Mèlkisedèk beni Abraram, Walter Rane Don Lespri yo

6–12 Novanm

Ebre 7-13

”Yon Gran Prèt pou Bon Bagay ki Pral Vini”

Pandan w ap li Ebre 7–13, ou ka resevwa enpresyon atravè Sentespri a. Panse sou fason ou ka ekri yo; paregzanp, ou ta ka ekri yo nan plan leson sa a, nan maj ekriti w yo, oubyen nan app Libreri Levanjil la.

Ekri enpresyon w yo

Menm Sen fidèl yo konn pafwa sibi “soufrans ak afliksyon” ki ka ebranle konfyans yo (gade nan Ebre 10:32–38). Pòl te konnen Juif ki te konvèti nan Krisyanis yo t ap gen pou yo sibi gwo pèsekisyon akoz nouvo lafwa yo a. Pou l te ankouraje yo rete fidèl nan temwayaj yo, li te raple yo tradisyon kwayan fidèl ki long yo ki nan istwa yo: Abèl, Enòk, Noye, Abraram, Sara, Joseph, Moyiz—“yon kantite temwen” ki te konnen pwomès Bondye yo reyèl epi sa te vo lapèn pou yo te tann yo (gade Ebre 12:1); 12:1). Tradisyon sa a se pa w tou. Eritaj lafwa sa a komen a tout moun ki gen rega yo fikse “sou Jezi [kòm] chèf ak konsomatè lafwa nou” (Ebre 12:2). Gras avèk li, kèlkeswa lè advèsite fè nou anvi “rale kò nou,” nou ka okontrè “apwoche nou avèk yon kè sensè, nan tout asirans lafwa nou” (Ebre 10:22,38). Pou noumenm, menmjan ak pou ansyen Sen yo, Jezikri se “sakrifikatè bon bagay ki gen pou vini yo” (Ebre 9:11).

Ide pou Etid Ekriti Pèsonèl

Ebre 7

Prètriz Mèlchizedèk la pwente m sou Jezikri.

Pandan dè syèk, Juif yo te egzèse Prètriz Levitik la, ke nou rekonèt kòm Prètriz Aawon tou. Men, ak plenitid levanjil Jezikri a, nou te resevwa Prètriz Mèlkisedèk la, ki pi gran epi ki ofri pi gwo benediksyon toujou. Kisa w aprann apwopo Prètriz Mèlkisedèk la nan Ebre 7 Lè w kenbe objektif lèt sa a nan panse w—tankou tout ekriti yo—vle do ou bati lafwa nan Jezikri, ou ta ka note pasaj ki temwanye konsènan Li.

Men kèk egzanp sou verite ou ka jwenn:

• Tradiksyon Joseph Smith, Ebre 7:3, 21: Moun ki te òdone nan Prètriz Mèlkisedèk yo “vin sanblab avèk Pitit Bondye a” epi yo se “[prèt] pou tout tan.”

• Ebre 7:11: Prètriz Levitik la pa ofri “pèfeksyon”; konsa, Prètriz Mèlkisedèk la te ranplase l (gade nan Doktrin ak Alyans 84:18–22).

• Hebre 7:20–21: Nou resevwa Prètriz Mèlchizedèk la atravè “sèman ak Alyans” (gade nan Doktrin ak Alyans 84:33–44).

Ki benediksyon w te resevwa nan Prètriz Mèlkisedèk la ak òdonans ki asosye avèk li yo? Doktrin ak Alyans 84:20). Kouman Prètriz Mèlchizedèk la ede w vini jwenn Kris la?

Gade tou nan Alma 13:1–13; Doktrin ak Alyans 121:36–46; Sijè Levanjil yo, “Prètriz Mèlchizedèk,” topics.ChurchofJesusChrist.org; Gid pou Ekriti yo, “Mèlchizedèk,” scriptures.ChurchofJesusChrist.org; Russell M. Nelson, “Trezò Spirityèl,” Lyawona, Nov. 2019, 76–79; Dallin H. Oaks, “Prètriz Mèlchizedèk la ak Kle yo,” Lyawona, Me 2020, 69–72.

Ebre 9; 10:1–22

Òdonans ansyen ak modèn yo pwente sou Jezikri.

Premye lektè Ebre yo nan epit sa a te siman familye avèk ansyen tabènak la ak òdonans Pòl te dekri yo. Men, gen kèk ki pa t byen rekonèt ke objektif òdonans sa yo sete pou oryante nou sou sakrifis ekspyatwa Jezikri a.

Nan epòk biblik la, nan yon fèt anyèl yo te rele Jou Ekspyasyon an, yon gran prèt te konn antre nan andwa ki pi sen an (oubyen Sen dè Sen) an nan tanp Jerizalèm nan epi l te sakrifye yon anyo oubyen yon mouton pou peche Izrayèl yo.

Pandan w ap li deskripsyon Pòl sou òdonans sa yo, chèche senbòl al ansèyman ki pi byen ede w konprann misyon sakrifis Sovè a.

Òdonans nou patisipe ladan yo jodi a, yo diferan pase sa ki te nan tan Pòl yo, men, yo gen menm objektif. Kouman òdonans yo jodia temwaye ou konsènan Jezikri?

Pou w aprann plis sou ansyen seremoni Juif yo ak senbòl yo, gade videyo “Tabènak la” ak “Sakrifis ak Sentsèn” nan (LDS.org).

Ebre 11

Lafwa mande konfyans nan pwomès Bondye yo.

Si yon moun ta mande w pou w defini lafwa, kisa w t ap di? Sè Anne C. Pingree te rale sou langaj nan Ebre 11 la pou bay definisyon sa asou lafwa: “Abilite spirityèl pou pèsyade nou sou pwomès nou wè ‘lwen, men nou ka pa resevwa nan lavi sa a” (“Wè Pwomès ki Lwen yo Off,” Lyawona, Nov. 2003, 14).

Panse pou w devlope pwòp definisyon pa w sou lafwa pandan w ap medite sou ide ki nan Ebre 11yo. Kisa egzanp moun yo mansyone nan chapit sa yo anseye w sou lafwa? (Gade tou nan Etè 12:6–22).

Ki pwomès ou wè “lwen”? Kouman ou ka montre Senyè a ou “pèsyade konsènan yo, epi [ou anbrase] yo”? Ebre 11:13).

Gade tou nan Alma 32:21, 26–43; Jeffrey R. Holland, “Yon Gran Prèt pou Bon Bagay ki Pral Vini,” Ensign, Nov. 1999, 36–38; Sijè Levanjil yo, “Lafwa nan Jezikri,” topics.ChurchofJesusChrist.org.

Ide pou Etid Ekriti Familyal ak Sware Familyal

Ebre 10:32–36.Ou ta ka envite manm fanmi w pou pataje eksperyans yo te fè kote yo te santi yo “limen“ avèk verite. Kouman eksperyans sa yo ede nou “pa chase konfyans [nou]” nan lè tribilasyon oubyen dout?

Ebre 11.Kijan w ka ede manm fanmi w aprann nan egzanp fidèl yo mansyone nan Ebre 11yo? Sa ta ka amizan si w ta jwe wòl istwa nan kèk nan egzanp sa yo. YOu ka repase kèk nan istwa sa yo nan Istwa Ansyen Testaman yo. Oubyen petèt fanmi w ta ka diskite sou egzanp lòt moun fidèl ou konnen—enkli zansèt ou, dirijan Legliz, ak manm nan kominote ou. Ou ta ka chante yon kantik konsènan lafwa tou, tankou “La foi” (Cantiques pour les enfants, 50).

Ebre 12:2.Selon vèsè sa a, poukisa Jezi te dispoze pou l te andire doulè ak soufrans kwa a? Kisa sa anseye nou sou fason pou nou andire eprèv nou yo? Prezidan Russell M. Nelson te bay kèk ide itil sou vèsè sa a nan mesaj li ki rele “Joie et survie spirituelle” la (Liahona, Nov. 2016, 81–84).

Ebre 12:5–11.Poukisa Senyè a chatye nou ak korije nou? Kisa nou remake nan vèsè sa yo sou fason Senyè a konsidere chatiman? Kijan vèsè sa yo afekte fason w bay oubyen w resevwa chatiman?

Pou plis ide pou anseye timoun yo, gade plan leson semèn sa a nan Vini, Suiv Mwen—Pou Primè a.

Chan ki sijere: “La foi,” Cantiques pour les enfants, 50.

Amelyore ansèyman nou

Itilize mizik pou envite Lespri a ak pou aprann doktrin nan. Premye Prezidans lan te di: “Mizik gen pakèt pouvwa pou l soulve pi gwo spirityalite nan [nou]” (“Prefas Premye Prezidans lan,” Cantiques, x). Petèt yon kantik sou lafwa, tankou “Vas-tu faiblir, ô jeunesse” (Cantiques, no.164), ta ka konplete yon diskisyon fanmi an ap fè sou Ebre 11la.

Senbòl ak òdonans ansyen tanp yo te anseye sou wòl Jezikri a.