Dènye Soupe a, William Henry Margetson

5–11 Jen.

Jan 14–17

“Demere Nan Lanmou Mwen”

Pandan w li ansèyman Sovè a nan Jan 14–17yo, Sentespri a ap ede w idantifye mesaj ki pou ou yo. Ekri enpresyon w resevwa yo.

Ekri enpresyon w yo

Jodia nou rele l “Dènye Repa,” men nou pa konnen si lè yo te reyini ansanm pou fèt Pak anyèl la, disip Jezi yo te totalman reyalize ke se t ap dènye repa yo t ap pran avèk Mèt yo a anvan lanmò Li. Sepandan, Jezi “te konnen lè l t ap rive” (Jan 13:1). Li t ap gen pou l afwonte byen vit soufrans Jetsemani an, trayizon ak reniman pi bon zanmi l yo, ak lanmò agonizan sou kwa a. Men, menm nan mitan tout menas sa yo devan l lan, atansyon Jezi pa t santre sou tèt li men sou sèvi disip li yo. Kisa yo ta bezwen konnen nan jou ak ane k ap vini yo? Ansèyman atandri Jezi yo nan Jan 14–17 revele kouman L santi L konsènan disip Li yo lè sa a ak kounyea. Nan pami tout verite rekonfòtan Li te pataje, te gen asirans ke, nan yon fason, Li pap janm abandone nou. “Si nou kenbe kòmandman m yo,” Li te pwomèt, “n ap demere nan amou mwen” (Jan 15:10).

Ide pou Etid Ekriti Pèsonèl

Jan 14–15

Mwen montre amou m pou Jezikri nan obeyi kòmandman L yo.

Pandan w ap li Jan 13–15la, ou ta ka note oubyen make chak kote yo itilize mo amouan. Ou ka remake ke yo repete mo kòmandman an souvan an asosyasyon avèk mo amou an nan chapit sa yo. Kisa w ka aprann sou relasyon ant amou ak kòmandman nan ansèyman Sovè a? Ki lòt mo ak fraz ou jwenn ki asosye avèk amou nan chapit sa yo?

Medite sou fason amou Sovè a enfliyanse ou.

Gade tou nan Jan 13:34–35; D. Todd Christofferson, “Demere nan Amou Mwen,” Lyawona, Nov. 2016, 48–51.

Dènye Soupe a, Clark Kelley Price

Jan 14–16

Sentespri a ede m akonpli objektif mwen kòm disip Jezikri.

Sa ta dwe yon kè brize pou disip yo lè yo te tande tan yo avèk Sovè a te prèske fini. Yo ta ka enkyete yo tou sou fason yo t ap debouye yo san Li. Pandan w ap li Jan 14–16, chèche kisa Sovè a te di pou ba yo asirans. An patikilye, remake ke Li te anseye yo konsènan Sentespri a. Kisa w aprann sou wòl Sentespri a nan pawòl Sovè a nan vèsè sa yo?

• Jan 14:16–17, 26

• Jan 15:26

• Jan 16:7–11

• Jan 16:12–15

Poukisa disip yo te bezwen kalite èd sa a nan men Sentespri a? Ki fason Sentespri a ranpli wòl sa yo nan lavi ou? Konsidere kisa ou ka fè pou enfliyans li ka pifò nan lavi w.

Gade tou nan 3 Nefi 19:9; 27:20; Doktrin ak Alyans 11:12–14; Moyiz 6:61; Michelle D. Craig, “Kapasite Spirityèl,” Lyawona, Nov. 2019, 19–21.

John 15:1–8

Si m demere nan Kris la, m ap pote bon fwi.

Kisa ou panse sa vle di pou w “demere nan [Kris]”? (Jan 15:4). Ki “fwi” pa w ki montre ke w tache nan pye rezen an, ki reprezante Jezikri a?

Jan 17

Jezikri entèsede pou disip li yo:

Pawòl Jezi ki ekri nan Jan 17 yo rele Priyè Entèsesyon. Nan priyè sa a, Jezi te priye pou Apot li yo ak pou “moun ki te pral kwè nan [li] akoz pawòl yo” (Jan 17:20). Sa vledi Li t ap priye pou ou. Kisa Jezi te mande Papa Li pou oumenm ak tout kwayan yo? Kisa sa anseye w sou santiman L pou ou?

Priyè sa a anseye verite pwofon ki etènèl tou. Ki lòt bagay ou jwenn? Pandan w ap li chapit sa a, konsidere anrejistre sa w aprann sou bagay swivan yo:

• Priyè

• Relasyon Sovè a avèk Papa L

• Relasyon Sovè a avèk disip Li yo

• Kouman disip yo dwe diferan pase mond la

• Lòt verite ki vizib pou ou

Jan 17:11, 21–23

Pè Selès ak Jezikri ini pafètman.

Nan priyè LI a nan Jan 17, Jezi fè anfaz sou inite L avèk Papa a. Nan ki fason Papa a ak Pitit Gason an se “yonn”? (Jan17:11, 21–23). Lè Sovè a te priye pou disip li yo te ka fè youn “menmjan”—oubyen nan menm fason—limenm ak Papa l fè youn nan (Jan 17:22Li pa t mande pou disip Li yo te vin tounen yon sèl moun. Kisa esperans vle di pou ou? Panse sou relasyon ou yo—paregzanp avèk epou ou oubyen lòt manm fanmi, avèk manm pawas, ak Kretyen parèy ou yo. Kouman ou ka travay sou kalte inite Jezi genyen avèk Papa a?

Gade tou nan Quentin L. Cook, “Kè ki koud nan Jistis ak Inite,” Lyawona, Nov. 2020, 18–22; Sharon Eubank, “Nan Inyon Santiman, Nou Jwenn Pouvwa avèk Bondye,” Lyawona, Nov. 2020, 55–57.

Ide pou Etid Ekriti Familyal ak Sware Familyal

Jan 14:5–6.Manm fanmi yo ta ka renmen pran tou pa yo ap dirije fanmi an mache sou yon santye. Kouman Jezi se “chemen an”? Ki kote L ap dirije nou?

Jan 14:26–27.Nan ki fason lapè Jezi a diferan pase sa “mond lan bay la”? Manm fanmi yo ta ka pataje fason yo jwenn lapè ak rekonfò atravè Sentespri a.

Jan 15:1–8.Sa ta ka amizan pou w li vèsè sa yo deyò bò kote yon pye rezen, yon pyebwa, oubyen yon lòt plant. Kisa k pase yon branch lè l detache avèk plant la? Ou ta ka pale sou fason nou tankou branch ak kisa sa vle di pou nou “demere” nan Sovè a epi “pote fwi.”

Jan 15:17–27; 16:1–7.Poukisa ou panse Jezikri te avèti disip li yo ke yo te pral gen pèsekisyon? Kijan yo pèsekite disip Kris yo jodia? Ki fason rekòmandasyon Sovè a nan vèsè sa yo ka ede nou lè nou rankontre pèsekisyon?

Jan 16:33.Kijan Kris la te ranpòte viktwa sou mond lan? Kouman Ekspyasyon Li a te pote lapè pou nou ak bon kouraj (gade tou nan Doktrin ak Alyans 68:6).

Jan 17:21–23.Kisa k ta ka ede fanmi w aprann fason pou yo vin plis ini tankou Jezikri ak Pè Selès la? Petèt, ou ta ka pale sou yon ekip espò favori ak fason yo travay ansanm sou yon objektif komen. Oubyen, ou ta ka koute yon koral oubyen yon òkes epi diskite sou fason mizisyen yo ini pou kreye bèl mizik.

Pou plis ide pou anseye timoun yo, gade plan leson semèn sa a nan Vini, Suiv Mwen—Pou Primèa.

Chan ki sigjere: “Le Saint-Esprit,” Chants pour les enfants, 56.

Amelyore ansèyman nou

Itilize anrejistreman. Lè w ap anseye fanmi ou ekriti yo, panse pou w koute vèsyon odyo ekriti yo, w ap jwenn nan ChurchofJesusChrist.org oubyen nan app. Bibliyotèk Levanjil la. Lè nou koute Jan 13–17 sa kapab patikilyèman puisan paske chapit sa tèlman gen anpil pawòl Sovè a.

Jezi te anseye: “Mwen se pye rezen an, nou se branch yo” (Jan 15:5).