Esther, jān James Johnson

Juļae 25–31

Esther

“Am̧ Kar Itok … ilo Iien Rot In”

Ilo am̧ riiti Esther, kappukot im̧we ko an Jetōb me ej jejjet n̄an kwe, im rekoote im̧we ko kwoj en̄jaki.

Je En̄jake ko Rej Im̧we Eok

Elōn̄ iien ko raorōk ilo bok in Esther me emaron̄ āinwōt jeram̧m̧an ak jide. Wāween rōt kwomaron̄ kōmeļeļeik wāween an juon leddik ri Ju eo emej jinen im jemān erom̧ juon lerooj in Persia ilo iien eo ejejjet n̄an lo̧mo̧o̧ren armej ro an jān aer m̧an er? Iien ko me emaron̄ kar jide bwe eo nej jein ak jatin Esther en kar ron̄ aer kōm̧m̧an pepe n̄an m̧an kiin̄ eo? Men kein rekar ke jide, akr rekar ke m̧ōttan ļo̧k karōk eo ekwojarjar? Elder Ronald A. Rasband ekar je: “Ta eo jej watōke bwe ej jide, ilo m̧ool, rej itok jān Jemedwōj Ilan̄. … E jeļā kōn aolep men ilo mour ko ad” (“Kōn Karōk eo Ekwojarjar,” Liaona, Nob. 2017, 56). Jemaron̄ jab aolep iien kile im̧we eo an Irooj ilo “aolep men.” Ak jej ekkatak jān en̄jake eo an Esther me E emaron̄ tōl iaļad im kōpooj kōj “ilo iien rot in” (Esther 4:14) n̄e jemaron̄ erom̧ kein jerbal ilo Pein n̄an kakūrm̧ool jibadbad eo An.

Kōn juon etale ekadu kōn bok in Esther, lale “Esther, bok kōn” ilo Bible Dictionary.

Ļōmņak ko n̄an Ekkatak Jeje Ko Rekwojarjar Ippam̧ Make

Esther

Irooj emaron̄ kōm̧m̧an bwe in juon kein jerbal n̄an kōjeram̧m̧an ro jet.

Sister Anne C. Pingree ekar katakin: “N̄an erom̧ juon kein jerbal ilo pein Anij ej juon jeram̧m̧an eļap im eddo ekwojarjar. Ijo jej pād ie, jabdewōt jekjek ko ad, jekdo̧o̧n kadkadid ak iiō ko ad, Irooj ej aikuj kōj kajjojo n̄an kakūrm̧ool ijo [koņaad] me ejeņoļo̧k ilo iien bōk eddo in āliktata” (“Knowing the Lord’s Will for You,” Liaona, Nov. 2005, 112).

Ilo am̧ riiti bwebwenato in Esther, kejo̧kļo̧kjeņ kōn wāween an naan in iookwaj e. Kappukot wāween ko Irooj ekar kōm̧m̧ane n̄an e bwe en lo̧mo̧o̧ren ri Ju ro (lale, n̄an waanjon̄ak, Esther 2:21–23; 3:10–14; 4:14–16). Innem kejo̧kļo̧kjeņ kōn wāween An kar tōl eok ilo mour eo am̧ ilo wāween ko me me ej kōtļo̧k bwe kwon kōjeraam̧m̧an ro jet. Ta jet iaan jekjek ko ak jem̧jerā ko me kwoj en̄jake ke E ekar tōl eok n̄ane “ilo iien rot in”? (Esther 4:14). Eļan̄n̄e ewōr juon am̧ kōjeraam̧m̧an an petriak, ļōmņak in riit n̄an ekkatak eļapļo̧k kōn jerbal eo Irooj ekar kōpooje bwe kwon kōm̧m̧ane?

Esther 3; 5:9–14; 7

Utiej bōro im illu emaron̄ tōl n̄an bun̄ im wōtļo̧k jān tōmak.

Ilo bok in Esther, jej ekkatak jān tiljek eo an Esther im Mordecai barāinwōt jān utiej bōro im illu eo an Haman. Ilo am̧ riiti Esther 3; 5:9–14, ļōmņak lale en̄jake, naan, im kōm̧m̧an ko an Haman. Ta eo rej kwaļo̧k kōn e im men ko rej kōketak e? Ta ajāliklik ko me rekar jelm̧aeiki? (lale Esther 7). Riit kōn Haman emaron̄ im̧we eok n̄an etale ta eo ej kōketak en̄jake im jerbal ko am̧. Kwoj ke en̄jake im̧we n̄an kōm̧m̧an oktak? Ewi wāween am̧ oktak n̄an Jemedwōj Ilan̄ kōn jipan̄?

Bar lale Jabōn Kōnnnaan Ko 16:32; Alma 5:28.

Esther 3–4; 5:2–3; 8:11–12

Jitlo̧k ej kwaļo̧k aō pedped ioon Irooj.

Lale jekjek ko me ekar tōl Esther im aolepen ri Ju n̄an jitlo̧k (lale Esther 3:13; 4:1–3, 10–17). Ewi wāween an jitlo̧k juon kōjeraam̧m̧an n̄an er? (lale Esther 5:2–3; 8:11–12). Etke Irooj ej kajjitōk bwe jen jitlo̧k? (lale Gospel Topics, “Fasting and Fast Offerings,” topics.ChurchofJesusChrist.org). Ļōmņak ta eo kwomaron̄ kōm̧m̧ane n̄an kōm̧m̧an bwe jitlo̧k en juon kōjeraam̧m̧an eļap ilo mour eo am̧.

Bar lale Aiseia 58:6–12; Matu 4:1–4; 17:14–21; “Fasting: Young Single Adult Ward, Amanda” (video), ChurchofJesusChrist.org.

Esther 3:1–11; 4:10–17; 5:1–4

Kōm̧m̧ane men ko rejim̧we ekkā aer aikuj peran eļap.

Ke Mordecai im Esther rekar jutak kōn tōmak ko aer, rekar likūt mour ko aer ilo kauwōtata. Jokālet ko ad ewōr ajāliklikier me remaron̄ jab ļap, ak kōm̧m̧ane men ko rejim̧we emaron̄ aikuj wōt eļap peran. Ta eo kwoj ekkatak jān Esther 3:1–4; 4:10–17 kōn peran n̄an kōm̧m̧ane men ko rejim̧we? Lale ta oktak eo ikōtaan ajāliklik ko an Mordecai mi Esther me rekar en̄jake ālkin aer kar kwaļo̧k peran (lale Esther 3:5–11; 5:1–4). Ta eo juon armej ej aikuj bwe en jeļā kōn Anij bwe n maron̄ kōm̧m̧an jokālet ko me Esther im Mordecai rekar kōm̧m̧ane—n̄an kōm̧m̧ane ta eo ejim̧we jekdo̧o̧n ajāliklik ko?

Tokālik kwon ļōmņak kōn ta ko renej waļo̧k jān ta eo kwoj kōm̧m̧ane ejim̧we, kwomaron̄ kōjerbal naan in peran ko an Esther ilo Esther 4:16 n̄an jekjek eo am̧ make. N̄an waanjon̄ak, kwomaron̄ ba n̄an eok make, “N̄e ij kālet men ko rejim̧we, eļan̄n̄e i [luuji ro m̧ōtta], i [luuji ro m̧ōtta].”

Bar lale Thomas S. Monson, “May You Have Courage,” Liaona, May 2009, 123–27.

Esther before the King, jān Minerva K. Teichert

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Esther 1–10.Ālkin etale bwebwenato eo an Esther (lale “Queen Esther” ilo Old Testament Stories ak bitio eo “For Such a Time as This,” ChurchofJesusChrist.org), baam̧le eo am̧ emaron̄ lan̄lōn̄ ilo aer kōm̧m̧ane puppets ko an jet iaan character ro (lale peij in m̧akūtkūt eo an wiik in ilo Itok, Ļoor Eō—N̄an Būraimere). Innem kwomaron̄ kōjerbali n̄an bar ba bwebwenato eo. Kwomaron̄ bar al juon al kōn peran im m̧ool, āinwōt “Dare to Do Right” (Children’s Songbook, 158) or “Kōm̧m̧ane Ta Eo Ejimew” (Al ko Al in Ajri, peij 24). Ta naan ko ilo al ko me rej kakeememej kōj kōn Esther?

Esther 2:5–7.Ta eo jemaron̄ kōm̧m̧ane jān waanjon̄ak ko an Mordecal kōn jipan̄ ro uwaan baam̧le eo ilo iien ko reppen? Wōn eo ilo baam̧le eo ad ej aikuj jipan̄ ko ad? Kōm̧m̧an juon karōk n̄an jipan̄ er.

Esther 4:15–17.An Esther peran emaron̄ im̧we baam̧le eo am̧ n̄an kōnono kōn wāween an kōļapļo̧k peran n̄an jutak kōn m̧ool ilo jekjek jej jelm̧aeiki. Ta meļeļe eo an Esther ke ekar ba “If I perish, I perish”? Ewi wāween an naan ko an iooktok kōj n̄e jej aikuj bwe jen peran? Bitio eo “Courage” (ChurchofJesusChrist.org) gives some examples.

Esther 9:26–32.Ri ju ro rej kwojkwoj ioon iien eo ekwojarjar an ri Ju n̄an kakeememej bwebwenatoon Esther. Ilo iien m̧ōn̄ā ilo wiik in, ļōmņak in kwaļo̧k bwebwenato ko in an ro uwaan baam̧le eo am̧, ekoba ro jibum̧ im jim̧aam̧ etto, kōjeraam̧m̧an ro jet kōn jim̧we āinwōt an kar Ester kōm̧m̧ane.

N̄an ļōmņak ko reļļapļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Dare to Do Right,” Children’s Songbook, 158.

Kōkm̧anm̧anļo̧k Ad Katakin

Ļoor mour eo an Rilo̧mo̧o̧r. “Kajoor eo an Rilo̧mo̧o̧r n̄an katakin im ļōn̄aj ro jet eaar itok jān wāween An kar mour im kar kain armej rōt E. An ļapļo̧k am̧ niknik kajjieon̄ n̄an mour āinwōt Jisōs Kraist, enaaj ļapļo̧k am̧ maron̄ katakin āinwōt E” (Teaching in the Savior’s Way”, 13).

Queen Esther, jān Minerva K. Teichert, © William im Betty Stokes