The Mocking of Christ[Kajirere eo kōn Kraist], jān Carl Heinrich Bloch

Jeptōm̧ba 26–Oktoba2

Aiseia 50–57

“Ear ineek en̄taan ko ad, im bōkļo̧k būrom̧ōj ko ad”

Kejokļo̧k kōn en̄jake ko jān Aiseia 50–57 me ejipan̄ eok kepaake eok n̄an Rilo̧mo̧o̧r. Ļo̧o̧ke imwe ko am̧ kwoj būki.

Ļo̧o̧ke Im̧we ko Am̧

Ilo aolepen iien kwaļo̧k eo an, Aiseia ekar kōnono kōn juon rikanemkwoj ekajoor (lale, n̄an waanjon̄ak, Aiseia 9:3–7). Kanaan kein renaaj kar lukkuun aorōk ilo tōre ko an riIsrael ro tokālik ke rekar pād ilo kamakoko ippān riBabilon ro. Juon eo emaron̄ wōtļo̧k jān oror ko an Babilon enaaj juon rianjo̧ ekajoor ilo m̧ool. Ak ejjab kain Messaia rot eo me Aiseia ekar kōmeļeļeiki ilo jebta ko 52–53: “Armej raan kajekdo̧o̧n im joļo̧k E; juon armej in būrom̧ōj, im Ear jeļā liaajlo̧ļ: ar kajekdo̧o̧n E āinwōt juon armej rej pinej mejeir jān E.… Jar ļōmņak bwe Anij ear m̧an E, im den̄ļo̧k E, im kaen̄taan E” (Aiseia 53:3–4). Ilo an jilkintok juon rikanemkwoj eo jekar jab kōtmene, Anij ekar katakin kōj kōn anemkwoj em̧ool. N̄an lo̧mo̧o̧ren kōj jān kakkure im en̄taan, Anij ekar jilkintok Juon eo E make “ar kōttāik E, im … ar kaen̄taan E.” Ijo jet rej kōtmene juon laion, E ej jilkinļo̧k juon ļaam (lale Aiseia 53:7). Ilo m̧ool, wāween ko an Anij rejjab wāween ko ad (lale Aiseia 55:8–9). Jisōs Kraist ej kanem̧kwoj kōj ilo an kōpeļļo̧k kalbuuj ak ilo an bōk ijoko jikid ijeņ. Ej kōroļo̧k kōj jān to in liajļōļ im burom̧ōj ilo An make ineeki (lale Aiseia 53:4–5,12). Ejjab lo̧mo̧o̧ren kōj jān etto. Ekar en̄jake ippād, ilo an kōm̧m̧an kōn “jouj eļap im indeeo” me “ejāmin ilo̧k jān kwe” (Aiseia 54:8,10).

Ļōmņak ko n̄an Ekkatak Jeje Ko Rekwojarjar Ippam̧ Make

Aiseia 50–52

Kar kūr n̄an kanemkwoj armej ro an Irooj.

Men̄e Riisrael ro rekar joļo̧k elōn̄ iiō ko ilo kōm̧akoko—im aeet men̄e kam̧akoko ko kar juon tōprak in jokālet ko rebōd—Irooj ekar kōņaan bwe ren reilo̧k n̄an ilju im jekļaj kōn kōjatdikdik. Ta ennaan ko eļap kōjatdikdik kaki kwoj loe ilo Aiseia 50–52? Ta eo Irooj ej katakin kōj kōn E make ilo jebta kein, im etke menin ej lewaj n̄an eok kōjatdikdik? (lale, n̄an waanjon̄ak, Aiseia 50:2, 5–9; 51:3–8, 15–16; 52:3, 9–10).

Kwomaron̄ bar kōlaajrake aolep men ilo jebta ko 51–52 me Irooj ej karuwaineneik Riisrael ro n̄an kōm̧m̧ane bwe ilju im jekļaj in en kūrm̧ool. Ta eo kwoj en̄jake Irooj ej karuwaineneik eok n̄an kōm̧m̧ane kōn naan kein? N̄an waanjon̄ak, ta eo kwoj ļōmņak ej meļeļein n̄an “ruj” im “kanōk kajoor eo am̧”? (Aiseia 51:9; bar lale Aiseia 52:1; Katak im Bujen Ko 113:7–10). Etke kwoj ļōmņak karuwainene in n̄an “eo̧ron̄hearken” (ak “ron̄jake kōn ikdeleel n̄an pokake”) emakijkij aer āliji? (RussellM. Nelson, “Ron̄jake E,” Liaona, Māe 2020,89).

Bar lale Mosaia 12:20–24; 15:13–18; 3Nipai 20:29–46.

Because of Love[Kōnke Iakwe], jān sculptor Angela Johnson

Aiseia53

Jisōs Kraist eaar bōk ioon Make jerawiwi ko aō im būrum̧ōj ko.

Jejjo jebta ilo eoon ko rej kōmeļeļeik mijen in pinmuur eo an Jisōs Kraist eļap an aibojooj jān Aiseia53. “Bōk iien n̄an kejōkļo̧kjeņ kōn naan kein. Kōn kajjojo eoon, bōjrak jidk im kejōkļo̧kjeņ kōn an Rilo̧mo̧o̧r eo kar en̄taan—the “liajļōļ,” “būrom̧ōj,” im “bōd ko” Ekar ineeki—n̄an aolep armej ro eļaptata n̄an kwe. Kwomaron̄ bōk jikin naan ko āinwōt “kōj” im “ad” n̄an “N̄a” im “aō” ilo am̧ riiti. Ta en̄jake ko ak ļōmņak ko me eoon kein rej im̧we eok kaki? Ļōmņak in jei.

Kwomaron̄ kōņaan etali Mosaia14; 15:1–13 n̄an lale wāween an rikanaan Abinadai kōjerbal naan ko an Aiseia n̄an katakin kōn Rilo̧mo̧o̧r.

Aiseia54; 57:15–19

Jisōs Kraist ej kūr eō n̄an itok n̄an E.

Kōj aolep ewōr iien jej en̄jake ad ettoļo̧k jān Irooj kōn jerawiwi ko ad ak m̧ōjņo ko ad. Jet rekar ebweer jān kōjatdikdik eo ke E enaaj jeorļo̧k aer bōd. Aiseia54 im57 rej jebta ko rem̧m̧an n̄an riiti kōn kam̧ool im kōketak ilo rot kein. Eļaptata ilo Aiseia 54:4–10; 57:15–19, ta eo kwoj ekkatak kake kōn tūriam̧o eo an Rilo̧mo̧o̧r im en̄jake ko An kōn eok? Ta oktak eo ilo mour eo am̧ ilo am̧ jeļā men kein kōn E?

Ewi wāween an kōjeraam̧m̧an kein kar kōmeļeļeiki ilo Aiseia 54:11–17 iookwaj eok?

Aiseia 55–56

Irooj ej karuwaineneik aolep n̄an “dāpij wōt bujen eo Aō.”

N̄an epepen ko, Riisrael rekar kōjenoļo̧k er āinwōt armej in bujen an Anij. Ijoke, karōk eo an Anij ekar aolep iien kakobaik eļapļo̧k jān juon laļ, n̄an “jabdewōt eo ej maro” ej ruwainene n̄an “itok … n̄an dān ko” (Aiseia 55:1). Likit wōt ilo kōļmenļo̧kjeņ ilo am̧ riiti Aiseia55 im56, im kejōkļo̧kjeņ kōn ta meļeļein armej in Anij. Ta ennaan eo an Anij n̄an ro rej en̄jake “kōjepel” jān E? (Aiseia 56:3). Ļōmņak in kōkaļļe eoon ko me rej kōmeļeļeik m̧wil im jerbal ko an ro rej “dāpij wōt bujen eo Aō” (lale Aiseia 56:4–7).

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Aiseia 51–52Ilo am̧ kōmeļeļe kōn karuwainene ko an Irooj ilo jebta kein, kwomaron̄ karuwaineneik ro uwaan baam̧le eo n̄an mour kaki. N̄an waanjon̄ak, ewi wāween n̄e jej “kom̧win reilo̧k n̄an lan̄ ko,” “kwōn ruj, kwōn jutak,” ak “kwōn make joļo̧k bun̄al eo jān eok”? (Aiseia 51:6,17; 52:2). Ta eo naan kein rej katakin kōj kōn ļoore Jisōs Kraist?

Aiseia 52:9Ālkin riit eoon in, baam̧le eo am̧ remaron̄ “al ippān doon” juon al in jar ak al an ajri eo me ej bōktok n̄an er lan̄lōn̄. Ta kallim̧ur ko ilo Aiseia52 ej kōm̧m̧an bwe jen “debļo̧k ilo lan̄lōn̄”?

Aiseia 52:11; 55:7.Eoon kein remaron̄ jino juon ekōnono kōn ta ko naan kein “Kom̧win erreo” meļeļein. Āinwōt m̧ōttan ļo̧k kōmeļeļe in, kwomaron̄ etale unin kōnono ko ilo N̄an Kōkajoorļo̧k Jodikdik Ro (bok jidikdik eo, 2011) ak riit eoon ko kōn kōjeraam̧m̧an ko itok jān erreo ilo mour in jetōb (lale 3Nipai 12:8; Katak im Bujen Ko 121:45–46).

Aiseia53.N̄an kwaļo̧k kadkad in kōmeļeļe eo an Aiseia kōn Rilo̧mo̧o̧r, baam̧le eo am̧ remaron̄ kōnono kōn wāween an bwebwenato ko, pija in alooj ko, im media ko jet maron̄ kwaļo̧k kōn ro reperan me rej lo̧mo̧o̧r armej ro. Kwomaron̄ keidi pija im kōmeļeļe ko kōn Rilo̧mo̧o̧r me kwoj riiti ilo Aiseia53. Kwomaron̄ bar alooje pija eo “My Kingdom Is Not of This World” (ChurchofJesusChrist.org) im kōnono kōn wāween an kanaan ko ilo Aiseia53 rekar kūrm̧ool. Ta jet iaan liājļaļ ko im būrum̧ōj ko Rilo̧mo̧o̧r eo ej ineeki n̄an kōj?

Aiseia 55:8–9Ewi wāween men kein oktak jān doon n̄e kwoj pād uteejļo̧k jān ioon laļ? Ta meļeļe menin n̄an kwe ke bwe iaļ ko an Anij im ļōmņak ko An reuteejļo̧k jān ko ad?

N̄an ļōmņak ko reļļapļo̧k kōn katakin ajri ro, lale laajrak eo an wiik in ilo Itok, Ļoor Eō—N̄an Būraimere.

Al eo kar elmakote: “I Stand All Amazed,” Hymns, no.193.

Kōkm̧anm̧anļo̧k Am̧ Make Ekkatak

Kōjerbal al. Al in jar ko relukkun kajoor ilo aer katakin pedped in gospel eo. Ļōmņak n̄an ron̄jake ak riiti al ko an kwojkwoj eo n̄an jipan̄ eok meļeļe kōn m̧ool ko kōn Pinmuur eo an Jisōs Krasit kar katakin ilo Aiseia53. (Lale Teaching in the Savior’s Way, 22.)

His Light[Meram eo An], jān MichaelT. Malm