14 Me

Kijan Senyè a Ede Gason ak Fi pou Yo Travay nan Inite nan Maryaj?

Matye 19–20; Mak 10; Lik 18

Fè Konsèy

Sou direksyon yon manm prezidans kowòm nan oswa klas la; apeprè 10–20 minit

Nan kòmansman reyinyon an, repete ansanm Tèm Jènfi yo oswa Tèm Kowòm Prètriz Aawon an . Apre sa dirije yon diskisyon sou travay sali ak egzaltasyon an avèk youn oubyen plis nan kesyon sa yo oubyen pwòp kesyon pa w (gade nan Manyèl Jeneral,, 10.2, 11.2). Planifye fason pou w aji sou sa wdiskite yo.

• Viv levanjil la. Kijan vire al jwenn Senyè a ede nou fè fas a difikilte ak eprèv nou yo?

• Pran swen moun ki nan nesesite yo. Kiyès nou konnen ki bezwen priyè nou ak amitye nou?

• Envite tout moun pou yo resevwa levanjil la. Ki plan pou pataje levanjil la ki te diskite nan reyinyon konsèy jèn pawas yo? Kijan manm klas oubyen kowòm nou an kapab enplike?

• Ini fanmi yo pou letènite. Kijan fè travay istwa familyal fòtifye relasyon nou avèk Papa nou ki nan Syèl la ak Jezikri?

Nan fen leson an, si sa apwopriye, fè bagay sa yo:

• Temwaye konsènan prensip ki te anseye yo.

• Fè manm klas la oswa kowòm nan sonje plan ak envitasyon ki te fèt pandan reyinyon an.

Anseye Doktrin nan

Sou direksyon yon dirijan adilt oubyen yon jèn; apeprè 25–35 minit

Prepare W Espirityèlman

kòmanse avèk Adan ak Èv, Papa nou ki nan Syèl la ak Jezikri te chèche fòtifye ak ini madanm ak mari yo nan maryaj. Sovè a te anseye, “Se poutèt sa, gason an va kite papa l ak manman l pou l mete tèt li ansanm ak madanm li. Yo tou de va fè yon sèl kò” (Matye 19:5). An menm tan tou, Satan fè tout sa l kapab pou l kraze maryaj ak detwi fanmi yo. Pwobableman manm klas ou a oswa kowòm ou an konsyan de bann difikilte maryaj yo ap rankontre jodi a. Petèt yo wè madanm ak mari ki ap travay ansanm e ki ap chèche asistans syèl la pou yo jwenn inite tou. Medite sou kijan eksperyans sa yo ka petèt anseye yo konsènan sa sa mande pou nou jwenn inite nan yon maryaj. Kisa w ka fè pou anseye yo enpòtans preparasyon kounyea pou relasyon maryaj nan lefiti?

Semèn pase a, manm klas oswa kowòm yo te gen opòtinite pou yo te li ansèyman Sovè a sou maryaj nan Matye 19:4–6. Pou prepare w pou w anseye, etidye vèsè sa yo, ansanm avèk mesaj Prezidan Dieter F. Uchtdorf la “Pou Onore Moun ki Sove yo” (Lyawona, Me 2016, 77–80) oswa lòt mesaj yo sigjere nan plan leson sa a.

Aprann Ansanm

Maryaj gen dwa pa nan tèt anpil jèn. Sepandan, yon bagay enpòtan konsa merite bon jan preparasyon atantif. Petèt ou ta ka envite jèn yo pou yo imajine ke yo ajenou devan yon otèl nan tanp lan pou yo sele epi selè a konseye yo pou yo etidye Matye 19:4–6. Ki verite nou jwenn nan vèsè sa yo ki ta kapab ede yon koup ki fèk marye? Kijan yon mari ak yon madanm vin fè “youn”? Kijan Sovè a ede? Aktivite tankou sa yo kapab ede klas ou a oswa kowòm ou an konprann kijan pou yo jwenn inite nan maryaj.

• Adan ak Èv se yon gwo egzanp sou mari ak madanm ki ap travay ansanm nan inite. Ou ta ka montre yon foto sou yo (gade nan Liv Ilistrasyon Levanjil la [2009], no. 5) epi mande klas oswa kowòm ou an pou yo yo li Moyiz 5:1–12, pou yo chèche kijan Adan ak Èv te travay ansanm nan inite. Kisa yo te fè pou Bondye te ka beni relasyon yo a? Pou ede jèn yo aprann plis konsènan inite nan maryaj, yo ta ka etidye ekriti yo ki nan “Resous pou Sipò” a.

• Prezidan Dieter F. Uchtdorf te anseye ke nan anpil sosyete jodi a, “tout bagay sanble ke yo jetab.” Men atitid sa a pa dwe aplike nan maryaj ak fanmi nou; okontrè, nou dwe “konsakre tout efò nou pou nou sove ak anrichi [yo]” (“Pou Onore Moun ki Sove Yo,” 77). Pou ede ilistre pwen sa a, ou ta ka envite jèn yo pou yo panse a yon bagay yo te ranplase resamman ki te kraze, abime, oswa demode. Poukisa maryaj diferan de bagay ki ranplasab tankou sa yo? Apresa, klas la oswa kowòm nan ta ka li sekyon nan mesaj Prezidan Uchtdorf la ki rele “Sove Maryaj Nou” an epi pataje fason mari ak madanm yo ka travay ansanm epi avèk Sovè a pou fòtifye maryaj yo. Kisa nou ka fè kounyeya pou prepare nou maryaj solid, ini?

• Panse pou w ekri Inite nan Maryaj sou tablo a epi envite jèn yo pou yo drese lis bagay ke madanm ak mari yo ka fè pou yo rete ini. Apre sa mande jèn yo pou yo chèche nan “Fanmi An: Yon Pwoklamasyon pou Mond lan” (ChurchofJesusChrist.org) ide yo ka ajoute nan lis yo a. Ki kalite manm klas ou a oswa kowòm ou an wè youn nan lòt oswa nan koup marye yo konnen ki enpòtan pou inite nan maryaj. Poukisa li enpòtan pou nou devlope ak aplike prensip sa yo nan relasyon nou kounyeya? Videyo yo ki nan “Resous pou Sipò” a bay kèk egzanp sou kalite sa yo annaksyon.

• Si gen manm nan klas ou a oswa nan kowòm ou an ki gen kesyon oswa preyokipasyon konsènan divòs, anvizaje pou w repase ansanm pòsyon nan mesaj Prezidan Dallin H. Oaks la “Divòs” nan (Lyawona, Me 2007, 70–73).

kòmanse avèk Adan ak Èv, Papa nou ki nan Syèl la ak Jezikri te chèche fòtifye ak ini madanm ak mari yo nan maryaj.

Aji avèk Lafwa

Ankouraje manm klas la oswa kowòm nan pou yo medite epi ekri sa yo pral fè pou yo aplike enpresyon yo te resevwa yo jodi a? Si yo ta vle, yo ta ka pataje ide yo. Envite yo pou yo reflechi sou kijan aplike enpresyon yo pral ranfòse relasyon yo avèk Papa nou ki nan Syèl la ak Jezikri.

Resous pou Sipò

• 1 Korentyen 11:11; Doktrin ak Alyans 42:22; 49:15–17; Moyiz 3:18, 21–24 (Enpòtans inite nan maryaj)

• (Videyo) “Renesans Maryaj,” “Se pou nouGason,” “Ekspresyon Lanmou” , ChurchofJesusChrist.org

Anseye nan Fason Sovè a

Ekspresyon sensè lanmou kretyen gen gwo pouvwa pou adousi kè manm nan klas la ki ap lite. Pou ede manm klas yo santi ke moun bezwen yo ak renmen yo, ou ta ka mande yo pou yo patisipe nan yon pwochen leson nan pataje yon eksperyans oswa sa yo santi konsènan yon ekriti.