Independence, Missouri, jān Al Rounds

Māe 24–30.

Katak im Bujen Ko 58–59

“Kanooj M̧ōņōņō in Poub ilo juon Jibadbad”

Ilo am̧ riiti Katak im Bujen Ko 58–59, je im̧we ko ilo jetōb kwoj būki. Im̧we kein remaron̄ jipan̄ eok karōk n̄an katakin katak eo kwoj ekkatak kake n̄an ajri ro. Komaron̄ barāinwōt lo ļōmņak ko ilo unin tōl eo an katak in, ilo Itok, Ļoor Eō—N̄an Kajjojo Armej im Baam̧le ko, ak ilo māākjin ko an Kabun̄ in.

Je En̄jake ko Rej Im̧we Eok

Kajjitōk bwe ren Kwaļo̧k

Kajjitōk ippān jejjo ajri ro n̄an kwaļo̧k juon men raar kōm̧m̧ane ilo wiik eo n̄an ekkatak jān jeje ko rekwojarjar

Katakin Katak eo: Ajri ro Reddikļo̧k

Katak im Bujen ko 58:27–28

Jemedwōj Ilan̄ ekar letok n̄an eō kajoor n̄an kāālet.

Jipan̄ ajri ro jeļā bwe Jemedwōj Ilan̄ ekōņaan bwe jen kōm̧m̧ane kāālet ko rejim̧we me rej bōktok m̧ōņōņō n̄an mour ko ad im n̄an ro jet.

M̧akūtkūt ko Maron̄ Kōm̧m̧ani

• Riiti eoon ko jān Katak im Bujen Ko 58: 27–28 n̄an jipan̄ ajri ro meļeļe bwe remaron̄ kāālet n̄an kōm̧m̧an em̧m̧an. Likūt juon turin māj em̧ōņōņō ilo juon rejet in ruum̧ eo im juon turin māj ebūrom̧ōj ilo rejet eo juon. Ekōjkan ad en̄jake n̄e jej kāālet n̄an kōm̧m̧an em̧m̧an? Kōmeļeļeik jejjo jekjek ko ippānļo̧k juon kāālet em̧m̧an ak enana n̄an kajjojo. Ālkin kōmeļeļeik kajjojo jekjek ko im kāālet, kajjitōk ippān ajri ro n̄an jutak turin māj eo em̧ōņōņō eļan̄n̄e kāālet eo ej em̧m̧an im jutak turin turin māj eo ebūrom̧ōj eļan̄n̄e ej nana.

• Kwaļo̧k n̄an ajri ro juon nine elōn̄ kōļar in kein kōļar ko roktak jān doon. Kwaļo̧k n̄an er nine eo kein karuo in juon wōt kein kōļar. Kajjitōk ippān ajri ro ewi wōt iaan nine ko rej kōņaan kōjerbale. Etke? Kōmeļeļeik bwe maron̄ n̄an kāālet ej juon kōjeraam̧m̧an jān Jemedwōj Ilan̄. Kam̧ool bwe Jemedwōj Ilan̄ im Jisōs Kraist rej iakwe kōj im kōņan bwe jen kōm̧m̧ani kāālet ko rem̧m̧an.

• Jiron̄ ajri ro kōn juon iien me kwar kōm̧m̧ane juon kāālet em̧m̧an, im kōmeļeļeik ekōjkan am̧ kar en̄jake ālkin wōt. Kajjitōk ippān ajri ro n̄an jin̄aik juon pija in bwebwenato eo am̧ ak juon bwebwenato kōn eo aer make. Innām kōm̧m̧an bwe ren kwaļo̧k pija ko aer ippān kūlaaj eo im ba ta eo raar ekkatak jān bwebwenato eo.

Katak im Bujen Ko 59:7

Jemedwōj Ilan̄ ekōņaan bwe in kam̧moolol.

Ekōjkan am̧ maron̄ jipapn̄ ajri ro meļeļe aorōk eo an kam̧m̧oolol Jemedwōj Ilan̄ kōn kōjeraam̧m̧an ko aer?

M̧akūtkūt ko Maron̄ Kōm̧m̧ani

• Jiron̄ ajri ro juon men me kwoj kam̧m̧oolol kake, im kajjitōk ippāer n̄an kwaļo̧k men ko rej kam̧m̧oolol kaki. Riiti Katak im Bujen Ko 59:7, im jipan̄ ajri ro ļōmņak kōn wāween ko remaron̄ kam̧m̧oolol Jemedwōj Ilan̄ kōn kōjeraam̧man ko aer. Ta eo remaron̄ kōm̧m̧ane n̄an bōke n̄an m̧weo n̄an kakeememej er n̄an kam̧m̧oolol Jemedwōj Ilan̄ kōn kōjeraam̧man ko aer?

• Al ippān doon juon al kōn kam̧m̧oolol, eo āinwōt “Follow the ProphetChildren’s Songbook,110). Kajjitōk ippān ajri ro n̄an bōk jikin naan ko ilo al eo kōn bar jet men ko rej kam̧m̧oolol kaki.

• Kōm̧m̧an bwe ren jin̄aik pija ko kōn men ko rej kam̧m̧oolol kaki.

Katak im Bujen Ko 59:9–12

Jabōt ej raan eo an Irooj.

Ilo am̧ kwaļo̧k lan̄lōn̄ eo kwoj loe jān kōkwojarjar raan in Jabōt, komaron̄ jipan̄ er lo Jabōt āinwōt juon raan me jej kabun̄ jar n̄an Irooj.

M̧akūtkūt ko Maron̄ Kōm̧m̧ani

• Bōktok pija ko ak men ko me rej kwaļo̧k men ko rem̧m̧an jemaron̄ kōm̧m̧ani ilo Jabōt n̄an kabun̄ jar n̄an Irooj im lo lan̄lōn̄. Jet ļōmņak ko loi ilo Katak im Bujen Ko 59:9–12 im “Kōjparok Raan in Jabōt” (N̄an Kōkajoorļo̧k Jodikdik ro, 30–31). N̄an waanjon̄ak, n̄an jutak kōn kwojkwoj eo, komaron̄ kwaļo̧k pija 108 ilo Bok In Gospel Pija ak juon kab im jidik m̧ōttan pilawe in kwokwoj eo. Ekōjkan an kajjojo men kein jipan̄ kōj epaakeļo̧k Jemedwōj Ilan̄ im Jisōs Kraist ilo Jabōt?

• Kadedeļo̧k peij in m̧akūtkūt eo an wiik in ippān ajri ro n̄an leļo̧k n̄an er ļōmņak ko n̄an kōm̧m̧an bwe Jabō en juon raan ekwojarjar.

  

  Bōk kwojkwoj eo ejipan̄ kōj kautiej raan in Jabōt.

Katakin Katak ko: Ajri ro Rerūttoļo̧k

Katak im Bujen ko 58:27–28

Anemkwoj in Kāālet ej kajoor n̄an kāālet.

Anij ekar letok n̄an kōj kajoor eo n̄an kāālet, im kōn kajoor jab in jemaron̄ “kwaļo̧k eļap em̧m̧an” (eoon 27). Ekōjkan am̧ maron̄ jipan̄ ajri ro kwoj katakin er lo bwe em̧ool men̄e ewōr nana ilo laļ in, “kajoor eo epād ilo er” n̄an “kōm̧m̧an em̧m̧an”? (eoon 28).

M̧akūtkūt ko Maron̄ Kōm̧m̧ani

• Kwaļo̧k n̄an ajri ro juon m̧ōttan peba me ewōr naan eo kāālet kar je ilo juon rejete im naan kaje kar je ilo rejete eo juon. Kōmeļeļeik bwe kāālet ko ewōr aer kaje, ak tōprak ko me rej kajju waļo̧ktok ālkin jerbal ko. Kajjitōk ippān juon ajri n̄an bōk peba eo n̄an kwaļo̧k bwe n̄e kwoj bōk peba eo, kwoj bōk jim̧or kāālet eo im kaje eo an kāālet jab eo. Kajjitōk ippān ajri eo n̄an riiti Katak im Bujen Ko 58:27–28. Ta kāālet ko jemaron̄ kōm̧m̧ani me renaaj “kwaļo̧k eļap em̧m̧an” ak tōprak ko rem̧m̧an? (eoon 27). N̄e eo jaar kōm̧m̧ani kāālet ko rem̧m̧an me ewōr ie tōprak ko me raar kōjeraam̧man ro jet?

• Je eoon ko jān Katak im Bujen Ko 58:27–28 ioon jidik peba, im leļo̧k juon n̄an kajjojo ajri. Kajjijtōk ippāer n̄an riiti eoon ko ilo ejjeļo̧k ainikien im kejekļo̧kjeņ kake eoon eo aer. Kajjitōk ippān ajri ro n̄an jijet ilo ellaajrak eo me eoon ko aer ej waļo̧k ilo eoon 27–28 im kwaļo̧k ippān doon ta eo raar ekkatak. Ta ennaan eo an Irooj n̄an kōj ilo eoon kein?

• Al juon al kōn kāālet ko, eo āinwōt “Choose the Right” (Hymns, nō. 239). Kajjitōk kajjitōk ko n̄an jipan̄ ajri ro kejekļo̧kjeņ kōn naan ko an al eo—n̄an waanjon̄ak, Wōn eo ej jipan̄ tōl eok n̄an kōm̧m̧ane kāālet eo ejim̧we? Wo eo ej kajjieon̄ in kōm̧m̧an bwe kwon kōm̧m̧ane kāālet eo ebōd? Ekōjkan an kāālet eo ejim̧we kōm̧m̧an bwe kwon en̄jake?

Katak im Bujen Ko 59:9–16

Jabōt ej raan eo an Irooj.

Irooj eaar ba bwe kōjparok Jabōt ejipan̄ kōj “kōjparok [kōj make] jān libbijinjin jān laļ” (Katak im Bujen Ko 59:9). Ekōjkan am̧ maron̄ jipan̄ ajri ro kwoj katakin er kautiej Jabōt im kōm̧m̧ane juon kakōļļe in iakwe eo aer n̄an Jemedwōj Ilan̄ im Jisōs Kraist?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti Katak im Bujen Ko 59:9–16 ilo ruo iaan ruo, im kajjitōk ippān kajjojo pea n̄an je juon men rej ekkatak kōn raan in Jabōt jān kajjojo eoon. Ālkin jejjo minit ko, kajjitōk ippān kajjojo pea n̄an kwaļo̧ke ippān kūlaaj eo ta eo raar je. Ta eo jenaaj kōm̧m̧ane eoktakļo̧k ilo Jabōt kōnke kōn ta eo jaar ekkatak?

• Kōpooj juon ikkure in kōmāājāj eo me ajri ro rej kajetjet eoon ko jān Katak im Bujen Ko 59:9–16 n̄an eoon eo ejim̧we. Kāālet eoon kok me rej katakin ta eo Irooj ekōņaan bwe jen kōm̧m̧ane ilo Jabōt. Ekōnono kōn ta eo eoon kein rej katakin kōj kake raan eo an Irooj im ekōjkan ad maron̄ itok epakeļo̧k E.

• Raan in Jabōt ej “raan eo an Irooj” (Katak im Bujen Ko 59:12)—juon raan n̄an kwaļo̧k bwe jej keememej elōn̄ jerbal ko an Irooj ilo ad kabun̄ jar n̄an E (lale Bible Dictionary, “Sabbath”). Jipan̄ ajri ro kejekļo̧kjeņ kōn jerbal kein kōn kajjitōk ippāer n̄an riiti eoon in jipan̄ kein im kwaļo̧ki pija ko reierļo̧k Jenesis 2:1–3 (Lale Bok In Gospel Pija, nō. 3); Jon 20:1–19 (lale Bok In Gospel Pija, nō. 59). Ta bar jerbal ko jet rekajoor an Irooj jemaron̄ keememeji ilo Jabōt? Bar ta eo jej ekkatak kōn Jabōt jān Katak im Bujen Ko 59:9–16?

Kōketak Ekkatak ilo M̧weo

Kajjitōk ippān ajri ro n̄an kwaļo̧k ippān baam̧le eo aer juon men remaron̄ kōm̧m̧ane n̄an kōjparok im kōkwojarjar raan in Jabōt.

Kōkōm̧anm̧anļo̧k Ad Katakin

Kalōk lōke an juon make eo an ajri ro Jet ajri remaron̄ jab em̧m̧an aer ekkatak kōn gospel in ippāer make. Kallim̧uri ajri ro bwe Jetōb Kwojarjar eo enaaj jipan̄ er ekkatak.