Sulufaiga, saunia e Shaelynn Abel

7–13 Iulai: “O Le a Tele Lava Lo Latou Taui ma O Le A Faavavau Lo Latou Mamalu”

Mataupu Faavae ma Feagaiga 76

“O le a le mea o le a tupu ia te au pe a ou oti?” E toetoe lava o tagata uma e fai mai lenei fesili i nisi o ituaiga po o se isi fesili. Mo le tele o seneturi, o le tele o tu ma aga faa-kerisiano, e faalagolago i aoaoga faale-Tusi Paia, ua aoao e uiga i le lagi ma seoli, o le parataiso mo e amiotonu ma le malaia mo e amioleaga. Ae e mafai moni ea ona matuai vaeluaina faamalosi le aiga atoa o tagata? Ia Fepuari 1832, sa mafaufau ai Iosefa Samita ma Sini Rikitone pe iai nisi mea e tele atu e tatau ona iloa e faatatau i le mataupu (tagai i le Mataupu Faaave ma Feagaiga 76, ulutala o le vaega).

Sa i ai moni lava. A o manatunatu loloto Iosefa ma Sini i nei mea, na faapea ona “paʼi mai le Alii i mata o o [laʼua] malamalamaaga ma sa tatalaina” (fuaiupu 19). Sa la’ua maua se faaaliga sa matuai mataina, matuai lautele, matuai malamalama, o lea sa ta’ua ai e le Au Paia, “o le Faaaliga Vaaia.” Na matala ai faamalama o le lagi ma tuuina mai ai i fanau a le Atua se vaaiga e maofa ai le mafaufau e uiga i le faavavau. O le faaaliga vaaia na faaalia ai, o le lagi e matagofie atu ma lautele atu ma e sili ona aofia ai [mea uma] nai lo o le mea na manatu muamua ai le toatele o tagata. O le Atua e sili atu ona alofa mutimutivale ma amiotonu nai lo o le mea e mafai ona tatou malamalama i ai. Ma ua i ai i fanau a le Atua se faasinomaga e faavavau e sili atu ona matagofie nai lo o le mea e mafai ona tatou vaai faalemafaufau i ai.

Tagai i le Au Paia, 1:147–50; “O Le Faaaliga Vaaia,” i le Revelations in Context,148–54.

Manatu mo le Aoaoina i le Aiga ma i le Lotu

Mataupu Faavae ma Feagaiga 76

O le faaolataga e oo mai e ala ia Iesu Keriso, le Alo o le Atua.

O levaega 76 o loo faaalia mai ai upumoni taua e uiga i lo tatou taunuuga e faavavau, ae o le a le atoatoa le faapea atu o lenei faaaliga e faatatau i malo e tolu o le mamalu pe faatatau foi i le ata o le faaolataga. O le mea e sili ona sa’o, o le vaega 76 e faatatau ia Iesu Keriso, o lē ua mafai ai ona maua le fuafuaga a le Atua mo lo tatou faaolataga ma le mamalu e faavavau. A o e faitau, e mafai ona e vaavaai mo upu po o fasifuaitau o loo faamatala ai le sootaga i le va o Iesu Keriso ma tagata o e mautofi i malo eseese o le mamalu. Atonu o se siata e pei o lea e mafai ona fesoasoani ia te oe e faamaumau ai mea e te maua.

Malo o mamalu	Sootaga faatasi ma Iesu Keriso	Faamanuiaga e faavavau
Malo o mamalu Selesitila (fuaiupu 0–70, 92–96)	Sootaga faatasi ma Iesu Keriso Maua le molimau ia Iesu Sa osia ma tausia feagaiga ma Ia	Faamanuiaga e faavavau Faamama mai le agasala Manumalo e ala i le faatuatua
Malo o mamalu Terasitila (fuaiupu 71–79, 97)	Sootaga faatasi ma Iesu Keriso	Faamanuiaga e faavavau
Malo o mamalu Telesitila (fuaiupu 81–90, 98–106, 109–12)	Sootaga faatasi ma Iesu Keriso	Faamanuiaga e faavavau

O le a se mea ua musuia oe e fai e faamalosia ai lou sootaga ma le Faaola?

Ina ua faitau e Uilifoti Uitilafi lenei faaaliga vaaia, na fai mai o ia, “Na ou manao ai ia faateleina lo’u alofa i le Alii nai lo o se isi lava taimi na i ai muamua o lo’u olaga” (tagai i le “O Leo o le Toefuataiga: O Molimau i ‘le Faaaliga Vaaia’”). O le a se mea ua e aoaoina e uiga ia Iesu Keriso mai fuaiupu 1–5, 20–24, 39–43, 107–8 e afua ai ona e alofa atili ia te Ia?

Tagai foi i le 1 Peteru 3:18–19; 4:6; Dallin H. Oaks, “O Le A Se Mea Ua Faia e lo Tatou Faaola mo i Tatou?,” Liahona, Me 2021, 75–77; “Ou Te Tu ma Ofo,” Viiga, nu. 107.

Taula’i atu i le Tama Faalelagi, Iesu Keriso, ma a La’ua aoaoga faavae. Mai mea uma e mafai ona tatou aoaoina i tusitusiga paia, o upumoni aupito taua e fesoasoani ia i tatou e fausia le faatuatua i le Tama Faalelagi ma Iesu Keriso, salamo, osia ma tausia feagaiga ma i La’ua, ma maua le Agaga Paia. E ui atonu e manaia le faatusatusa pe iloilo ia uiga po o amioga a tagata o e o le a mauaina malo eseese o le mamalu, ae e sili atu ona taua le taulai atu i le Tama Faalelagi ma le Faaola. O mea uma La te faia e saunia ai i tatou mo lena mamalu o le a liliu atu ai i tatou ia i Laua.

I le potu lenei, na vaai ai Iosefa Samita i le faaaliga o loo tusia i le Mataupu Faavae ma Feagaiga 76.

Mataupu Faavae ma Feagaiga 76:5–10, 114–18

E mafai ona ou malamalama i le finagalo o le Atua “e ala i le mana o le Agaga Paia.”

E le o tagata uma o le Ekalesia na faigofie ona latou taliaina le faaaliga vaaia i le vaega 76, ona sa aoao mai ai, e toetoe lava o tagata uma o le a laveaiina ma maua se tikeri o le mamalu. Mo se faataitaiga, na saunoa Polika Iaga: “Na faapena foi a’u agaifanua, o lea ina ua oo mai le Faaaliga i le taimi muamua ia te au, sa matua faafeagai lava ma feteenai ma mea na aotauina ai au muamua. Sa ou faapea atu, Faatalitali teisi. Ou te lei teenaina; ae sa le mafai ona ou malamalama i ai.” Sa ia faamatala mai na manaomia ona ia “mafaufau ma tatalo, e faitau ma mafaufau, seia oo ina ou iloaina ma malamalama atoatoa i ai mo au lava”(i le “The Vision,” Revelations in Context,150). O le a le mea tatou te aoao mai i lona aafiaga, e mafai ona fesoasoani ia i tatou pe afai e faaali mai e le Atua ni mea e ese mai mea o loo tatou malamalama i ai nei? O le a se mea ua e aoaoina e uiga i le Atua i le Mataupu Faavae ma Feagaiga 76:5–10, 114–18? O a mea o aoao mai e nei fuaiupu e uiga i le ala e mafai ai ona e malamalama i ‟le fiafia lelei o le loto [o le Atua]”? (fuaiupu 7).

Mataupu Faavae ma Feagaiga 76:39–44, 50–70

O le faaeaga o le ituaiga aupito maualuga lea o le faaolataga.

O leMataupu Faavae ma Feagaiga 76:39–44 o loo faamatala faalauaitele mai ai le faaolataga. Ofuaiupu 50–70 o loo faamatala ai le faaeaga, o se ituaiga faapitoa o le faaolataga. E faapefea ona e faamatalaina le eseesega o le faaolataga ma le faaeaga? O le a le matafaioi a le Faaola i mea uma e lua? O a ni mea ua e maua i nei fuaiupu e uunaia ai oe e saili le faaeaga?

Tagai foi i le Ioane 3:16–17; Mataupu Faavae ma Feagaiga 132:20–25.

Mataupu Faavae ma Feagaiga 76:50–70, 92–95

E finagalo le Tama Faalelagi ia ou maua le ola e faavavau i le malo selesitila.

Pe i ai se taimi na e mafaufau ai—pe popole—pe mafai ona avea oe ma ituaiga o tagata o le a mauaina le mamalu selesitila, e pei ona faamatalaina i le Mataupu Faavae ma Feagaiga 76:50–70, 92–95? E ui e taua le iloa o mea ua faamoemoeina e le Atua mai ia i tatou, mafaufau foi e vaavaai i nei fuaiupu mo mea ua faia e le Atua mo i tatou—ma o loo faia—e fesoasoani ai ia i tatou ia avea e faapei o Ia. Aisea e te lagona ai e taua au taumafaiga ia te Ia?

E mafai faapefea e lenei faaaliga vaaia e uiga i le mamalu selesitila ona aafia ai le ala e te manao e te ola ai i lou olaga i aso taitasi?

Tagai foi i le Mose 1:39; J. Devn Cornish, “O Lava Ea Lo’u Lelei? Pe O Le A Ou Ausia Ea?,” Liahona, Nov. 2016, 32–34.

Mo nisi manatu, tagai i lomiga o lenei masina o mekasini o le Liahona ma le Mo le Malosi o le Autalavou .

Tagata, Nofoaga, Mea e Tutupu

• Iosefa Samita le Itiiti

• Sini Rikitone

• Fale o John ma Elsa Johnson

• O Le Faaaliga (MFF 76)

Kiliki e vaai i isi mea

Manatu mo le Aoaoina o Tamaiti

Mataupu Faavae ma Feagaiga 76:24

O i tatou uma lava o fanau a le Atua.

• Ina ia fesoasoani i lau fanau ia malamalama i o latou gafatia paia, e mafai ona e faaali atu ia i latou ata o tamaiti ma o latou mātua. Ona mafai lea ona e faitauina le Mataupu Faavae ma Feagaiga 76:24 ma faasoa atu i le tasi ma le isi le mafuaaga ua e fiafia ai e iloa o i tatou uma o ‟atalii ma afafine i le Atua.”

• E mafai fo’i ona outou usuina faatasi le “O A’u o se Atalii o le Atua” (Tusipese a Tamaiti, 2) ma valaaulia lau fanau e tusi o latou lima ia i latou pe a latou peseina le “O A’u.” Ona toe usu lea o le pese, sui le ‟O A’u” i le ‟O oe” a o faasino atu i se isi tagata.

Mataupu Faavae ma Feagaiga 76:5, 41–42, 69

O Iesu Keriso o lo’u Faaola.

• Mafaufau e faatino faatasi ma lau fanau se tala faatino lea e fesili ai se tasi, “O le a se mea ua faia e Iesu Keriso mo au?” E mafai e oe ma lau fanau ona vaavaai mo ni tali talafeagai i fuaiupu 5, 41–42, po o le 69 i le vaega 76. E mafai fo’i ona outou usuina le “Na Ia Auina Mai Lona Alo,” Tusipese a Tamaiti, 20. E mafai faapefea ona tatou faaalia lo tatou loto faafetai mo mea na faia e le Faaola mo i tatou?

Auiliiliga mai le Tuu Mai Tamaiti, saunia e J. Kirk Richards

Mataupu Faavae ma Feagaiga 76:62

E finagalo le Tama Faalelagi ia ou toe foi atu e mau faatasi ma Ia e faavavau.

• E mafai e oe ma lau fanau ona faitau pe matamata se vaega po o le “Mataupu 26: O Malo e Tolu o le Lagi” (i le Tala o le Mataupu Faavae ma Feagaiga, 97–103, po o le vitio talafeagai i le Gospel Library) ma faasoa atu i le tasi ma le isi mea e te fiafia i ai e uiga i le faaaliga na vaaia e Iosefa Samita. Tuu atu i lau fanau e faasoa mai o latou manatu ma lagona e uiga i le tulaga e i ai le nonofo faatasi ma le Tama Faalelagi i le malo selesitila.

  Chapter 26: The Three Kingdoms of Heaven: 16•February 1832

• E mafai fo’i ona faitau le Mataupu Faavae ma Feagaiga 76:62 ma valaaulia lau fanau e tusi o latou lava ata faatasi ma le Tama Faalelagi ma Iesu Keriso i totonu o le malo selesitila (tagai i le itulau o gaoioigao lenei vaiaso).

Mataupu Faavae ma Feagaiga 76:12, 15–19, 114–16

O le suesueina o tusitusiga paia e mafai ona fesoasoani ia te a’u e “malamalama i mea a le Atua.”

• E mafai ona e valaaulia lau fanau e faitau ia fuaiupu 15–19 e saili ai po o a mea sa fai e Iosefa Samita ma Sini Rikitone ina ua la vaai i le faaaliga vaaia o loo i le Mataupu Faavae ma Feagaiga 76. Ta’u atu i lau fanau e uiga i se taimi na e maua ai musumusuga a o faitauina tusitusiga paia, ma fesili atu i lau fanau pe na i ai foi ni o latou aafiaga faapena.

Mo nisi manatu, tagai i le lomiga o lenei masina o le mekasini o le Uo .

Mamalu i Tikeri,, saunia e Annie Henrie Nader