Oktoba 23

Gospel eo Em̧ōj Ke An Jeje ilo Būruō?

Jeremaia 30–33; 36; Liaajlo̧ļ 1; 3

Ko̧o̧njeļ Ippān Doon

Kar tōl jān juon uwaan būreejtōnji eo an doulul eo ak kūlaaj eo; 10–-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron. Innām tōl juon iien ekōnono kōn jerbal in lo̧mo̧o̧r eo im mour ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe, 10.2, 11.2, ChurchofJesusChrist.org). Ļōmaki wāween ko n̄an jerbalki ta eo kom̧ij kōnono kake.

• Mour kōn gospel eo. Ta eo jekar ekōnono kake iien eo ļo̧k, im ta kūr ko ak ijjitōn̄ ko kar kōm̧m̧ani? Ta eo em̧ōj ad kōm̧m̧ani n̄an kōm̧m̧ani kūr ko ak ijjitōn̄ ko?

• Kea kōn ro rej pād ilo aikuj. Ta eo jemaron̄ kōm̧m̧ane ak ba n̄an pukōtļo̧k ro me remaron̄ in en̄jake ajimakeke ak etto̧ļo̧k jān Jemedwōj Ilan̄?

• Karuwaineneik aolep n̄an bōk gospel eo. Ta jet iaan wāween ko jemaron̄ jipan̄ ro jet en̄jake iakwe eo an Jisōs Kraist?

• Kobaik baam̧le ko n̄an indeeo. Ta naan in rōjan̄ eo jemaron̄ kwaļo̧k ippān ro jet n̄an jipan̄ kōkajoorļo̧k baam̧le ko ad?

Ilo jem̧ļo̧kin katak in, n̄e ekkar, kōm̧m̧an laajrak in:

• Kam̧ool kōn katak ko kar katakin kaki.

• Kakeememej ro uwaan kūlaaj eo ak doulul eo kōn karōk im kūr ko me kar kōm̧m̧ane ilo iien kweilo̧k eo.

Katakin Katak eo

Kar tōl jān juon ritōl erūtto ak jodikdik; 25–35 minit ko

Kōpooj Eok Make ilo Jetōb

Irooj ekar ba n̄an rikanaan Jeremaia bwe ilo raan ko rej itok, E enaaj aiintok Risrael ro im kōm̧m̧an juon “bujen ekāāl” ippān armej ro An. E ekar kwaļo̧k “Inaaj likūt kien eo Aō ilo er, im Inaaj je e ioon būruer, im Inaaj Anij eo aer, im renaaj armej ro doō” (lale Jeremaia 31:31–34). Raan ko rej rainin, im jej armej ro an Anij. Katak kein remaron̄ im̧we eok—im ro kwoj katakin—n̄an kajjitōk, Ta meļeļein an gospel eo jeje ilo būruōm̧? Gospel eo em̧ōj ke an jeje ilo būruō? Eļan̄n̄e ejjan̄in, ta eo imaron̄ kōm̧m̧an kōn menin?

Ļōmņak kōn wāween am̧ naaj jipan̄ ro uwaan kūlaaj ak doulul eo am̧ kejōkļo̧kjeņ kōn kajjitōk kein ippāer make. N̄an kōppopo n̄an katakin, kwomaron̄ kappukot ennaan ko jān Jeremaia 30–33; 36; jān ennaan eo an Būreejtōn Russell M. Nelson “Let God Prevail” (Liaona, Nob. 2020, 92–95); im jān ennaan eo an Elder D. Todd Christofferson “When Thou Art Converted” (Liahona, May 2004, 11–13).

Ilo ad iakwe Irooj im kappukot n̄an ekkatak kōn E, gospel eo enaaj jeje ilo buruōd.

Ekkatak Ippān Doon

Rōjan̄ jodikdik ro n̄an ekkōnono kōn Jeremaia 31:31–34. N̄an kōm̧m̧ane menin, kwomaron̄ leļo̧k peba jekjek in menono ko ippān jejjo kajjitōk jeje ioer kōn ta meļeļe in n̄an bōk gospel ilo būruōd, āinwōt ko jej loi ilo “Kōpooj Eok Make ilo Jetōb.” Jerbal ippān kajjojo, ilo pea, ak ilo kurup ko reddik, jodikdik ro remaron̄ riiti eoon kein jān Jeremaia im kejōkļo̧kjeņ kōn wāween aer naaj uwaake kajjitōk ko. Kōtļo̧k aer kwaļo̧k kajjitōk ko aer im uwaak ko rej ļōmņaki. Itulaļ rej aitia ko rellōn̄ļo̧k me remaron̄ jipan̄ eok katakin jodikdik ro kōn wāween an gospel eo maron̄ jeje ilo buruōer.

• Ke Moses ekar kwaļo̧k jet iaan katak ko An āliktata n̄an Risrael ro, ekar rōjan̄ er n̄an bōk naan ko an Anij ilo būruōer. Ekar barāinwōt katakin er jet iaan wāween ko remaron̄ kōm̧m̧ane menin, āinwōt lo ilo Duteronomi 6:3–9. Āinwōt juon kūlaaj ak doulul, riiti eoon kein ippān doon im ekkōnono kōn wāween ko jemaron̄ kōm̧m̧ani ta eo Moses ekar kapilōk er kaki. Kōn ļōmņak ko jet, kūlaaj ak doulul eo remaron̄ alooje pija in alooj eo “Come, Follow Me: These Words” (ChurchofJesusChrist.org). Remaron̄ bar ekkatak Alma 5:14, 26–35 n̄an kappukot ta eo Alma ekar katakin kōn wāween ad maron̄ kōm̧m̧an bwe gospel eo en jeje wōt ilo būruōd.

• Ilo ennaan eo an “When Thou Art Converted,” Elder D. Todd Christofferson kar jino meļeļeiki ta jemaron̄ gospel written in our hearts. Ta eo jemaron̄ ekkatak jān pārokūrāāp kein emen jinointata kōn ta meļeļein n̄an kōm̧m̧an bwe gospel eo en jeje ilo buruōd? Kwomaron̄ karuwaineneik kajjojo jodikdik ro n̄an riiti juon ak elōn̄ļo̧k pārokūrāāp ko jet im kappukot ta eo jej aikuj n̄an kōm̧m̧ane kōn menin bwe en bōk jikin. Ta eddo eo Rilo̧mo̧o̧r ej kōm̧m̧ane? Ta eddo eo jej kōm̧m̧ane? Rōjan̄ jodikdik ro n̄an kwaļo̧k uwaak ko aer, ippānļo̧k meļeļe ko jet rej loi. Ta en̄jake ko rekar jipan̄ kōj n̄an kōm̧m̧an bwe gospel eo en jeje ilo būruōd? Ta eddo eo ilo ad kōjparok bujen ko ad ej kōm̧m̧an ilo kōm̧m̧ane menin?

• Būreejtōn Russell M. Nelson ekar kōmeļeļeiki bwe naan eo Israel “iookļo̧k n̄an juon armej eo ej ikdeleel n̄an kōtļo̧k bwe Anij en Anjo̧ ilo mour eo an” (“Anij En Anjo̧,” 92). Kwomaron̄ karuwaineneik jodikdik ro n̄an kappukot pārokūrāāp ko jiljino jinointata ilo ennaan eo an Būreejtōn Nelson im m̧ōttan eo āliktata ijjino kōn “Kajjitōk eo n̄an kōj kajjojo.” Kajjitōk ippāer n̄an kappukot juon me eo me ej jipan̄ er meļeļe ta meļeļein “Anij en Anjo̧” ilo mour ko ad. Ewi wāween ad en̄jake im kōm̧m̧an ekkar n̄e Anij ej anjo̧ ilo mour ko ad? Ta eo Būreejtōn Nelson ekar katakin kōn wāween an gospel eo jeje ilo būruōd jelōt kijejeto ko n̄an aiintok Israel?

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Henry B. Eyring, “Write upon My Heart” (Liahona, Nov. 2000, 85–87)

• Linda K. Burton, “Tōmak ilo Pinmuur eo an Jisōs Kraist eaar ke Jeje ilo Būruwōd?” (Liaona, Nob. 2012, 111–15)

Teaching in the Savior’s Way

“Katak eo loe ilo jeje ko rekwojarjar im ilo naan ko an rikanaan ro ilo raan ko āliktata ewōr kajoor ie n̄an oktak bōro ko im kōļapļo̧k tōmak. Ilo am̧ im ro kwoj katakin er ‘kajjieon̄ m̧ool n̄an naan ko an Anij,’ kwonaaj lo bwe ewōr juon ‘naan eo eaar ļap an̄in n̄an tōl armej ro n̄an kōm̧m̧ane men eo ejim̧we’ (Alma 31:5)” (Teaching in the Savior’s Way, 5).