Faamatalaga mai i le O Keriso o Loo Tala’i Atu i le Lalolagi o Agaga, saunia e Robert T. Barrett

1–7 Tesema: “O Le Faaaliga o le Togiolaina o Ē ua Maliliu”

Mataupu Faavae ma Feagaiga 137–138

O faaaliga ua tusifaamaumauina i le Mataupu Faavae ma Feagaiga 137 ma le 138 e silia ma le 80 tausaga ma le 1,500 maila o loo va a’i. O levaega 137 sa maua e le Perofeta o Iosefa Samita i le 1836 i totonu o le Malumalu o Katelani, ae o le vaega 138 sa maua e Iosefa F. Samita, o le Peresitene lona ono o le Ekalesia, i le 1918 i le Aai o Sate Leki. Ae i le faaleaoaoga faavae, o nei faaaliga vaaia e lua e fesootai lelei lava. La te taliina uma fesili o loo i ai i le toatele o tagata—e aofia ai perofeta a le Atua—e uiga i le olaga pe a mavae le oti. Sa manatunatu Iosefa Samita e uiga i le taunuuga o lona uso o Alavini, o lē na maliu e aunoa ma le papatisoina. O Iosefa F. Samita, o lē na toesea uma ona mātua ma le fanau e toa 13 ina ua maliliu faafuasei, sa tele ina mafaufau e uiga i le lalolagi o agaga ma taumanatunatu e uiga i le talaiga o le talalelei iina.

O levaega 137 o loo tuuina mai ai sina uluai malamalama i le taunuuga o fanau a le Atua i le olaga a sau, ma o le vaega138 ua matuā tatalaina lautele atili ai ia ie pupuni. Ua molimau faatasi mai nei faaaliga e uiga i “le alofa tele ma le ofoofogia na faaali mai e le Tamā ma le Alo” (Mataupu Faavae ma Feagaiga 138:3).

Manatu mo le Aoaoina i le Aiga ma i le Ekalesia

Mataupu Faavae ma Feagaiga 137; 138:30–37, 57–60

O fanau uma a le Tama Faalelagi o le a maua le avanoa e filifili ai le ola e faavavau.

O Alavini Samita, le uso pele o le Perofeta o Iosefa, na maliu i le ono tausaga a o lei toefuatai mai e le Atua le pule e papatiso ai. O le malamalamaaga masani sa i ai i nisi o Kerisiano i le 1836 sa faapea, afai e oti se tagata ae le’i papatisoina e le mafai ona alu lena tagata i le lagi. Sa mafaufau Iosefa e uiga i le faaolataga e faavavau o Alavini mo le tele o tausaga—seia oo ina ia maua le faaaliga i le Mataupu Faavae ma Feagaiga 137.

E toatele tagata i aso nei e i ai ni fesili faapena. Aisea o le a manaomia ai e le Atua ia sauniga ma feagaiga ae o le toatele o tagata e le maua lava le avanoa e maua ai? O le a se mea e mafai ona e fai atu ai i se tasi o tuufesili i lenei mea? E faapefea ona e fausia lo latou faatuatua i le Atua ma Ana mea e manaomia mo le faaolataga? Vaavaai mo upumoni e mafai ona e faasoa atu i le vaega 137 ma i le vaega 138:30–37, 57–60. E mafai foi ona e vaavaai mo nei upumoni o loo faailoa mai i le viiga “The Glorious Gospel Light Has Shone” (Hymns, no. 283) ma le savali a Peresitene Henry B. Eyring “Faapotopotoina o le Aiga o le Atua” (Liahona, Me 2017, 19–22).

A o e suesue ma mafaufau loloto, e mafai ona e faamaumauina ou lagona uunai e ala i le faamaeaina o fuaiupu faapenei:

• Ona o nei faaaliga, ua ou iloa ai o le Tama Faalelagi .

• Ona o nei faaaliga, ua ou iloa ai o le fuafuaga o le faaolataga a le Tama .

• Ona o nei faaaliga, ou te fia .

Tagai foi i le Au Paia, 1:232–35.

Mataupu Faavae ma Feagaiga 138:1–11, 25–30

O le faitau ma le mafaufau loloto i tusitusiga paia e saunia ai a’u e maua faaaliga.

O nisi taimi e oo mai ai faaaliga e tusa lava pe tatou te le sailia. Ae o le tele lava o taimi, e oo mai ai ona o loo tatou sailia ma le maelega ma sauni i ai. A o e faitau i le Mataupu Faavae ma Feagaiga 138:1–11, 25–30, ia maitau le mea sa mafaufau i ai Peresitene Iosefa F. Samita i le taimi “sa tatalaina [ai] mata o [lona] malamalama.” E mafai foi ona e faatusatusaina lona aafiaga i le 1 Nifae 11:1–6; Iosefa Samita—Talafaasolopito 1:12–19. Ona mafaufau lea pe faapefea ona e mulimuli i le faataitaiga a Peresitene Samita. Mo se faataitaiga, o a suiga ua e lagona le musuia e fai i au suesuega o tusitusiga paia ia maua atili ai faaaliga faaletagata lava ia?

I lana savali “O le Faaaliga o le Togiolaina O E ua Maliliu” (Liahona, Nov. 2018, 71–74), sa fautuaina mai ai e Peresitene M. Russell Ballard isi auala sa faapea ona saunia ai Peresitene Samita ia maua lenei faaaliga. O a ni mea ua e aoaoina mai i ona aafiaga? Mafaufau pe na faapefea ona saunia oe e le Alii mo ni aafiaga o loo e mauaina—ma pe faapefea ona Ia saunia oe mo ni aafiaga i lou lumanai.

Tagai foi i le Au Paia, 3:202–5; “Ministry of Joseph F. Smith: A Vision of the Redemption of the Dead” (vitiō), Gospel Library.

Ministry of Joseph F. Smith: A Vision of the Redemption of the Dead

Nearing death, President Joseph F. Smith receives revelation from God regarding redemption of the dead.

Iosefa F. Samita, saunia e Albert E. Salzbrenner

Valaaulia le Agaga. “O le a se mea ua e matauina e saofagā i se siosiomaga faaleagaga mo le aoaoina o le talalelei? O le a se mea e tata‘iese mai ai?” (Aoao Atu i le Ala a le Faaola, 18). A o e suesueina le aafiaga o Peresitene Iosefa F. Samita i le Mataupu Faavae ma Feagaiga 138:1–11, mafaufau pe mafai faapefea ona e uunaia le mafaufau loloto ma valaaulia uunaiga faaleagaga mo oe lava ia ma, mo tagata o loo e aoaoina pe afai o oe o se faiaoga,

Mataupu Faavae ma Feagaiga 138:25–60

O le galuega a le Faaola e faaauau i le isi itu o le veli.

Na aoao mai Peresitene Russell M. Nelson e faapea, “O la tatou savali i le lalolagi e faigofie ma faamaoni: tatou te valaauliaina fanau uma a le Atua i itu uma e lua o le veli ia o mai i lo latou Faaola, maua faamanuiaga o le malumalu paia, maua le olioli tumau, ma agavaa mo le ola e faavavau” (“Faamalosi Ia i le Galuega Nei,” Liahona, Me 2018, 118–19). Mafaufau loloto i lenei faamatalaga a o e faitau i le Mataupu Faavae ma Feagaiga 138:25–60. E mafai foi ona e mafaufau i fesili nei:

• O a ni mea ua e aoao mai i nei fuaiupu e uiga i le ala ua faataunuuina ai le galuega a le Faaola i le lalolagi o agaga? Aisea e tāua ai ona e iloa o loo faia lenei galuega?

• O le a se mea ua faagaeetia ai oe e uiga i avefeau a le Alii i le lalolagi o agaga?

• E faapefea e lenei faaaliga ona faamalosia lou faatuatua i le fuafuaga o le togiola a le Atua?

Afai e te manao e aoao atili e uiga i le lalolagi o agaga, e mafai ona e suesue i le savali a Peresitene Dallin H. Oaks “Faalagolago i le Alii” (Liahona, Nov. 2019, 26–29).

Tagai foi i le “Susa Young Gates and the Vision of the Redemption of the Dead,” i le Revelations in Context, 315–22; “A Visit from Father” (vitiō), Gospel Library.

A Visit from Father

President Russell M. Nelson recounts a personal family history story that bears testimony of the importance of temple and family history work for all families.

Mo nisi manatu, tagai i lomiga o lenei masina o mekasini o le Liahona ma le Mo le Malosi o le Autalavou .

Tagata, Nofoaga, Mea e Tutupu

• Mataupu Faavae ma FeagaigaPunaoa o Talafaasolopito: Alavini Samita

• Iosefa F. Samita

• Faaaliga Vaaia o le Togiolaina o E ua Maliliu (MF&F 138)

Kiliki e vaai i isi mea

Fautuaga mo le Aoaoina o Tamaiti

Mataupu Faavae ma Feagaiga 137:5–10; 138:18–35

O fanau uma a le Tama Faalelagi o le a maua le avanoa e faalogo ai i le talalelei.

• Ina ia aoao e uiga i le tāua ia Iosefa Samita ina ua vaai i nisi o tagata o lona aiga i le malo selesitila, e mafai e lau fanau ona matamata i le vitiō “Ministry of Joseph Smith: Temples” (Gospel Library), pe e mafai foi ona e faasoa atu Tala o le Mataupu Faavae ma Feagaiga, 152–53 (po o le vitiō talafeagai i le Gospel Library). Atonu foi e mafai ona outou talanoa e uiga i se tasi tou te iloa na maliu e aunoa ma le avanoa e papatiso ai. O le a le mea o loo aoao mai e le Mataupu Faavae ma Feagaiga 137:5–10 ia i tatou e uiga i lena tagata?

  Auaunaga a Iosefa Samita: O Malumalu

  Ua faatuina e Iosefa Samita le galuega faalemalumalu o se faamoemoega taua mo le Au Paia a le Atua.

  Chapter 39: The Kirtland Temple Is Dedicated: January–March 1836

• Mafaufau e faaaoga se ata o le tuugamau o le Faaola (tagai i le Tusi Ata o le Talalelei, nu. 58, po o Ata o le Tusi Paia, nu. 14) ma le ata i le faaiuga o lenei otootoga e aoao ai lau fanau i le mea na alu i ai le agaga o Iesu ina ua i ai Lona tino i le tuugamau. Ona mafai lea ona outou faitau faatasi le Mataupu Faavae ma Feagaiga 138:18–19, 23–24, 27–30 e aoao ai e uiga i le mea na faia e Iesu a o i ai o Ia iina. O ai na Ia asiasi i ai? O le a le mea na Ia faatonuina i latou e fai? Aisea na Ia faia ai lenei mea?

  

• E mafai foi ona e faaaogaina le itulau o gaoioiga o lenei vaiaso e fesoasoani ai i lau fanau e faatusatusa mea o loo aoao atu e faifeautalai i lenei itu o le veli (tagai, mo se faataitaiga, Mataupu Faavae o le Faatuatua 1:4) ma mea e aoao atu e faifeautalai i le lalolagi o agaga (tagai i le Mataupu Faavae ma Feagaiga 138:33). O le a se mea o talitutusa i nei fuaiupu, ma o le a le mea e ese ai? O le a se mea o loo aoao mai e lenei mea ia i tatou e uiga i le Tama Faalelagi ma Lana fuafuaga?

O le mafaufau loloto i tusitusiga paia e valaaulia ai le Agaga Paia.

Mataupu Faavae ma Feagaiga 138:1–11

Pe a ou mafaufau loloto i tusitusiga paia, e mafai e le Agaga Paia ona fesoasoani ia ou malamalama i ai.

• A o outou faitauina faatasi ma lau fanau le Mataupu Faavae ma Feagaiga 138:1–11 , e mafai ona e valaaulia i latou e faafoliga o i latou o Peresitene Iosefa F. Samita ma faia taga e o faatasi ma upu o loo i fuaiupu 6 ma le 11. E mafai foi ona e faaali atu ia i latou se ata o Peresitene Samita (o loo i ai se ata i lenei otootoga) ma faamalamalama atu o ia o le Peresitene lona ono o le Ekalesia. E mafai foi ona e talanoa e uiga i se taimi na e mafaufau loloto ai i se mea i tusitusiga paia ma na fesoasoani ai le Agaga Paia ia e malamalama i ai.

• Mafaufau e usuina faatasi se pese e faatatau i le suesueina o tusitusiga paia, e pei o le “Saili, Mafaufau Loloto, ma Tatalo” (Tusipese a Tamaiti, 66). O le a le mea o fai mai lenei pese e tatau ona tatou faia e malamalama ai i tusitusiga paia?

Mo nisi manatu, tagai i le lomiga o lenei masina o le mekasini o le Uo .

The Commissioned, saunia e Harold I. Hopkinson