“Juni 16–22: ‘Bwana Anahitaji Moyo na Akili yenye Kukubali’: Mafundisho na Maagano 64–66,” Njoo, Unifuate—Kwa Ajili ya Nyumbani na Kanisani: Mafundisho na Maagano 2025 (2025)
“Mafundisho na Maagano 64–66,” Njoo, Unifuate—Kwa Ajili ya Nyumbani na Kanisani: 2025
Daviess County, Missouri
Juni 16–22: “Bwana Anahitaji Moyo na Akili Yenye Kukubali”
Mafundisho na Maagano 64–66
Katika kipindi cha joto kali la Agosti 1831, wazee kadhaa walikuwa wakisafiri kurejea Kirtland kutoka eneo la Sayuni huko Missouri. Wasafiri walikuwa wakihisi joto na uchovu, na mivutano punde iligeuka kuwa ugomvi. Ingeweza kuonekana kama vile kuijenga Sayuni, mji wa upendo, umoja, na amani, ingechukua muda mrefu.
Kwa bahati nzuri, kuijenga Sayuni—huko Missouri mnamo 1831 au katika mioyo, familia, na kata zetu leo—hakuhitaji sisi tuwe wakamilifu. Badala yake, “lakini ninyi mnatakiwa kusamehe,” Bwana alisema (Mafundisho na Maagano 64:10). Yeye anahitaji “moyo na akili yenye kukubali” (mstari wa 34). Na Yeye anahitaji uvumilivu na bidii, kwani Sayuni inajengwa juu ya misingi ya “mambo madogo,” yanayokamilishwa na wale ambao “hawachoki kutenda mema” (mstari wa 33).
Ona pia Saints, 1:133–34, 136–37.
Mawazo kwa ajili ya Kujifunza Nyumbani na Kanisani
“Semeheaneni.”
Zingatia yafuatayo unaposoma Mafundisho na Maagano 64:1–11:
-
Fikiria kuhusu wakati Bwana alipokusamehe. Je! ulijisikiaje?
-
Je, kuna mtu unayehitaji kumsamehe? Kwa nini kuwasamehe wengine ni vigumu sana? Ni kipi kinakusaidia ushinde magumu haya?
-
Ni kweli zipi kuhusu msamaha katika Mafundisho na Maagano 64:1–11 zinaonekana muhimu kwako? Kwa nini unadhani Bwana anatuamuru “kuwasamehe watu wote”? (mstari wa 10).
Kama unasumbuka kusamehe, zingatia kujifunza ujumbe wa Mzee Jeffrey R. Holland “Huduma ya Upatanisho” (Liahona, Nov. 2018, 77–79) au ujumbe wa Kristin M. Yee “Taji la Maua Badala ya Majivu: Njia ya Uponyaji ya Msamaha” (Liahona, Nov. 2022, 36–38). Unajifunza nini kuhusu jinsi Kristo anavyoweza kukusaidia usamehe?
Mahusiano ya familia yanaweza kutoa fursa nyingi za kujifunza kusamehe. Fikiria kuhusu wanafamilia yako. Ni nani unayehitaji kumsamehe? Ni kwa jinsi gani sisi “tunapata mateso” (mstari wa 8) wakati hatusameheani? Ni kwa jinsi gani kusameheana kunaathiri mahusiano ya familia yako?
Ona pia Topics and Questions, “Forgiveness,” Maktaba ya Injili; “Forgiveness: My Burden Was Made Light” (video), Maktaba ya Injili.
Forgiveness: My Burden Was Made Light
After a man loses his wife and several children in a car accident, he finds healing and is able to forgive the offending driver through the power of Jesus Christ.
“Mnapaswa kusameheana ninyi kwa ninyi” (Mafundisho na Maagano 64:9).
Mafundisho na Maagano 64:31–34
Bwana anahitaji kutoka kwangu “moyo na akili yenye kukubali.”
Je, umewahi kuhisi “kuchoka” kwa “kutenda mema” yote unayojaribu kukamilisha? Tafuta ujumbe wa Bwana kwako katika Mafundisho na Maagano 64:31–34. Ni nini Bwana anataka familia yako ifanye ili kutimiza “kazi Yake kubwa”?
Fikiria somo la vitendo ambalo lingeonesha mstari wa 33—kitu fulani kikubwa ambacho kimeundwa kutokana na vitu vidogo, kama vile picha inayokamilika kwa kuweka pamoja vipande vidogo vidogo au ujenzi wa tofali. Ni “vitu gani vidogo” tunaweza kufanya kila siku ili “[kujenga] msingi wa kazi kuu ya Mungu? Ni ipi baadhi ya mifano ya “kazi kubwa” ambayo Bwana amekupatia?
Mafundisho na Maagano 64:31–34
“Moyo na akili yenye kukubali”
Mzee Donald L. Hallstrom alipendekeza maana hii yamkini kwa ajili ya kirai “moyo na akili yenye kukubali”:
“Moyo huashiria upendo na kujitolea. Tunatoa dhabihu na kubeba mizigo ya wale tunaowapenda ambayo tusingeivumilia kwa sababu nyingine yeyote. Kama hakuna upendo, kujitolea kwetu hufifia. …
“Kuwa na ‘akili yenye kukubali’ ina maana kujitolea kwa uwezo wetu wote na fikra zetu bora na kutafuta hekima ya Mungu. Inapendekeza kuwa kujifunza kwetu kwa bidii katika maisha yetu yote kunapaswa kuwa juu ya vitu ambavyo ni vya milele kiasili. Inamaanisha kwamba ni lazima kuwe na uhusiano usiochanganulika baina ya kulisikia neno la Mungu na kulitii” (“Moyo na Akili Yenye Kukubali,” Ensign, Juni 2011, 31–32).
Mafundisho na Maagano 64:41–43
Sayuni itakuwa “bendera kwa watu.”
Ensign ni “bendera au ishara ambayo kwayo watu hukusanyika katika umoja wa lengo au utambulisho” (Mwongozo wa Maandiko, “Ensign,” Maktaba ya Injili). Ni kwa jinsi gani Sayuni—au Kanisa la Bwana—limekuwa kama bendera kwako? Fikiria mifano hii mingine ya vitu vinavyonyanyuliwa juu, kama bendera, ili kuwabariki watu: Hesabu 21:6–9; Mathayo 5:14–16; Alma 46:11–20. Tafuta njia zingine za jinsi Bwana anavyoielezea Sayuni katika Mafundisho na Maagano 64:41–43.
Ona pia “Acha Sayuni Ing’are,” Nyimbo za Dini, na. 22.
Ufalme wa Mungu duniani hutayarisha ulimwengu kwa ajili ya kurudi kwa Mwokozi.
Mafundisho na Maagano 65 inatoa ufafanuzi wa kutia msukumo wa misheni ya Kanisa la Bwana katika Siku za Mwisho. Fikiria kupekua sehemu hii, ukitafuta majibu kwa maswali kama haya: Ni kipi Bwana anataka Ufalme Wake utimize duniani? Ni kipi Yeye anataka nifanye ili kusaidia?
Ona pia “Prepare Today for the Second Coming” (video), ChurchofJesusChrist.org.
Prepare Today for the Second Coming
(Joseph Smith—Matthew 1:46–54; Matthew 24:42–51) An excerpt from “Preparation for the Second Coming,” Ensign or Liahona, May 2004, 8–9.
Bwana anayajua mawazo ya moyo wangu.
Muda mfupi baada ya kujiunga na Kanisa, William E. McLellin alimuomba Joseph Smith afunue mapenzi ya Mungu kwake. Joseph hakulijua hilo, lakini William alikuwa na maswali binafsi matano ambayo alitarajia Bwana angeyajibu kupitia Nabii Wake. Hatujui maswali ya William yalikuwa yapi, lakini ufunuo uliotolewa kwake, sasa Mafundisho na Maagano 66, ulijibu kila swali la William kwa “uridhikaji wote na ukamilifu” (“William McLellin’s Five Questions,” Revelations in Context, 138).
Unaposoma sehemu ya 66, fikiria kuhusu kile Bwana alichojua kuhusu William McLellin na wasiwasi pamoja na nia za moyo wake. Ni kwa jinsi gani Bwana ameonesha kwamba Yeye anakujua wewe? Kama una baraka ya patriaki, fikiria kuisoma. Unapofanya hivyo, ni kipi Roho Mtakatifu anakusaidia uelewe kuhusu mapenzi ya Mungu kwa ajili yako?
Kwa mawazo zaidi, ona toleo la mwezi huu la majarida ya Liahona na Kwa ajili ya Nguvu kwa Vijana. .
Mawazo kwa ajili ya Kuwafundisha Watoto
Yesu Kristo ananitaka nimsamehe kila mmoja.
Zingatio: Unapowafundisha watoto wako kuhusu amri ya Bwana ya “kuwasamehe wote,” unaweza kutaka kuweka wazi kwamba kusamehe hakumaanishi kuwaruhusu watu watuumize. Wahimize wamwambie mtu mzima wa kuaminika ikiwa mtu anawaumiza au anawagusa isivyofaa.
-
Baada ya kusoma Mafundisho na Maagano 64:10 pamoja na watoto wako, zungumza nao kuhusu kile inachomaanisha kumsamehe mtu. Ungeweza kushiriki mifano michache rahisi. Pengine wangeweza kuigiza mifano hii ili kufanya mazoezi ya kusamehe.
-
Ungeweza kuwaomba watoto wako wapange jinsi ambavyo wangeweza kumfundisha mtu—kama vile ndugu wadogo—kuhusu kuwasamehe wengine. Wasaidie wapate virai katika Mafundisho na Maagano 64:7–10 ambacho wangeweza kutumia wanapofundisha.
-
Imbeni wimbo kuhusu msamaha, kama vile “Help Me, Dear Father” (Kitabu cha Nyimbo za Watoto, 99). Wimbo huu unatufundisha nini kuhusu kuwasamehe wengine?
“Kazi kuu” ya Mungu imejengwa juu ya “vitu vidogo.”
-
Ungeweza kuwaonesha watoto wako baadhi ya vitu ambavyo vimetengenezwa kwa sehemu ndogo ndogo, kama vile chemsha bongo au zulia. Kisha mngeweza kusoma pamoja Mafundisho na Maagano 64:33. “Kazi kuu” ya Mungu ni ipi? Je, ni “vitu gani vidogo” tunavyoweza kufanya ambavyo vitaweza kusaidia?
Ninaweza kumfuata Yesu kwa moyo na akili yangu.
-
Unapowasomea watoto wako kutoka Mafundisho na Maagano 64:34, ungeweza kuonesha moyo wako na kichwa chako unaposoma “moyo” na “akili” na waalike watoto wafanye hivyo pamoja na wewe. Ni kwa jinsi gani tunaweza kutoa mioyo yetu (matamanio) na akili (mawazo) zetu kwa Mwokozi?
Sisitiza Mfano wa Yesu Kristo. Zingatia jinsi unavyoweza kusisitiza mfano wa Mwokozi wakati unapojifunza au kufundisha? Kwa mfano, wakati unapofundisha kuhusu Mafundisho na Maagano 64:34, ungeweza kuzungumza na watoto wako kuhusu jinsi Mwokozi alivyotoa moyo (matamanio) Wake na akili (mawazo) Yake kwa Baba wa Mbinguni. (Ona Kufundisha katika Njia ya Mwokozi, 6.)
Bwana anajua mimi ni nani na ananipenda.
-
Wasaidie watoto wako waelewe kwamba William E.Mclellin alikuwa na maswali matano kwa Bwana. Joseph Smith alipokea majibu ya maswali haya japokuwa hakujua maswali ya William yalikuwa yapi. Waeleze watoto wako kuhusu wakati ambapo Bwana alikuonesha nini Yeye alitaka wewe ufanye, na zungumza kuhusu baraka ambazo huja kwa kufuata maelekezo Yake. Mngeweza kisha kusoma Mafundisho na Maagano 66:4 pamoja na uwaalike watoto wako watafute fursa za kuelewa kile ambacho Bwana anawataka wao wafanye.
Utondoti kutoka Ujio wa Pili, na Kevin Keele
Ninaweza kusaidia kuuandaa ulimwengu umpokee Yesu Kristo.
-
Watoto wako wanapoangalia picha ya Ujio wa Pili wa Mwokozi, na waombe watoto waelezee kile wanachokiona au kile wanachokijua kuhusu tukio hili. Ungeweza pia kuwapa watoto wako maneno na virai kuhusu Ujio wa Pili ili wavitafute katika Mafundisho na Maagano 65. Maneno na virai hivi vinatufundisha nini? Ni kwa jinsi gani tunaweza kujitayarisha kwa ajili ya kurudi kwa Mwokozi?
Kwa mawazo zaidi, ona toleo la mwezi huu la jarida la Rafiki.
Kusamehewa, na Greg Olsen.