Machi 17–23: “Tafuta Vitu vya Ulimwengu Ulio Bora”

Mafundisho na Maagano 23–26

Kwa watu wengi, kubatizwa ni tukio la unyenyekevu, na la amani. Ubatizo wa Emma Smith na wengine, hata hivyo, uligubikwa na vurugu za wahuni ambao waliwakejeli, kuwatishia na kuwalazimisha wakimbie. Kisha, wakati Joseph alipokuwa karibu kuwathibitisha waumini wapya, alishikwa kwa kuivuruga jamii kwa mahubiri yake. Katika upinzani huu wote, Emma angewezaje kupata hakikisho kwamba alikuwa akifanya jambo sahihi. Mahali ni hapo hapo ambapo sisi sote tunaweza kupata–kupitia ufunuo kutoka kwa Bwana. Alinena kwa Emma kuhusu “vitu vya [ulimwengu] ulio bora”—ufalme Wake—na nafasi yake katika ufalme huo. Alimwambia asiogope, “inua moyo wako na ufurahie”, na “uyashikilie maagano ambayo umeyafanya.” Na maneno haya ya kutia moyo na ushauri ni “sauti Yake kwa wote” (Mafundisho na Maagano 25:9–10, 13, 16).

Ona pia Saints, 1:89–90, 94–97.

Mawazo kwa ajili ya Kujifunza Nyumbani na Kanisani

Mafundisho na Maagano 24

Mwokozi anaweza kuniinua “juu ya mateso [yangu].”

Ufunuo katika Mafundisho na Maagano 24 ulitolewa kwa ajili ya “kuwaimarisha, kuwahamasisha, na kuwaelekeza” Joseph Smith na Oliver Cowdery wakati wa majaribu (kichwa cha habari cha sehemu; ona pia Saints,, 1:94–96). Tafuta maneno katika Mafundisho na Maagano 24 ambayo unahisi yangewaimarisha na kuwatia wao moyo.

Je, maandiko yafuatayo yanapendekeza nini kwako kuhusu jinsi Mwokozi anavyokusaidia wewe katika changamoto zako?

Mafundisho na Maagano 24:1–3

Mafundisho na Maagano 24:8

Mafundisho na Maagano 121:7–8

Isaya 40:28–31

Mosia 24:14–15

Maelezo kutoka Aliponya Magonjwa Mengi ya Kila Aina, na J. Kirk Richards

Mafundisho na Maagano 25

Ninao wajibu muhimu wa kufanya katika ufalme wa Mungu.

Kama Emma Smith alivyokuwa akiangalia Urejesho ukifunuliwa kupitia mume wake, Joseph Smith, yawezekana alijiuliza wajibu wangu ni nini. Tafuta majibu Mungu aliyoyatoa katika Mafundisho na Maagano 25. Je, unapata chochote katika sehemu hii ambacho unahisi ni “sauti Yake kwako [wewe]”? (mstari wa 16).

Ona pia “An Elect Lady” (video), Gospel Library; “Thou Art an Elect Lady,” katika Revelations in Context, 33–39; Joy D. Jones, “Wito Uliotukuka Zaidi,” Liahona, May 2020, 15–18.

"An Elect Lady"

(D&C 25:2-3) Video portraying events in the life of Emma Smith.

Mafundisho na Maagano 25:5, 14

“Endelea katika roho ya unyenyekevu.”

Kirai “roho ya unyenyekevu” kinamaanisha nini kwako? Zingatia kupekua sehemu ya 25 kwa ajili ya maneno na kirai kinachokusaidia kuelewa kile inachomaanisha kuwa mnyenyekevu. Ujumbe wa Mzee David A. Bednar “Mnyenyekevu na Mpole wa Moyo” ungeweza pia kukusaidia (Liahona, Mei 2018, 30–33). Je, ni kwa jinsi gani Yesu Kristo ni mfano wa unyenyekevu kwako wewe? (ona Mathayo 11:28–30). Fikiria kuhusu mambo katika maisha yako unayoweza kufanya “katika roho ya unyenyekevu.”

Mafundisho na Maagano 25:10, 13

“Weka kando mambo ya ulimwengu huu, na tafuta vitu vilivyo bora.”

Unapotafakari ushauri wa Bwana katika Mafundisho na Maagano 25:10, ingeweza kuwa msaada kutengeneza orodha ya “vitu vya ulimwengu” yeye anavyokutaka wewe “uviweke kando.” Kisha ungeweza kutengeneza orodha ya “vitu vya ulimwengu ulio bora” Yeye anavyokutaka wewe kuvitafuta. Ungeweza kuchagua angalau kitu kimoja kutoka katika orodha ya kwanza ambavyo utaviweka kando na kitu kimoja kutoka ile ya pili ambavyo utavitafuta.

Rais Russell M. Nelson ametoa ushauri na ahadi kuhusu “[kuweka] kando vitu vingi vya ulimwengu huu.” Kitafute kwenye ukurasa wa 77 wa ujumbe wake “Hazina ya Kiroho” (Liahona, Nov. 2019). Je, utaufuataje ushauri wake?

Unaposoma mstari wa 13, fikiria kuhusu maagano yako uliyoyafanya na Baba wa Mbinguni na Yesu Kristo. Inamaanisha nini “kushikilia” maagano haya? Maagano yako yanakusaidiaje wewe “kuyaweka kando mambo ya ulimwengu huu, na kuyatafuta mambo ya ulimwengu ulio bora”?

Hapa kuna baadhi ya maandiko mengine ambayo yangeweza kukusaidia kutambua kati ya “vitu vya ulimwengu huu na vitu vya ule ulio bora”: Mathayo 6:19, 21, 25–34; Luka 10:39–42; 2 Nefi 9:51.

Ona pia Mada na Maswali, “Dhabihu,” Maktaba ya Injili.

Alika kushirikI. Kama unawafundisha wengine kuhusu jinsi ya “kuweka kando mambo ya ulimwengu,” zingatia njia za kuwaalika kushiriki kile wanachofanya ili kufuata ushauri huu. Tunaweza kupata nguvu na ujasiri kutokana na kusikiliza umaizi na uzoefu wa kila mmoja wetu.

Mafundisho na Maagano 25:11–12

“Bwana hufurahia katika “wimbo wa moyoni.”

Je, ni zipi baadhi ya “nyimbo za moyoni”—nyimbo ambazo zinaelezea hisia zako kuhusu Baba wa Mbinguni au Yesu Kristo? Zingatia kuimba au kusikiliza chache ya hizo. Ni kitu gani kuhusu nyimbo hizi ambacho kinafanya nyimbo hizi kuwa maalumu kwako?

Unaweza pia kutafakari jinsi gani nyimbo hizi ni kama sala. Muziki mtakatifu na sala vina kitu gani ambacho kinafanana? Je, nyimbo zako takatifu zimewahi “kujibiwa kwa baraka”?

Ona pia “Nyimbo za Moyoni,” Nyimbo za Dini, na. 160.

Mafundisho na Maagano 26:2

“Mambo yote, lazima yafanyike kwa ridhaa ya wengi katika kanisa.”

Kirai “ridhaa ya wengi” katika mstari huu kinataja kitendo cha kuinua mikono ili kuonyesha kwamba tunawakubali na kuwaunga mkono watu ambao wanapokea wito au kutawazwa katika ukuhani. Ungemwelezeaje mgeni kwenye mkutano wa Kanisa kile inachomaanisha pale tunapomkubali mtu? Ni majibu gani unayapata katika ujumbe wa Rais Henry B. Erying “Nguvu ya Imani ya Kuidhinisha”? (Liahona, Mei 2019, 58–60).

Kwa mawazo zaidi, ona toleo la mwezi huu la jarida la Liahona na Kwa ajili ya Nguvu kwa Vijana.

Mawazo kwa ajili ya Kuwafundisha Watoto

Mafundisho na Maagano 24:1, 8

Mwokozi anaweza kuniinua “juu ya mateso [yangu].”

• Ili kujifunza kuhusu baadhi ya mateso au changamoto ambazo Joseph Smith na watakatifu wa mwanzoni walikabiliana nayo, mngeweza kurejelea “Chapter 11: More People Join the Church,” katika Doctrine and Covenants Stories, 46–47, au video inayoendana katika Gospel Library. Kisha wewe na watoto wako mngeweza kugundua kile ambacho Bwana alikisema kwa Joseph kuhusu mateso yake katika Mafundisho na Maagano 24:1, 8 Mngeweza pia kushiriki ninyi kwa ninyi jinsi gani Bwana anakusaidia wewe wakati wa nyakati ngumu.

  Chapter 11: More People Join the Church: April–June 1830

• Ili kujifunza inamaanisha nini kuwa “mvumilivu katika mateso [yenu],” wewe na watoto wako mngeweza kutengeneza upya majaribio katika video “Continue in Patience” (Maktaba ya Injili). Ni nini Mafundisho na Maagano 24:8 inatufundisha kuhusu uvumilivu? Ni kwa jinsi gani Yeye hutujulisha kwamba Yupo “pamoja [nasi]” wakati wa mateso yetu?

  Continue in Patience

  Patience requires that we obey God's commandments and faithfully wait for His will to be fulfilled.

Mafundisho na Maagano 25:11–12

Yesu hupenda “wimbo wa moyoni.”

• Baada ya kusoma Mafundisho na Maagano 25:12, mngeweza kuambizana kuhusu wimbo wenu pendwa za dini au wimbo wa Kanisa—“wimbo wa moyoni”—na mziimbeni kwa pamoja. Shiriki na kila mmoja kwa nini mnazipenda nyimbo hizi. Kwa nini Bwana anafurahi tunapoimba nyimbo hizi. Je, ni kwa jinsi gani kuimba kwenu ni kama “sala [Kwake]”?

Mafundisho na Maagano 25:13, 15

Maagano yangu na Baba wa Mbinguni yananiletea shangwe.

• Ili kuelewa inamaanisha nini “kushikilia maagano” (Mafundisho na Maagano 25:13), watoto wako wangeweza kupeana zamu kushikilia kwa nguvu kwenye kitu fulani kadiri wanavyoweza. Kisha wewe na watoto wako mngeweza kuzungumza kuhusu jinsi gani wewe “unashikilia kwa nguvu“ au kushikilia maagano yako. Kama inahitajika, rejelea pamoja na watoto wako maagano tunayofanya (ona Mosia 18:8–10; Mafundisho na Maagano 20:37; na ukurasa wa shughuli ya wiki hii).

• Ili kuwapatia watoto wako muktadha kwa ajili ya Mafundisho na Maagano 25:13, unaweza kuonyesha kwamba kwamba hiki ni kitu ambacho Bwana alimwambia Emma Smith mara baada ya ubatizo wake. Kwa nini huu ungekuwa ushauri mzuri kwa mtu ambaye amebatizwa hivi karibuni?

Kwa mawazo zaidi, ona toleo la mwezi huu la jarida la Rafiki.

Nyimbo za Dini za Emma, na Liz Lemon Swindle