba n̄an riiti 1 Samuel 3 ilo wiik in, kwomaron̄ kōppopo n̄an katakin ilo am̧ riiti ennaan eo an Būreejtōn Russell M. Nelson “Ron̄jake E” (Liaona, Māe 2020, 88–92).

Būreejtōn Russell M. Nelson ekar kajjitōk bwe jen “kōļapļo̧k [ad] maron̄ ilo jetōb n̄an bōk revelesōn.”

Ekkatak Ippān Doon

N̄an kōpooj ro kwoj katakin er n̄an ekōnono eo an rainin, ļōmņak n̄an kajjitōkin er n̄an etale 1 Samuel 3:1–14. Kajjitōk ippāer n̄an kwaļo̧k ta eo rej ekkatak kōn bwebwenato in kōn ron̄jake ainikien Irooj. Ta ko jet iaan wāween ko Irooj ej kōnono n̄an kōj? M̧akūtkūt kein rej ellaajrak remaron̄ jipan̄ jodikdik ro kam̧wilaļļo̧k meļeļe eo aer kōn revelesōn an juon make.

• En̄in ej juon wāween n̄an jipan̄ ro kwoj katakin er meļeļe ekōjkan bōk revelesōn. Kwomaron̄ je ioon bo̧o̧t eo eoon in jipan̄ ko kar elmakoti ilo “Supporting Resources” (ak ko jet kwojeļā). Karuwaineneik jodikdik ro n̄an riiti kajjojo eoon ko. Innem je ioon boot kijeen wōt kajjojo eoon ko ta eo eoon eo ej katakin kaki kōn bōk revelesōn an juon make. Karuwaineneik er n̄an kwaļo̧k en̄jake ko rekar en̄jaki ilo aer kappukot im bōk revelesōn N̄e ekkar, kwaļo̧k en̄jake ko am̧ make.

• Jej bōk kōjeraam̧m̧an ko reļļap n̄e jej katak n̄an ron̄ ainikien Irooj Kwomaron̄ jino juon ekōnono kōn menin ilo am̧ kajjitōkin jodikdik ro n̄an kwaļo̧k un ko remaron̄ aikuj revelesōn. Innem kajjitōk ippāer n̄an kappukot ennaan eo an Būreejtōn Russell M. Nelson “Ron̄jake E.” Kajjitōk ippāer n̄an kappukōt kapilōk eo me ejipan̄ er meļeļe ekōjkan ron̄jake ainikien Irooj. Kwomaron̄ barāinwōt kwaļo̧k juon ak elōn̄ pija in alooj ko jān “Hear Him” collection eo (ChurchofJesusChrist.org/media). Etke eaorōk n̄an kōj n̄an katak n̄an ron̄ ainikien Irooj? Kapilōk jodikdik ro n̄an je ta eo rej ekkatak ilo jōōņal ko aer ak ilo m̧ōttan peba ko n̄an displayiki ilo m̧ōko m̧weer.

• Jodikdik ro kwoj katakin er remaron̄ bwilōn̄ kōn wāween n̄an jeļā ke Jetōb Kwojarjar eo ej kōnono n̄an er. Ļōmņak in kwaļo̧k pija in alooj ko “How Can I Tell the Difference between the Holy Ghost and My Emotions?” im “How Can I Feel the Holy Ghost More Often?” jān “Face to Face with President Eyring and Elder Holland” (ChurchofJesusChrist.org). Ta eo jej ekkatak jān pija in alooj kein kōn jeļā kile eo ikōtaan im̧we ko an Jetōb im ļōmņak ko ad? Ro uwaaan kūlaaj ak doulul eo remaron̄ kwaļo̧k wāween aer naaj kar uwaake juon m̧ōttaer eo me ewōr an kajjitōk ejjeļo̧k oktak jān kein jej kōnono kaki ilo pija in alooj kein.

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• 1 Kiin̄ Ro19:9–12; Hilamōn 5:29–31; Katak im Bujen Ko 6:14–16, 21–23; 8:2–3; 11:12–14 (Wāween ko Irooj ej kōnono n̄an kōj)

• Katak im Bujen Ko 9:7–9 (Revelesōn emenin aikuj ļōmņak im ekkatak ko ad make)

• Ronald A. Rasband, “Kōtļo̧k bwe Jetōb eo en Tōl,” Liaona, Māe 2017, 93–96

• Būreejtōn Russell M. Nelson ekar katakin, “Ilo raan ko rej itok, enaaj maron̄ pen n̄an jo̧o̧r ilo jetōb ilo ad jab tōl, jineet, kaenōm̧m̧an, im bōk im̧we eo an Jetōb Kwojarjar. Ro jeiū im jatū rejitōn bōro, ij akweļap ippemi n̄an kōļapļo̧k maron̄ in jetōb eo ami n̄an bōk revelesōn” (“Revelesōn n̄an Kabun̄ in, Revelesōn n̄an Mour ko Ad,” Liaona, Māe 2018, 96).