Maelezo kutoka Watakatifu Wakihamia Kirtland, na Sam Lawlor

Aprili 21–27: “Kama Hamna Umoja Ninyi Siyo Wangu”

Mafundisho na Maagano 37–40

Kwa Watakatifu wa mwanzo, Kanisa lilikuwa zaidi ya sehemu ya kusikia mahubiri ya Jumapili. Mafunuo yalitumia maneno kama vile kusudi, ufalme, Sayuni, na, mara nyingi sana, kazi. Hiyo inaweza kuwa sehemu ya kile kilichowavutia waumini wengi wa mwanzo kwenye Kanisa la urejesho. Kwa kiasi walichopenda mafundisho, wengi pia walitaka kitu fulani kitakatifu ambacho wangeweza kuweka wakfu maisha yao kwacho. Hata hivyo, amri ya Bwana ya mwaka 1830 kwa Watakatifu kukusanyika Ohio haikuwa rahisi. Kwa wengi, ilimaanisha kuacha nyumba zao zenye faraja kwa ajili ya sehemu isiyojulikana (ona “Voices of the Restoration: Gathering to Ohio”). Leo tunaweza kuona kwa uwazi kile wale Watakatifu wangeweza kukiona tu na macho ya imani: Bwana alikuwa na baraka nyingi zikiwasubiri huko Ohio.

Haja ya kukusanyika huko Ohio imeshapita tangu siku nyingi, lakini Watakatifu leo bado wanaungana kwenye kusudi lile lile, kazi ile ile: “kuistawisha Sayuni” (Mafundisho na Maagano 39:13). Kama wale Watakatifu wa mwanzo, tunaalikwa kuacha “shughuli za ulimwengu” (Mafundisho na Maagano 40:2) na kutumainia ahadi ya Bwana: “Utapokea … baraka kubwa ambayo kamwe hujaijua” (Mafundisho na Maagano 39:10).

Ona pia Saints, 1:109–11.

Mawazo kwa ajili ya Kujifunza Nyumbani na Kanisani

Mafundisho na Maagano 37–38

Mungu hutukusanya ili atubariki.

Waumini wa Kanisa huko Fayette, New York, ilibidi wafanya dhabihu ngumu ili kuhamia Ohio (zaidi ya umbali wa maili 250) katika majira ya baridi ya 1831. Unaposoma kuhusu amri ya Bwana katika Mafundisho na Maagano 37:3–4, unaweza kufikiria kuhusu dhabihu ambao Bwana amekuamuru wewe. Kisha, unaposoma Mafundisho na Maagano 38:1–33, tafuta kweli kuhusu Mwokozi ambazo zinakupa wewe imani ya kufuata ushauri Wake. Unajifunza nini kutoka mstari wa 11–33 kuhusu baraka za kukusanyika kama wafuasi wa Yesu Kristo?

Mafundisho na Maagano 38:22

“Sikia sauti yangu na unifuate.”

Ni kwa jinsi gani unaweza kumfanya Yesu Kristo kuwa “mtoa sheria” wako? Ni kwa jinsi gani kufuata sheria Zake kunakufanya wewe “mtu huru”?

Ona pia 2 Nefi 2:26–27.

Mafundisho na Maagano 38:30

Kama nimejitayarisha sihitaji kuogopa.

Ni lini umepata uzoefu wa kanuni ambazo Bwana amezifunua katika Mafundisho na Maagano 38:30: “Kama umejitayarishha hutaogopa”? Unaposoma sehemu ya 38, angalia namna gani Bwana anawatayarisha Watakatifu Wake ili waweze kuikabili siku ya usoni kwa ujasiri. Ni kwa jinsi gani Yeye anakutaka ujitayarishe kwa ajili ya changamoto, ili kwamba huhitaji kuogopa?

Ona pia David A. Bednar, “Tutawajaribu,” Liahona, Nov. 2020, 8-11.

Mafundisho na Maagano 38:24–27

Mungu anataka sisi “tuwe na umoja.”

Watakatifu waliokusanyika Ohio walikuja kutoka katika hali tofauti. Yawezekana ikawa vivyo hivyo kwa watu wa kata yako. Lakini Bwana anawaamuru watu Wake “kuwa na umoja” (mstari wa 27 Ni kwa jinsi gani tunaweza kutimiza aina hii ya umoja? Ni mawazo gani yanakuja akilini unaposoma Mafundisho na Maagano 38:24–27? Kwa nini tunahitaji kuwa na umoja ili kuwa watu wa Mungu?

Kusoma mistari hii kungeweza pia kukuvutia wewe kufikiria kuhusu uhusiano wako—kwa mfano, na wanafamilia, washiriki wa kata na akidi au washiriki wa darasa. Ni kitu gani kinaweza kukuzuia wewe kuwa na umoja na Kristo? Ni jinsi gani Mwokozi anaweza kuwasaidia ninyi kuwa na “umoja”? Video “A Friend to All” au “Love in Our Hearts” (Maktaba ya Injili) ingeweza kukusaidia kujibu maswali haya. Ungeweza pia kutafuta mawazo katika ujumbe wa Dale G. Renlund’Amani ya Kristo Huondoa Uadui,” Liahona, Nov. 2021, 83–85.

A Friend to All

Elder Ulisses Soares talks of the need for kindness and acceptance.

Love in Our Hearts

Sister Christina B. Franco discusses the importance of inclusion and respect.

Ni kwa jinsi gani ungeweza kusaidia makundi haya kuwa na umoja? Kwa mfano, fikiria kutuma au kuandika ujumbe wa ukarimu kwa washiriki wa akidi yako, darasa au familia. Unahisi kuvutiwa kumfikia nani?

Je, wewe unavutiwa na nini kuhusu mfano wa Mwokozi katika Waefeso 2:14, 18–22; 2 Nefi 26:24–28?

Ona pia Quentin L. Cook, “Mioyo iliyofumwa katika Haki na Umoja,” Liahona, Nov. 2020, 18–21; “Niwapendavyo,” Nyimbo za Dini, na. 185; Topics and Questions, “Belonging in the Church of Jesus Christ,” Maktaba ya Injili.

Mafundisho na Maagano 38:39; 39–40

Baba wa Mbinguni anataka kunipatia utajiri wa milele.

Kwa maoni yako, ni nini tofauti kati ya “utajiri wa dunia” na “utajiri wa milele”? (Mafundisho na Maagano 38:39). Ni jambo gani limekufundisha wewe kuthamini utajiri wa milele?

Kumbuka hili unaposoma kuhusu James Covel katika sehemu ya 39–40 (ikijumuisha chanzo cha kihistoria katika kichwa cha habari cha sehemu). Fikiria jinsi gani uzoefu wake unavyoweza kutumika kwako. Kwa mfano, fikiria wakati ambapo “moyo … wako ulikuwa safi mbele ya [Mungu]” (Mafundisho na Maagano 40:1). Ulibarikiwa vipi kwa sababu ya uaminifu wako? Pia fikiria juu ya “shughuli za ulimwengu” unazokabiliana nazo. Ni kwa jinsi gani zinakuzuia kupokea neno la Mungu “kwa furaha”? (Mafundisho na Maagano 39:9; 40:2). Ni kipi unachopata katika sehemu hizi ambacho kinakutia msukumo kuwa mtiifu zaidi kwa Mungu?

Ona pia Mathayo 13:3–23.

Kutumia maandiko katika maisha Yako. “Njia mojawapo unayoweza kuwasaidia wanafunzi kuona uhusiano wa kweli juu ya [maandiko] ni kwa kuwauliza maswali kama ‘Hili linawezaje kukusaidia wewe katika jambo unalopitia sasa?’ ‘Kwa nini ni muhimu kwako kujua hili?’ ‘Je, ni tofauti gani hili linaweza kufanya katika maisha yako?’” (Kufundisha katika Njia ya Mwokozi, 23). Maswali katika shughuli hii kuhusu Mafundisho na Maagano 39–40 ni mfano wa maswali ambayo yanaweza kutusaidia sisi kutumia mafunuo haya kwenye maisha yetu.

Kwa mawazo zaidi, ona toleo la mwezi huu la majarida ya Liahona na Kwa ajili ya Nguvu kwa Vijana. .

Mawazo kwa ajili ya Kuwafundisha Watoto

Mafundisho na Maagano 37; 38:31–33

Mungu anatukusanya ili kutubariki.

• Kuna Ramani na ukurasa wa shughuli mwishoni mwa muhtasari huu ambavyo vinaweza kuwasaidia watoto wako kuelewa kitu ambacho Mungu ameamuru katika Mafundisho na Maagano 37:3. Unaweza kuwasaidia kutafuta sehemu zilizotajwa katika mafunuo haya. Unaweza pia kuwasaidia kutafuta kirai kutoka Mafundisho na Maagano 38:31–33 ambacho kinaelezea kwa nini Mungu aliwataka watu wake kukusanyika pamoja.

Mafundisho na Maagano 38:24–27

Mungu anataka sisi “tuwe na umoja.”

• Unaposoma Mafundisho na Maagano 38:24–25 pamoja na watoto wako, zungumza kuhusu inamaanisha nini kumheshimu kaka au dada yako kama nafsi yako mwenyewe (ona pia Mathayo 7:12). Wasaidie warudie andiko, wakibadili “ndugu yako” kwa majina ya kila mmoja.

• Ili kuwafundisha watoto wako kile inachomaanisha “kuwa na umoja” (Mafundisho na Maagano 38:27), ungeweza kuwasaidia kuchora namba 1 kubwa na kuipamba na majina na michoro au picha za kila mtu katika familia au darasa lako. Karibu na hiyo 1, ungeweza kuandika mambo utakayofanya ili kuwa na umoja zaidi.

• Fikiria kushiriki somo la vitendo ambalo linaelezea kwa mfano jinsi vitu vinavyoweza kuunganishwa kuwa kitu kimoja, kama vile vipande vya nguo ambavyo vinatengeneza farishi moja au viungo vinavyotengeneza boflo moja la mkate. Ni nini mifano hii hutufundisha kuhusu kuwa na umoja kama watu wa Mungu?

Mafundisho na Maagano 38:30

Kama nimejitayarisha sihitaji kuogopa.

• Mnaposoma pamoja Mafundisho na Maagano 38: 30, wewe na watoto wako mngeweza kuzungumzia kuhusu uzoefu wa hivi karibuni ambao uliwahitaji kujitayarisha. Kisha ungeweza kuwauliza watoto wako kuhusu mambo ambayo Baba wa Mbinguni anatutaka tujitayarishe kwayo. Shiriki na watoto uzoefu ambao kwa kuwa ulijitayarisha ilikusaidia kutokuogopa. Mngeweza pia kuangalia video ya “Men’s Hearts Shall Fail Them” (Maktaba ya Injili).

Men's Hearts Shall Fail Them

Elder Russell M. Nelson shares a personal story to give encouragement for when we feel "weak in the heart."

Mafundisho na Maagano 39:6, 23

Ninapokea kipawa cha Roho Mtakatifu wakati ninapothibitishwa.

• Fikiria kuonyesha picha ya mtu akithibitishwa. Waulize watoto wako waelezee kile kinachofanyika katika picha hiyo. Ungeweza pia kuwaalika kuonyesha kwa kidole wakati wowote wanaposikia maneno Roho Mtakatifu katika Mafundisho na Maagano 39:6, 23 (au katika wimbo kama “The Holy Ghost,” Kitabu cha Nyimbo za Watoto, 105). Shirikini mmoja na mwingine jinsi kipawa cha Roho Mtakatifu na kumekubariki.

Kwa ajili ya mawazo zaidi, ona toleo la mwezi huu la jarida la Rafiki.