iKuri ni iVurevure

Sa rawa ni kune e levu na ivurevure oqo ena app ni Gospel Library vakakina ena ChurchofJesusChrist.org.

Sere ni Lotu kei na Nodra iVolanisere na Lalai

Na sereivakatagi tabu e dau sureta na Yalo ka vakavulica na ivunau ena dua na sala veivakananumi. Me ikuri ni vola tabaki eso ni Sere ni Lotu kei na Nodra iVolanisere na Lalai, sa rawa ni o raica na katokatoni ni vakarorogo kei na vidio ni vuqa na sere ni lotu kei na nodra ivolanisere na lalai ena music.ChurchofJesusChrist.org vakakina ena app ni Sacred Music.

iVolavakarau ni Semineri kei na Inisitute

Na ivolavakarau ni Semineri kei na Inisitute e vakarautaka na itukutuku makawa kei na vosa vakaivunau ena ivakavuvuli kei na itukutuku eso e kune ena ivolanikalou.

Mekasini ni Lotu

Na mekasini Friend, New Era, Ensign, kei na Liaona sa tu kina na italanoa kei na itaviqaravi e rawa me ikuri ni ivakavuvuli o vakavulica tiko mai na Vunau kei na Veiyalayalati.

Veiulutaga va-Kosipeli

Ena Gospel Topics sa rawa ni o raica na itukutuku me baleta na veiulutaga duidui va-kosipeli, kei na isema ni vurevure e veivuke, me vaka na vosa ni koniferedi raraba, italanoa, ivolanikalou, kei na vidio. E rawa talega ni o kunea na Gospel Topics Essays, ka vakarautaka na isau ni taro titobu ki na taro vakaivunau kei na itukutuku makawa eso.

iTalanoa Eso ni Vunau kei na Veiyalayalati

Na iTalanoa mai na Vunau kei na Veiyalayalati e vakayagataka na iyaloyalo kei na vosa rawarawa me vukei ira na gone ni vuli mai na Vunau kei na Veiyalayalati. O na raica talega na vidio ni talanoa eso oqo ena Gospel Library app kei na Gospel Media Library ena ChurchofJesusChrist.org.

iVola ni Rokarokataki ni iVolanikalou: Vunau kei na Veiyalayalati

Na ivurevure oqo e umani tu kina na tabana ni taviqaravi eso ka caka me vakavinakataka cake na nodra vuli na gone mai na Vunau kei na Veiyalayalati.

Vidio kei na Droini

Na droini, vidio kei na itukutuku raraba eso sa rawa ni vukei iko kei na nomu vuvale ni raitayaloyalotaka na ivunau kei na italanoa era semati ki na ivolanikalou. Sikova na Gospel Media Library ena ChurchofJesusChrist.org mo barausitaka na ivurevure ni tukutuku raraba sokumuni ni Lotu. Na veivurevure oqo sa tiko talega ena app ni Gospel Media, ka sa kune talega e vuqa na ivakatakilakila ena Gospel Art Book.

iVakatakila ena iTukutuku

Na iVakatakila ena iTukutuku: Na Talanoa Eso ena daku ni Wase ni Vunau kei na Veiyalayalati sa ra sokomuni na vosa eso ena itukutuku makawa e baleta tiko na ivakatakila era tiko ena Vunau kei na Veiyalayalati. Na itukutuku e vakarautaki tu ena ivurevure oqo sa rawa ni vukei iko ni kila vakamatata sara na ka a rairai vakaibalebaletaka na vosa ni Turaga ena Vunau kei na Veiyalayalati kivei ira na Yalododonu Edaidai e liu.

Yalododonu Eso

Yalododonu Eso esa dua na itukutuku makawa vakaivolataki ni Lotu. iVola 1, Na iVakatagedegede ni Dina, kei na ivola 2, Sega na Liga Tawasavasava, e kovuta na gauna vata ni tukutuku makawa ni Lotu me vaka ena Vunau kei na Veiyalayalati. Na itukutuku makawa oqo e rawa ni solia vei iko na raititobu ki na itukutuku e volivolita tu na ivakatakila o vulica tiko ena Vunau kei na Veiyalayalati.

Ulutaga ni iTukutuku Makawa ni Lotu

Levu sara na itukutuku me baleta na tamata, yaya eso, tuvaki ni vanua, kei na veika a yaco ena itukutuku makawa ni Lotu e rawa ni kunei ena ChurchofJesusChrist.org/study/history/topics.

Veivakavulici ena iVakarau ni iVakabula

Na ivurevure oqo e rawa ni vukei iko ni vulica ka vakayagataka na ivakavuvuli eso ni veivakavulici va-Karisito.