Kōmeļeļe kōn Moses ioon Toļ Nebo, © Providence Collection/licensed from goodsalt.com

Māe 16–22

Duteronomi 6–8; 15; 18; 29–30; 34

“Kwōn lale N̄e Kwo Ab Meļo̧kļo̧k Irooj”

Moses ekar kakien ajri ro nejin Israel n̄an katakin kōn naan ko an Irooj n̄an ajri ro nejier (lale Duteronomi 6:7). Ilo am̧ ekkatak jān bok in Duteronomi ilo wiik in, kappukot wāween ko n̄an kwaļo̧k ta eo kwoj ekkatak kōn ro uwaan baam̧le eo am̧.

Je En̄jake ko Rej Im̧we Eok

Iien kwaļo̧k naan eo an Moses ekar jino ilo juon toļ, ke Anij ekar kōnono n̄an e jān juon wōjke euruur (lale Exodus 3:1–10). Ekar barāinwōt jem̧ļo̧k ioon juon toļ, elōn̄ļo̧k jān 40 iiō ko tokālik, ke Anij ekar leļo̧k n̄an Moses jidikin āneen kallim̧ur jān ilōn̄ tata ioon Toļ Nebo (lale Duteronomi 34:1–4). Moses ekar joļo̧k iien an ko ilo aolepān mour eo an n̄an kōpooj ajri ro nejin Israel n̄an deļon̄e āneen kallim̧ur, im bok in Duteronomi kar je kōmeļeļe ko an āliktata, kakeememej ko, im kwaļo̧k ko, im kajjitōk ko ippān ri Israel ro. Riiti243546 naan ko rej kōm̧m̧an bwe en allikarļo̧k lukkuun kōttōpar eo an iien kwaļo̧k an Moses—kōppopo eo me armej ro rekar aikuji—ekar jab kōn mour ilo āne jam̧den, anjo̧ ioon laļ ko, ak kalōk juon jukjukin pād. Kar kōn ekkatak n̄an iakwe Anij, pokake E, im ettā wōt n̄an E. En ņe ej kōppopo eo jej aolep aikuji bwe jen maron̄ deļo̧n̄e āneen kallim̧ur an mour indeeo. Kōn menin Moses ekar jamin likūt ne ko neen ilo “juon āne e bwijleplep kōn milk im hōnni” (Exodus 3:8), kōnke tōmak eo an im an tiljek, ekar jab deļon̄e āneen Kallim̧ur me Anij ekar kōpooje n̄an aolep ro rej ļoor E.

N̄an meļeļe ko rekadu kōn Duteronomi, lale “Duteronomi” ilo Bible Dictionary.

Ļōmņak ko n̄an Ekkatak Jeje Ko Rekwojarjar Ippam̧ Make

Duteronom 6:4–7; 8:2–5, 11–17; 29:18–20; 30:6–10, 15–20

Irooj ekōņaan bwe in iakwe E kōn aolepān buruō.

Ilo katak ko an āliktata, Moses ekar kakeememej ajri ro nejin Israel, “Ium̧win 40 iiō kein Irooj ami Anij ear pād ippemi; ejjeļo̧k ami aikuj,” jekdo̧o̧n ilo kar āne jam̧den (Duteronomi 2:7). Kiiō bwe Riisrael ro rekar deļon̄e āneen kallim̧ur, kōn “jikin kweilo̧k ko re ļap, ko [raar] jab kalōki, im m̧oko reobrak kōn m̧weiuk otemjej rem̧m̧an, ko [raar] jab kobraki” (Duteronomi 6:10–11), Moses rekar mijak bwe rekar kapen buruōer im meļo̧kļo̧k Irooj.

Ļōmņak kōn jekjek ko an buruōmi ilo ami riit kapilōk ko an Moses. Komaron̄ kōņaan mije wōt eoon kein rej elaajrak im je en̄jake ko am̧:

• Duteronomi 6:4–7:

• Duteronomi 8:2–5:

• Duteronomi 8:11–17:

• Duteronomi 29:18–20:

• Duteronomi 30:6–10:

• Duteronomi 30:15–20:

Ta eo komaron̄ kōm̧m̧ane bwe en jab pen buruōm̧ im n̄an iakwe Irooj kōn aolepān buruōm̧? Ta kooneekjen eo kwoj lo ikōtaan Duteronomi 6:5–6 im Matu 22:35–40? (bar lale Livitikōs 19:18).

Bar lale Dieter F. Uchtdorf, “Jan̄nuwaade Kapijuknen eo Aō,” Liaona, Nob. 2017, 21–24.

Duteronomi 6:4–12, 20–25

“Kwōn lale N̄e Kwo Ab Meļo̧kļo̧k Irooj.”

Elōn̄ iaan epepen ko an ri Israel ro rekar deļon̄e āneen kallim̧ur rekar jab kam̧ool ak lo kōn mejaer nan̄inmej ko ilo Ijipt ak kijone Lomaļo Ekilmur. Moses ekar jeļā bwe rej—im epepen ko ilju im jekļaj—renaaj aikuj keememej menin bwilōn̄ ko an Anij im kien ko an Anij eļan̄n̄e ren kar dāpdep wōt āinwōt armej ro an Anij.

Ta kapilōk ko Moses ekar leļo̧k ilo Duteronomi 6:4–12, 20–25 me emaron̄ jipan̄ eok keememej bwe men ko reļļap Anij ekar kōm̧m̧ane n̄an kwe? Ta eo kar im̧we eok n̄an kōm̧m̧ane bwe naan ko an Irooj renaaj aolep raan “ren ilo buruōm̧”? (eoon 6).

Ewi wāween am̧ leļo̧k tōmak eo am̧ n̄an epepen ko ilju im jekļaj?

Bar lale Duteronomi 11:18–21; Gerrit W. Gong, “Keememej E Iien Otemjel̗o̗k,” Liaona, Māe 2016, 108–11; Bible Dictionary, “Frontlets or phylacteries.”

Duteronomi 15:1–15

Jipan̄ ro rej aikuj ekitbuuj pā ko rejouj im bōro ko rem̧ool.

Duteronomi 15:1–15 e letok kapilōk kōn jipan̄ rijeram̧ōl im riaikuj, ekitbuuj jet iaan iminene ko ralikkar me rejjab kōm̧m̧ani raan kein. Ak lale ta kein eoon kein rej katakin kōn etke jej aikuj jipan̄ rijeram̧ōl im etke m̧wil ko ad n̄an jipan̄ er eaorōk ippān Irooj. Ta eo kwoj en̄jake Irooj ekōņaan bwe kwon ekkatak jān eoon kein kōn jipan̄ ro jet?

Bar lale Russell M. Nelson, “Kien eo Eļap Kein Karuo,” Liaona, Nob. 2019, 96–100.

Duteronomi 18:15–19

Jisōs Kraist ej Rikanaan eo me naaj kar rūtto ļo̧k āinwōt Moses.

Piter, Nipai, Moronai, im Rilo̧mo̧o̧r Make aolep naan ko kōn kannaan eo ilo Duteronomi 18:15–19 (lale Jerbal 3:20–23; 1 Nipai 22:20–21; Josep Smith—Bwebwenato 1:40; 3 Nipai 20:23). Ta eo kwoj ekkatak kōn Rilo̧mo̧o̧r jān eoon kein? Ekōjkan an Rilo̧mo̧o̧r “āinwōt” Moses?? (Duteronomi 18:15).

Jisōs Kraist ej juon rikanaan āinwōt Moses.

Duteronomi 34:5–8

Ta eo ekar waļo̧k n̄an Moses?

Men̄e Duteronomi 34:5–8 ej ba bwe Moses ekar mej, meļeļe ko ilo raan ko āliktata ej kalikkar bwe ekar jab mej, ak oktak bwe ekar jab en̄taan kōn metak ak mej m̧ae ekar jerkakpeje (lale Alma 45:18–19; Bible Dictionary, “Moses”; Guide to the Scriptures, “Translated Beings,” scriptures.ChurchofJesusChrist.org). Ekar menin aikuj bwe Moses en jab mej kōnke ekar aikuj bōk ānbwin bwe en maron̄ leļo̧k ki ko an priesthood n̄an Piter, Jemes, im Jon ilo ioon Toļ eo (lale Matu 17:1–13).

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Duteronomi 6:10–15.Eoon kein remaron̄ im̧we baam̧le eo am̧ n̄an ļōmņak kōn wāween ko kar kōjeraam̧m̧an baam̧le eo am̧ kaki. Ewi wāween ad ļoor kapilōk n̄an “lale N̄e Kwo Ab Meļo̧kļo̧k Irooj”? (Duteronomi 6:12). Komaron̄ kōņaan rekoote en̄jake ko am̧ kōn kōjeraam̧m̧an ko, bolen ilo juon jōōnaļ ak ilo on FamilySearch.

Duteronomi 6:13, 16; 8:3.Eoon kein rekar jipan̄ Rilo̧mo̧o̧r ilo juon tōre eaorōk ilo mour eo An; n̄an lale wāween, riit ippān doon Matu 4:1–10. Ta eoon ko ilo jeje ko rekwojarjar rekar jipan̄ kōj ilo iien ko jej aikuj?

Duteronomi 7:6–9.Kōm̧m̧an jet men n̄an jipan̄ baam̧le eo am̧ en̄jake aer aorōk, āinwōt kōpooje juon m̧ōn̄ā eo enno ippāer. Innem kwomaron̄ riiti Duteronomi 7:6–9 im kōmeļeļeik ta eo kwoj en̄jake j meļeļein n̄an erom̧ “armej re aorōk” (eoon 6) n̄an Irooj.

Duteronomi 29:12–13.Kōnono kōn Duteronomi 29:12–13 ej letok juon iien em̧m̧an n̄an ro uwaan baam̧le eo am̧ n̄an kōnono kōn bujen ko renaaj kōm̧m̧ani ak em̧ōj kar kōm̧m̧an ippān Jemedwōj Ilan̄. Ta meļeļein erom̧ armej ro an Anij? Ewi wāween an bujen ko ad “kapen [kōj] … n̄an erom̧ armej ro an [Anij”? (eoon 13).

N̄an ļōmņak ko reļļapļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “I Want to Live the Gospel,” Children’s Songbook, 148.

Kōkm̧anm̧anļo̧k Am̧ Make Ekkatak

Kappukot en̄jake ko am̧ make ilo jetōb. Unin tōl in ej elmakot eoon ko im pedped in katak ko n̄an mije wōt, ak jab kōtļo̧k bwe en wōr jon̄an am̧ ekkatak. Ilo am̧ ekkatak, kwomaron̄ ekkatak kōn juon pedped in katak me ejjab waļo̧k ijin. Kōtļo̧k bwe Jetōb en tōl eok n̄an ta eo kwoj ekkatak kake.

The Lord Shewed Him All the Land, jān Walter Rane