Valetabu e Katiladi, mai vei Al Rounds

30 ni Okosita–5 ni Sepiteba

Vunau kei na Veiyalayalati 94–97

“Me Vakabulai Saioni”

Vakasaqara na veivakauqeti mo kila na cava ena ivakavuvuli mai na wase 94–97 me vakabibitaki ena nomu veivakatavulici. Rawa ni o taurivaka na veivakasama ni itaviqaravi me baleta na gone ni o vakatavulici ira na gone qase cake, kei na kena veibasai.

Vola na Veika o Vakauqeti Kina

Sureta na Veiwasei

Vakaraitaka vei ira na gone e dua na iyaloyalo ni dua na valetabu, ka sureti ira mera wasea na veika era kila me baleta na valetabu. Era rawa talega ni veitalanoataka me baleta na veika era vakila ni ra raica e dua na valetabu.

Vakavulica na iVunau: Gone Sobu

Vunau kei na Veiyalayalati 95:8; 97:15–16

Na valetabu e vale ni Turaga

Ira mada ga na gone e Katiladi era vukei, ena veika lalai ka na sala e vakaibalebale kina, me ra tara na valetabu e Katiladi. Vukei ira na gone o vakavulica mera vaqaqacotaka na nodra lomana na vale tabu ni Turaga.

iTaviqaravi e Rawa ni Caka

• Vakaraitaka na iyaloyalo ni Valetabu e Katiladi (raica na ituvatuva ni macawa oqo ena Lako Mai, Mo Muri Au—Me Baleta na Tamata Yadua kei na Matavuvale). Vakayagataki na vei malanivosa mai na Vunau kei na Veiyalayalati 95:8 me vakavulici ira na gone me baleta na ivakaro ni Turaga me ra tara na valetabu oqo. Me ra na gone me ra veivukevuke taura cake na iyaloyalo kei ka kaya “Na valetabu e nona vale na Turaga.”

  

  A tara na Yalododonu e dua na valetabu me ra vakila na nodra voleka vua na Kalou.

• Tukuna vei ira na gone na valetabu yadua e sa volai kina “Tabu me Nona na Turaga. Na Vale ni Turaga.” Kevaka e rawa, vakaraitaka na iyaloyalo ni vosa oqo ena dua na valetabu. Na cava e dua kina na vanua tabu na valetabu? Wilika na malanivosa mai Vunau kei na Veiyalayalati 97:15–16 ka vakavulica me baleta na valetabu sa vale ni Turaga, ka wasea na nomu nanuma me baleta na valetabu.

• Sureti ira na gone me ra vakatayaloyalotaka ni ra sa vukea tiko mera tara e dua na valetabu (musu kau, tukia na ivako, boro lalaga, kei na so tale). Vakamacalataka na kena bibi ni valetabu vua na Turaga, na kaukauwa era cakacaka kina na Yalododonu me ra tara na valetabu e Katiladi, kei na levu ni ka era sa solibula kina (raica na Yalododonu, 1:210).

• Lagata vata e dua na sere me vukei ira na gone me ra vakila kina na vakarokoroko me baleta na vale ni Turaga, me vaka na “I Love to See the Temple” (Children’s Songbook,95). Me ra wasea na gone nodra nanuma me baleta na valetabu.

Vunau kei na Veiyalayalati 97:8

Au rawa ni dau dina.

Ena Vunau kei na Veiyalayalati 97:8, na Turaga e vakaraitaka ni yalodina e vaka e dua na itovo vei ira “au na vakadonui ira.”

iTaviqaravi e Rawa ni Caka

• Vakamacalataka vei ira na gone ni vakatavulica na Kalou ni da dau dina, e vakadonui keda o Koya (raica na Vunau kei na Veiyalayalati 97:8). Wasea vata kei ira e vica na italanoa lekaleka ka na vukei ira me ra kila na kena ibalebale meda dau dina. Italanoa eso oqo e rawa ni lako mai ena nomu bula, mai na bula nei dua tale o kila, se mai na iTokani se Liaona. Vukei ira na gone me talanoataka tale na italanoa vei iko, se wasea na veika era sotava me baleta na yalodina mai na nodra bula.

• Vukei ira na gone mera vulica na imatai ni malanivosa ena ika tinikatolu ni yavu ni vakabauta: “Keimami vakabauta ni sa kilikili meda dau dina tikoga.” Vukei ira na gone me ra matanataka e dua na ivakaraitaki ni nodra dau dina kei na lawaki. Me kena ivakaraitaki, me ra dramataka na gone na nodra taura e dua na ka mai vei dua na tacina ka tukuna vei ira na nodra itubutubu ni ra sega ni taura. Qai vukei ira na gone ka dramataka na ituvaki vataga ka ra tukuna na ka dina vei ira na nodra itubutubu. Vakamacalataka ni oya na dina.

Vakavulica na iVunau: Gone Qase Cake

Vunau kei na Veiyalayalati 95: 1–3, 8, 11–17; 97:10–17

Na valetabu e vale ni Turaga

Vakasamataka vakatitobu na sala e rawa mo vakayagataka kina na veitikina oqo me vukei ira na gone mera kila vakavinaka na kena bibi na valetabu ki vua na Turaga—kei na kena bibi vei keda kece.

iTaviqaravi e Rawa ni Caka

• Kerei ira na gone mera tukuna na gauna era a dodonu me cakava e dua na ka ia e sega ni cakava sara ena gauna oya. Vukea e dua na gone me wilika na Vunau kei na Veiyalayalati 95:3, 8, ka tarogi ira na gone na cava na ivakaro e a kaya na Turaga ni ra a sega ni talairawarawa kina na Yalododonu. Wilika vata na tikina e 11. Na cava a gadreva na Yalododonu me ra cakava me rawa ni ra tara kina na valetabu? Na cava eda vulica rawa mai na iyalayala ni iVakabula vei ira?

• Vola ena kadi, na ivakavuvuli me baleta na valetabu e kunei ena Vunau kei na Veiyalayalati 95 kei97, vata kei na kena ivolanikalou veisemati, ka biuta na kadi oqo ena loma ni kato. Me vaka oqo: Tara ni veivaletabu e gadrevi kina na solibula (Vunau kei na Veiyalayalati 97:11–12) kei na Sa dodonu me da kilikili me da curuma na valetabu (Vunau kei na Veiyalayalati 97:15–17). Wasea me ra veisasa na gone. Na isa yadua me droinitaka e dua na kadi oqo mai na beqi ka cakacaka vata me ra wilika na ivolanikalou e tiko ena kadi ka veivosakitaka na ibalebale ni ivakavuvuli kivei ira. Vukei ira na gone me ra kila na veika era wilika tiko me vaka e gadrevi.

• Sureta e dua na tamata gone mai na nomu tabanalevu se tabana ka ra sa lesu mai na valetabu me wasea na veika e sotava ka tukuna vei ira na gone na cava e rawa ni ra cakava me ra vakavakarau me baleta na valetabu.

• Vakayagataka na itukutuku ena “Nomu Sala ki na Valetabu” (ena Valetabu ni Lotu i Jisu Karisito ni Yalododonu Edaidai [digitaki na ilavelave ni Ensign se Liaona, Octo. 2010], 72–75) me vukei ira na gone mera kila vakavinaka na veika e yaco ena loma ni valetabu kei na sala e rawa ni ra vakavakarau kina. Vakasamataka mo solia vei ira yadua na gone e dua na iwase ni itukutuku me wilika tiko ka me ra wasea na veika era sa vulica.

• Wasea na vidio “Two Apostles Lead a Virtual Tour of the Rome Italy Temple” (ChurchofJesusChrist.org), ka sureti ira na gone me ra wasea na nodra nanuma me baleta na lako ki na valetabu ena dua na siga.

• Lagata vata kei ira na gone e dua na sere baleta na valetabu, me vaka na “I Love to See the Temple” (Children’s Songbook,95). Na malanivosa cava soti mai na sere oqo e vakavulica vei keda na cava e bibi kina na valetabu?

Vunau kei na Veiyalayalati 97:1–2, 8–9, 21

O Saioni “ko ira sa savasava na lomadra.”

Vukei ira na gone mera kila vakavinaka ni o Saioni sa sega ni dua ga na itikotiko; ia sai “ira sa savasava na lomadra.” (Vunau kei na Veiyalayalati 97:21).

iTaviqaravi e Rawa ni Caka

• Sureti ira na gone me ra wilika na Vunau kei na Veiyalayalati 97: 21, ka taroga vei ira na ibalebale ni vosa na “savasava”. Me ivakaraitaki, vakaraitaka vei ira e dua na bilo wai savasava, ka veivosakitaka na vuna e bibi me savasava na wai. Vakuria e dua na ka ki na wai ka yaco kina me tawasavasava (me vakataka na qele se na pepper). Sureti ira na gone me ra wilika tale na Vunau kei na Veiyalayalati 97:21 ka biuta na qaqalo ni ligadra ena vosa “savasava.” Na cava na kena ibalebale me savasava na lomada? Vukei ira na gone mera kila vakavinaka ni sa savasava na lomadra e sega ni kena ibalebale eda sega ni caka cala. Na cava e rawa ni da cakava me yaco me savasava sara na lomada? E vukei keda vakacava na iVakabula?

• Vukei ira na gone me vakasaqara na Vunau kei na Veiyalayalati 97:1–2, 8–9, 21, ka vakaraica na vosa se malanivosa e vakamacalataka na sala me savasava na lomadra. Kerei ira mera digia e dua na vosa se malanivosa, vola ena dua na pepa tikidua, ka biuta toka ena dua na koniteina. Taura mai vaka ya dua na tikidua, ka kerei ira na gone mera tukuna na veika e rawa ni ra cakava me ra vakayagataka kina ena nodra bula na vakasama oya. Me kena ivakaraitaki, na cava eda rawa ni cakava me ra “kila na ka dina” (tikina e 1) se “dau dina” (tikina e 8)?

Vakauqeta na Vuli e Vale

Vakayaloqaqataki ira na gone me ra vakayagataka na tabana ni itaviqaravi ni macawa oqo me ra wasea vata kei na nodra matavuvale na ka era sa vulica baleta na valetabu.

Vakatorocaketaki Noda Veivakavulici

Vakauqeti ira na gone me ra taro. “Segata mo raica nodra taro [na gone] me madigi eso, sega ni ra veivagolei tani se vakalatilati ki na nomu lesoni. … Na taro vaqori e dau solia na vakasama bibi baleta na veika era vakasamataka tiko na gone, na nodra kauwai, kei na ivakarau era sa raica tiko kina na veika era vulica. Vukei ira me ra raica ni isau ni nodra taro e rawa ni kunei ena ivolanikalou kei na nodra vosa na parofita bula” (Veivakavulici ena iVakarau ni iVakabula, 25–26).