Tablo penti Eric Johnson konpoze: Gran Konsèy la, Robert T. Barrett; star cluster courtesy of European Space Agency

11–17 Desanm

Revelasyon 6-14

“Yo Te Gen Viktwa … atravè San Anyo a”

Prezidan Boyd K. Packer te konseye: “si langaj ekriti yo parèt etranj pou ou nan kòmansman, kontinye li. Byento, ou pral vin rekonèt bote ak pouvwa nou jwenn nan paj sa yo” (“Kle pou Pwoteksyon Spirityèl yo,” Lyawona, Nov. 2013, 27).

Ekri enpresyon w yo

Imajine yon fi “k ap akouche, ki gen doulè, pou l delivre.” Kounyeya imajine “yon gwo dragon wouj, ki gen sèt tèt ak sèt kòn” k ap plane anlè tèt fi a, pare pou l “devore timoun nan osito ke l fèt” (Revelasyon 12:2–4). Pou w konprann vèsè sa yo nan revelasyon Jan an, sonje ke imaj sa yo reprezante Legliz la ak wayòm Bondye a ak danje n ap rankontre yo. Pou Sen ki te sibi gwo pèsekisyon yo nan epòk Jan an, viktwa sou mal la te gen dwa parèt envrèsanblab. Viktwa sa a ka parèt difisil pou n anvizaje tou nan yon epòk tankou pa nou an, kote advèsè a ap “fè lagè avèk sen yo” epi l gen “pouvwa … sou tout tribi, lang, ak nasyon” (Revelasyon 13:7). Men, fen revelasyon gloriye Jan an montre nou ke byen p ap pote laviktwa sou mal. Babilòn ap tonbe. Epi, Sen yo pral “sòti anba gran tribilasyon” avèk rad ki blanchi—pa paske rad yo pat janm sal, men, paske rad moun ki Sen yo pral “lave, epi yo pral vin blanchi nan san Anyo a” (Revelasyon 7:14).

Ide pou Etid Ekriti Pèsonèl

Revelasyon 6-11

Jan te wè anpil evènman nan istwa latè a, espesyalman sa ki nan dènye-jou yo.

Nan chapit sa yo, ou pral li konsènan liv ki gen sèt so yo. Si w mande kisa sa vle di, ou pa poukont ou. Pwofèt Joseph Smith te mande tou. Senyè a te revele Joseph ke liv sa a ak so l yo reprezante istwa “egzistans tanporèl,” latè a avèk so li a ki reprezante mil ane (gade nan Doktin ak Alyans 77:6–7). Ou ta ka enterese pou w konnen ke evènman kat premye so yo rezime nan vizyon Jan an nan sèlman ywuit vèsè (Revelasyon 6:1–8). Twa vèsè swivan yo dekri senkyèm so a (vèsè 9–11). Evènman de dènye so yo pran majorite nan rès liv Revelasyon an. otreman, konsantrasyon prensipal vizyon Jan an se dènye jou yo—jou pa nou yo. Pandan w ap li, medite sou rezon li enpòtan pou w konnen kisa Jan te ekri konsènan dènye jou yo.

Pandan w ap li sou evènman Jan te pwpofetize yo, konsidere sijesyon ak kesyon sa yo.

• Li Revelasyon 7 avèk travay rasanbleman Izrayèl la nan panse w. Ki panse w genyen sou travay sa a? (gade tou nan Doktrin ak Alyans 77:8–11). Kisa w aprann nan vèsè 13–17 konsènan Jezikri ak moun ki vin jwenn Li yo?

• Kisa chapit 8; 9; ak 11 anseye konsènan evènmam dènye jou yo? (gade tou nan Doktrin ak Alyans 77:12–13, 15). Kouman nou ka prepare spirityèlman pou evènman sa yo?

• Revelasyon 10 pale konsènan yon liv ke yon zanj te bay Jan epi l te kòmande l pou l manje l. Kisa sa ta ka senbolize? (gade nan Doktrin ak Alyans 77:14).

Revelasyon 12-13

Lagè nan syèl la ap kontinye sou tè a.

Nou pa konn anpil bagay sou lagè nan syèl la, men, gen yon brèf deskripsyon vivan sou li nan Revelasyon 12:7–11. Pandan w ap li vèsè sa yo, imajine oumenm k ap patisipe nan konfli premòtèl sa a. Kisa w aprann sou fason Satan pa gen viktwa? (gade nan vèsè 11).

Lagè ki te kòmanse nan syèl la kontinye sou latè a pandan Satan ap pèsiste pou “fè lagè avèk [moun ki] gen temwayaj Jezikri yo” (Revelasyon 12:17). Kisa w aprann nan Revelasyon 13 sou fason l ap fè lagè a jodia? Kouman “san Anyo a” ak “pawòl temwayaj [ou]” (Revelasyon 12:11) ap kontinye ede w nan lagè sa a?

Gade tou nan 1 Nefi 14:12–14; Moroni 7:12–13; Moyiz 4:1–4; Doktrin ak Alyans 29:36–37; Topik Levanjil yo, “Lagè nan syèl la,” topics.ChurchofJesusChrist.org.

Revelasyon 14:6-7

“M te wè yon lòt zanj … ki gen levanjil etènèl la.”

Youn nan akonplisman pwofesi nan vèsè sa yo te fèt lè Mowoni te parèt devan Joseph Smith epi l te dirije l al jwenn liv li te tradui ak pibliye kòm Liv Mòmon an. Liv sa a gen “levanjil etènèl” yo ba nou responsablite pou n preche bay “tout nasyon, ras, lang ak pèp” la (Revelasyon 14:6).

Pou aprann konsènan lòt zanj ki patisipe nan retablisman levanjil etènèl la, gade nan Doktrin ak Alyans 13; 27:5–13; 110:11–16; 128:20–21.

Gade tou nan “Retablisman Plenitid Levanjil Jezikri a: Yon Pwoklamasyon Bisantnè pou Mond lan,” ChurchofJesusChrist.org.

Ide pou Etid Ekriti Familyal ak Sware Familyal

Revelasyon 7:9, 13–15.Kisa vèsè sa yo ka anseye nou sou rezon k fè nou abiye an blan pou òdonans tanp yo?

Revelasyon 7:14–17.Konsidere pou w ta envite manm fanmi w yo pataje santiman yo konsènan pwomès Senyè yo nan vèsè sa yo. Kouman pwomès Li yo ka ede nou lè nou nan “gwo tribilasyon”? (vèsè 14).

Revelasyon 5:9; 12:7–11.Kèk manm nan fami w ta renmen jwi ak benefisye nan desine imaj sou vizyon yo dekri nan Revelasyonyo. Paregzanp, desine imaj ki baze sou Revelasyon 12 la ta ka mennen nan diskisyon sou Lagè nan Syèl la (gade vèsè 7–11. Foto ki baze sou Revelasyon 14:6 ta ka dirije nou nan diskisyon konsènan Retablisman levanjil la.

Apre w fin li Revelasyon 14:6 ansanm, konsidere pou montre foto zanj Moroni ak lòt zanj ki te ede retabli levanjil la nan jou pa nou yo (gade nan foto ki nan fen antèt sa a). Petèt manm nan fanmi w yo ta ka pran tou pa yo, kenbe yonn nan foto yo pandan y ap pataje rezon ki fè yo rekonesan ke zanj te vini “avèk levanjil etènèl la pou yo preche [nou].”

Revelasyon 12:11.Kisa fraz “pawòl temwayaj yo” a vle di? Kijan temwayaj nou konsènan Jezikri ede noumenm ak lòt moun venk Satan?

Revelasyon 13:11–14.Kisa manm fanmi w panse de bèt la k ap twonpe moun nan? Kijan nou ka detekte epi evite twonpri nou wè nan mond lan jodia?

Pou plis ide pou anseye timoun yo, gade nan plan leson semèn sa a nan Vini, Suiv Mwen—Pou Primè a.

Chan ki sigjere: “Je serai vaillant,” Chants pour les enfants, 85.

Amelyore Etid Pèsonèl Nou

Plonje kò w nan ekriti yo. Prezidan Russell M. Nelson te anseye, “Lè nou Plonje chak jou nan pawòl Bondye, sa nesesè, pou siviv spirityèlman nan jou ki gen tribilasyon k ap ogmante yo” (“Koute L,” Lyawona, Me 2020, 89). Kisa “plonje kòw nan pawòl Bondye yo” vle di pou ou?

Tankou egui revèy sou anlè agoch: Moroni k ap Bay Plak Annò yo, Gary L. Kapp; Sou Nou, Sèvitè Parèy Mwen yo, Linda Curley Christensen ak Michael T. Malm (Jan Batis k ap konfere Prètriz Arawon an sou Joseph Smith); Kle Wayòm yo, Linda Curley Christensen ak Michael T. Malm (Pyè, Jak ak Jan k ap konfere Prètriz Mèlchizedèk la sou Joseph Smith; Vizyon nan Tanp Kirtland nan, Gary E. Smith (Moyiz, Eli, ak Elize ki parèt devan Joseph Smith ak Sidney Rigdon).