Desemba 15–21: “Familia ni Kitovu cha Mpango wa Muumba”

Familia: Tangazo kwa Ulimwengu

Hata kabla hatujazaliwa, tulikuwa sehemu ya familia—familia ya Wazazi wetu wa Mbinguni. Mpangilio huo unaendelea huku duniani. Familia hapa, katika ubora wake, zinakusudiwa kuakisi ule mpangilio mkamilifu wa huko mbinguni.

Ndiyo, hakuna hakikisho kwamba familia za duniani zitakuwa bora au hata za kufaa. Bali kama Rais Henry B. Eyring alivyofundisha, familia “zinawapa watoto wa Mungu nafasi nzuri zaidi ya kukaribishwa ulimwenguni kwa upendo wa pekee duniani ambao unakaribiana na kile tulichokihisi mbinguni—upendo wa mzazi” (“Kuikusanya Familia ya Mungu,” Liahona, Mei 2017, 20). Kujua kwamba familia sio kamilifu na zinakabiliwa na mashambulizi kutoka kwa adui, Mungu alimtuma Mwanaye Mpendwa ili kutukomboa na kuziponya familia zetu. Na Yeye aliwatuma manabii wa siku za mwisho na tangazo la kulinda na kuimarisha familia. Kama tutawafuata manabii na kuweka imani katika Mwokozi, ingawa familia za kidunia hazifikii utukufu kamili, kuna matumaini kwa ajili ya familia—duniani na mbinguni.

Mawazo kwa ajili ya Kujifunza Nyumbani na Kanisani

“Familia ni kitovu cha mpango wa Muumba.”

“Familia: Tangazo kwa Ulimwengu” ni dhahiri kuhusu familia. Lakini lina uwiano sawa na mpango wa Mungu wa wokovu. Njia mojawapo ya kujifunza tangazo hili ni kuandika vifungu vya maneno maisha kabla ya kuzaliwa duniani, maisha ya duniani, na maisha baada ya kufariki dunia kwenye kipande cha karatasi na kuorodhesha tangazo hili linatufundisha nini kuhusu kila moja ya mada hizi. Unajifunza nini unaposoma tangazo kwa njia hii? Ni kwa jinsi gani hii inakusaidia uelewe kwa nini ndoa na familia ni muhimu kwenye mpango wa Mungu? Je, ni kwa jinsi gani kweli katika tangazo hili zinashawishi chaguzi zako?

Kuna watu wengi ambao, kwa sababu mbalimbali wanaweza kuwa na hofu kuhusu ndoa au kulea watoto. Kama rafiki akisema kwako, “Mimi sitaki kamwe kuoa au kuolewa au kuwa na familia,” wewe ungemwambia nini? Pengine ungeweza kupekua tangazo hili ukitafuta kitu ambacho kingemsaidia rafiki yako kuwa na tumaini katika mpango wa Mungu.

Swali jingine ambalo ungeweza kuulizwa—au ambalo ungeweza kujiuliza mwenyewe—ni kama hili: “Je, inakuwaje kama hali ya familia yangu haifanani na kile kilichoelezwa katika tangazo hili la familia?” Hapa kuna sehemu mbili ambapo ungeweza kutafuta kwa ajili ya ushauri wa kinabii: sehemu “Badiliko Kuu” katika ujumbe wa Mzee Dieter F. Uchtdorf’ “Yesu Kristo Ni Nguvu kwa Wazazi” (Liahona, Mei 2023, 55–59) na aya nne za mwisho za ujumbe wa Mzee D. Todd Christofferson “Kwa Nini Ndoa, Kwa Nini Familia” (Liahona, Mei 2015, 52).

Je, Unajisikia kuvutiwa kufanya nini kwa sababu ya kitu ulichojifunza?

Ona pia Dallin H. Oaks, “Mpango na Tangazo,” Liahona, Nov. 2017, 28–31; Topics and Questions, “Family,” Maktaba ya Injili.

“Kila [mtu] ni mwana au binti mpendwa wa wazazi wa mbinguni.”

Mara nyingi tunafikiria tangazo la familia kama mwongozo kwa ajili ya maisha ya familia. Lakini pia linafundisha ukweli muhimu kuhusu familia yetu ya mbinguni na utambulisho wetu wa milele. Kwa nini ni muhimu kwako kujua kwamba sisi sote ni sehemu ya familia hii? Ni kwa jinsi gani ukweli huu unashawishi chaguzi unazozifanya?

Ona pia “Mimi Mwana wa Mungu,” Nyimbo za Dini, na. 181.

“Furaha katika maisha ya familia itapatikana kwa urahisi ikiwa imejegwa katika mafundisho ya Bwana Yesu Kristo.”

Fikiria juu ya aya ya 6 na 7 ya tangazo la familia kama mpangilio kwa ajili ya “furaha katika maisha ya familia.” Unaposoma aya hizi, tambua kanuni za “ndoa na familia zenye mafanikio.” Unaweza kufikiria kuhusu mifano ya kanuni hizi ambayo umeiona katika familia yako wewe mwenyewe au familia nyingine. Ni kwa jinsi gani kanuni hizi zimesaidia kumfanya Yesu Kristo kuwa msingi wa maisha yako ya kifamilia?

Kisha unaweza kufikiria kuhusu uhusiano wa kifamilia ambao ungependa kuuimarisha Tengeneza mpango, kwa usaidizi wa Mwokozi, wa kutendea kazi misukumo unayopokea.

Ona pia L. Whitney Clayton, “Nyumba Nzuri zaidi,” Liahona, Mei 2020, 107–9.

Wazazi wanapaswa kuwalea watoto wao kwa upendo na haki.

“Tunatoa wito kwa wananchi wenye kuwajibika … kutunza na kuimarisha familia.”

Ile aya ya mwisho ya tangazo la familia inajumuisha wito wa kutenda. Unapozingatia namna utakavyoitikia wito huo, inaweza kusaidia kujifunza kichwa cha habari cha tangazo hili. Kwa mfano, tangazo ni nini? Je, neno hilo lina maana gani kwako kuhusu ujumbe wa waraka huu? Ni nini kilichowapa ustahili Urais wa Kwanza na Baraza la Mitume Kumi na Wawili kutoa tangazo kwa ulimwengu kuhusu familia? Unaweza pia kutengeneza orodha ya vitu unavyofikiri kuwa ni jumbe kuu za tangazo. Unawezaje kukuza jumbe hizi katika maisha yako, katika nyumba yako, na katika jumuiya yako.

Ona pia Bonnie L. Oscarson, “Walinzi wa Tangazo la Familia,” Liahona, Mei 2015, 14–17; “Defenders of the Faith” (video), Maktaba ya Injili.

Defenders of the Faith

Marie Madeline Cardon and her family were holding a Church service in their home in Italy when an angry mob of men gathered and began shouting for the missionaries to be brought outside. It was Marie who marched out of the house to confront the mob.

Kwa mawazo zaidi, ona matoleo ya mwezi huu ya majarida ya Liahona na Kwa ajili ya Nguvu kwa Vijana. .

Mawazo kwa ajili ya Kuwafundisha Watoto

Familia ni muhimu katika mpango wa Baba wa Mbinguni.

• Wasaidie watoto wafikirie juu ya mambo ambayo ni ya muhimu sana ambayo wangetaka kumwambia kila mtu kuhusu hayo. Waoneshe watoto nakala ya “Familia: Tangazo kwa Ulimwengu,” na eleza kwamba manabii na mitume waliliandika hilo ili kutuambia sisi sote jinsi gani familia zilivyo muhimu kwa Baba wa Mbinguni. Kwa nini familia ni za muhimu sana kwake Yeye? (Ona pia video “What Is the Purpose of Family?” [ChurchofJesusChrist.org]).

  What Is the Purpose of Family?

  The family is the divine building block of society.

• Shiriki pamoja na watoto wako kitu kutoka kwenye tangazo ambacho unahisi sote tunahitaji kukijua. Waalike watoto waelezee hisia zao kuhusu kweli hizo. Je, ni kwa jinsi gani maisha yetu yangekuwa tofauti kama tusingejua mambo haya? Mngeweza kuimba pamoja wimbo ambao unahusiana na kweli zinazopatikana katika hili tangazo, kama vile “I Will Follow God’s Plan” (Kitabu cha Nyimbo za Watoto, 164–65).

• Katika sehemu ya IV ya ujumbe wake “Mpango na Tangazo” (Liahona, Nov. 2017, 30), Rais Dallin H. Oaks alielezea jinsi gani tangazo la familia lilivyoandikwa. Pengine wewe na watoto wako mngeweza kurejelea maelezo haya pamoja na kuzungumzia kuhusu kwa nini mna shukrani kwa Bwana kwa kuwashawishi watumishi Wake kutufundisha sisi kweli hizi kuhusu familia.

• Ungeweza pia kuwaonyesha watoto wako picha (au waalike wachore) zinazoonesha kweli zinazopatikana katika tangazo la familia. Hizi zinaweza kuwa picha za hekalu, familia ikisali au kucheza pamoja, au wenza wakifunga ndoa. Kisha watoto wako wangeweza kutafuta sentensi katika tangazo la familia ambazo zinahusiana na picha hizo. Bwana anatufundisha nini sisi kuhusu mambo haya katika tangazo hili?

Baba wa Mbinguni anataka familia ziwe na furaha.

Kuwa makini. Unapofundisha kweli zilizofundishwa katika tangazo la familia, tafadhali tambua kwamba watoto wengi wanalelewa katika familia ambazo hazifanani na maadili yaliyoelezwa katika tangazo hili. Fikiria ni kwa jinsi gani unaweza kuwatia moyo na kuwashawishi.

Mimi ni “mwana au binti mpendwa wa kiroho wa wazazi wa mbinguni.”

• Mnapoimba pamoja “I Am a Child of God” (Kitabu cha Nyimbo za Watoto, 2–3), ungeweza kurusha mpira kwa mtoto unaposema, “Ninamfahamu mtoto wa Mungu anayeitwa [unataja jina la mtoto].” Kisha mtoto huyo anaweza kurusha kitu hicho kwa mtoto mwingine, akisema maneno yaleyale na kuingiza jina la mtoto anayemrushia. Wasaidiae watoto wako wpate kifungu cha maneno “mwana au binti mpendwa wa kiroho wa wazazi wa mbinguni” katika tangazo la familia, na toa ushuhuda wako juu ya ukweli huu.

Familia zina furaha zaidi pale wanapomfuata Yesu Kristo.

• Ili kuanzisha mazungumzo kuhusu kuimarisha familia yako, wewe na watoto wako mngeweza kuzungumza kuhusu tunafanya nini ili kufanya vitu vingine kuwa imara—kama vile meno yetu, miili yetu, au jengo. Ungeweza kisha kulinganisha hilo na kujenga familia imara. Wasaidie watoto wako watafute Kanuni kama za Kristo ambazo hutuongoza kwenye furaha katika maisha ya familia, zinazopatikana katika aya ya 7 ya tangazo la familia (ona pia ukurasa wa shughuli ya wiki hii).

Kwa ajili ya mawazo zaidi, ona toleo la mwezi huu la jarida la Rafiki.