Ni Mwen M Pa Kondane Ou, pa Eva Koleva Timothy

24–30 Avril

Jan 7–10

“Mwen se Bon Bèje a”

Pandan w ap li Jan 7-10, ou ka resevwa enpresyon nan Sentespri a sou prensip doktrinal yo ki nan chapit sa yo. Ekri enpresyon sa yo ka ede ou fè yon plan pou egzekite yo.

Ekri Enpresyon Ou yo

Byenke Jezikri te vin pote “lapè [ak] bòn volonte pami lèzòm” (Lik 2:14), te gen “yon divizyon pami foul moun yo akoz limenm” (Jan 7:43). Moun ki te temwen menm evenman ki te pase yo te rive nan konklizyon diferan konsènan kiyès Jezi te ye. Genyen ki te konkli: ”Li se yon bon moun,” pandan lòt te di “Li twonpe moun yo” (Jan 7:12). Lè l te geri yon mesye malad nan jou Saba a, gen moun ki te ensiste: “Mesye sa a se pa moun Bondye, paske l pa respekte jou Saba a.” pandan lòt te mande: “Kijan yon moun ki se yon pechè ka fè kalite mirak sa yo? (Jan 9:16). Men, malgre tout konfizyon sa yo, moun ki t ap chèche laverite yo te rekonèt pouvwa pawòl li yo, paske “Pa janm gen yon moun ki pale tankou mesye sa a” (Jan 7:46). Lè Juif yo te mande Jezi pou l te “di nou klèman” si l sete Kris la, Li te revele yon prensip ki ka ede nou distenge ant laverite ak erè. Li te di: “Brebi m yo tande vwa mwen,” “epi m konnen yo, epi yo suiv mwen” (Jan 10:27).

Ide pou Etid Ekriti Pèsonèl

Jan 7:14–17

Pandan m viv selon verite Jezikri anseye yo, m ap vin konnen yo se verite.

Juif yo te etone dèske Jezi te tèlman konnen anpil bagay malgre li pa t save (gade vèsè 15)—omwen, pa nan fason yo te konnen yo. Nan repons Jezi a, li te anseye yon fason diferan pou yon moun konnen laverite ki disponib pou tout moun, kèlkewa nivo edikasyon yo oswa orijin yo. Selon Jan 7:14–17, kijan w ka vin konnen doktrin Jezi te anseye a se verite? Kijan pwosesis sa a te ede w devlope temwayaj ou konsènan levanjil la?

Jan 8:2–11

Mizèrikòd Sovè a disponib pou tout moun.

Pandan l t ap pale sou konvèsasyon ant Sovè a ak fi yo te pran nan adiltè a, Èldè Dale G. Renlund te di: “Asireman, Sovè a pa t eskize adiltè. Men li pa t kondane fi a nonplis. Li te ankouraje l pou l te refòme lavi li. Konpasyon ak mizèrikòd Sovè a te pouse l pou l chanje. Tradiksyon Joseph Smith pou Bib la demontre ke l te vin yon disip: ‘Epi fi a te glorifye Bondye apati lè sa a, epi li te kwè nan non li’ [gade Jan 8:11, referansc]” (“Bon Bèje nou an,” Lyawona, Me 2017, 30).

Nan ki okazyon ou te santi w tankou fi a, kote w te resevwa mizèrikòd olye de kondanasyon nan men Sovè a? Kilè ou te tankou doktè lalwa yo ak Farizyen yo, nan akize oubyen jije lòt moun menm lè w pa san peche? (see Jan 8:7). Ki lòt bagay ou ka aprann nan fason Sovè a te pale avèk doktè lalwa yo ak Farizyen yo ak fi yo te kenbe nan adiltè a? Kisa w aprann konsènan padon Sovè a pandan w ap li vèsè sa yo?

Gade tou “Ale epi Pa Peche Ankò” (videyo), ChurchofJesusChrist.org.

Jan 9

Si nou gen lafwa, Bondye ka manifeste tèt li nan afliksyon nou yo.

Kisa Jan 9:1–3 anseye ou konsènan defi ak afliksyon yo nan lavi a? Pandan w ap li Jan 9, medite sou fason “travay Bondye yo [te] vin evidan” nan lavi mesye ki te fèt avèg la. Kijan yo te vin evidan nan lavi ou—ki enkli nan afliksyon ou yo?

Jan 10:1–30

Jezikri se Bon Bèje a.

Menm si ou pa abitye avèk mouton ak aktivite bèje, lekti Jan 10, kote Sovè a di, “Mwen se bon bèje a,” ka anseye w verite enpòtan konsènan Li. Pou jwenn verite sa yo, chèche fraz ki dekri sa yon bon bèje sanble epi apresa anvisaje kijan fraz sa yo aplike ak Sovè a. Men kèk egzanp:

• Vèsè 3: “Li rele pwòp brebi l yo pa non yo, epi li dirije yo.”

• Vèsè 11: Li “bay lavi li pou brebi l yo.”

• Vèsè 16: “Pral genyen yon sèl twoupo, ak yon sèl bèje.”

Men kèk kesyon adisyonèl pou ede w medite sou chapit sa a: Kijan Jezi se tankou yon pòt? (gade vèsè 7–9). Kijan Li te ba ou “lavi … plis an abondans”? (vèsè 10). Kilè w konn santi ke Li konnen ou pèsonèlman? (gade vèsè 14). Kijan ou rekonèt vwa Bon Bèje a? (gade vèsè 27).

Gade tou Sòm 23; Ezekyèl 34; Alma 5:37–39; 3 Nefi 15:21–16:5; Gerrit W. Gong, “Bo,n Bèje Timouton Bondye a,” Lyawona, Me 2019, 97–101.

Ide pou Etid Ekriti Familyal ak Sware Familyal

Jan 7:24.Pou ede fanmi w konprann ansèyman Jezi ki nan Jan 7:24la, ou gendwa montre yo yon bagay ki sanble yon fason sou deyò men ki diferan sou anndan. Oubyen manm fanmi yo ta ka pataje eksperyans ki te anseye yo pou pa jije sou aparans eksteryè. Ou gen dwa drese lis kalite chak manm fanmi an ki pa vizibtou(gade tou 1 Samyèl 16:7; Thomas S. Monson, “Gade Lòt yo pandan Y ap Chanje,” Lyawona, Nov. 2012, 68–71).

Jan 8:31–36.Kisa sa vledi pou w se yon “sèvitè peche”? (gade tou Mowoni 7:11). Ki verite Jezi te anseye ki ka libere nou?

Jezi k ap Geri Avèg la,, pa Carl Heinrich Bloch

Jan 9.Kijan w ka ede manm fanmi ou vizyalize resi sou Jezi k ap geri mesye ki te avèg la, ki nan Jan 9la? Ou gendwa fè yo jwe wòl sou istwa a ansanm oubyen pase videyo “Jezi Geri yon Mesye ki te Ne Avèg” la nan (ChurchofJesusChrist.org). Fè yon ti poz tanzantan pou manm fanmi w yo ka li vèsè korespondan yo nan Jan 9. Envite yo pou yo note ki leson yo aprann nan istwa a, tankou sa savle di pou yon moun konvèti nan levanjil Jezikri a.

Jan 10:1–18, 27–29.Pou fè manm fanmi w yo patisipe nan aprann parabòl bon bèje a, mande yo chak pou yo fè desen youn nan moun sa yo: yon vòlè, yon pòt, yon bèje, yon anplwaye (travayè yo anplwaye), yon lou, ak yon mouton. Envite yo pou yo li Jan 10:1–18, 27–29, epi apresa diskite an fanmi sou kisa Sovè a anseye sou sa yo desine yo.

Pou plis ide pou anseye timoun yo, gade plan leson semèn sa a nan Vini, Suiv Mwen—Pou Primèa.

Chan yo sigjere: “L éternel est mon berger,” Cantiques, no. 57.

Amelyore Etid Pèsonèl

Chèche mo ak fraz enspire. Pandan w ap li, Lespri a ka atire atansyon w sou kèk mo ak kèk fraz ki enspire ak motive w oubyen ki sanble se pou ou yo te ekri yo menm. Panse pou w ekri nenpòt mo oubyen fraz ki enspire ou nan Jan 7–10.

Li Pa Pèdi Ankò, pa Greg K. Olsen