Fa Wesi, mai vei Al Rounds

11–17 ni Okotova

Vunau kei na Veiyalayalati 115–120

“Na ka Tabu Cake Vei Au na Nona Solibula Mai na Veika e Rawata”

Laiva na Yalotabu me dusimaki iko ki na ivakavuvuli ka gadreva vakalevu na gone. E rawa mo raica na vakasama veivuke ena so na itaviqaravi me baleta na gone se vei ira na gone qase cake.

Vola na Veika o Vakauqeti Kina

Sureta na Veiwasei

Ena so na gauna, e rawa ni veivosaki kei rau na itubutubu ni dua na gone ni sebera na kalasi ka vakatura me lako mai na gone ki na kalasi ka vakavakarau me wasea eso na ka e sa vulica mai vale. Era na marautaka na gone me liutaka na kalasi ena dua na itaviqaravi era sa cakava kei ira na lewe ni matavuvale.

Vakavulica na iVunau: Gone Sobu

Vunau kei na Veiyalayalati 115:4–5

Au lewena na Lotu i Jisu Karisito ni Yalododonu Edaidai.

E rawa vakacava mo vukei ira na gone me ra kila na veivakalougatataki e tiki ni Lotu i Jisu Karisito?

iTaviqaravi e Rawa ni Caka

• Tarogi ira na gone, ke e dua vei ira na rawa ni tukuna na yaca taucoko ni Lotu. Vakaraitaka vei ira na tawake ni Lotu (ena Lotu ni kena tabaki se itokaniyaca ni kaulotu), vola na yaca ena vava ni volavola, se wilika vei ira mai na Vunau kei na Veiyalayalati 115:4. Kerei ira na gone mera cavuta vata kei iko na yaca ni o dusia na vosa yadua. Dusia na vosa bibi ena yaca, ka vukei ira na gone mera kila vakavinaka na vuna e bibi kina na veivosa oqo (raica na “Wase 43: Vakatokayacataka o Jisu Karisito na Nona Lotu,” iTalanoa mai na Vunau kei na Veiyalayalati, 164).

• Lagata vata na “Au Lewe ni Lotu i Jisu Karisito” (iVolanisere ni Lalai,48), ka wasea vei ira na gone na nomu nanuma ni o dua na lewe ni Lotu i Jisu Karisito. Me ra wasea na nodra nanuma me baleta na Lotu.

• Sureti ira na gone mera tucake ni o wilika na vosa “tucake” ena Vunau kei na Veiyalayalati 115:5. Sureti ira me ra dodoka yani na ligadra me vaka na matanisiga ni ko wilika na “cila yani”. Lagata vata e dua na sere me baleta e dua na rarama kivei ira tale eso, me vakataka “Kalokalo Serau” (iVolanisere ni Lalai, 84). Vakananuma vei ira na gone ni noda rarama mai e lako mai vei Jisu Karisito, ka vukei ira mera vakasamataka na sala eso era rawa kina ni “cila yani”.

Vunau kei na Veiyalayalati 117:6

O Jisu Karisito e bulia na vuravura kei na veika kecega e tu kina.

Me vakauqeti Viliame Makisi kei Niueli K. Witini me solibula ki na veika e nodrau ka toso ki Misuri, ea tataunaka na Turaga vei rau ni a bulia na ka kecega e vuravura. Rawa ni vakalougatataki vakacava o ira na gone ena nodra kila na dina oqo?

iTaviqaravi e Rawa ni Caka

• Kauta mai se droinitaka na iyaloyalo ni veibuli ena Vunau kei na Veiyalayalati 117:6 ka kaya na Turaga ni cakava (se sureti ira na gone mera droinitaka na nodra dui droini). Sureti ira na gone me ra dulaka cake se dusia yadua na iyaloyalo ni o wilika na tikina oqo. Tukuna vei ira na gone na vuna e bibi kina vei ira me ra kila ni o Jisu Karisito a bulia na veika kece oqo.

• Lagata kei ira na gone e dua na sere ni veibuli ni Kalou, vaka na “My Heavenly Father Loves Me” (Children’s Songbook, 228–29). Laivi ira na gone me ra veivosakitaka na veika sa bulia na Kalou ka vukei ira mera vakila na Nona loloma.

Vunau kei na Veiyalayalati 119–20

Na ikatini e vukea na Lotu me vakayacora na cakacaka ni Kalou.

E vuqa vei ira na gone o vakatavulica tiko beka era sa rui gone me rawa ilavo kei na saumi ikatini, ia e vinaka vei ira me ra kila vakavinaka na ikatini e vukea vakacava na cakacaka levu ni Lotu e vuravura raraba.

iTaviqaravi e Rawa ni Caka

• Vakamacalataka ni da sauma vakacava na ikatini, ka dau vakayagataki ena cava (raica na “Wase 44: iKatini,” iTalanoa mai na Vunau kei na Veiyalayalati, 165–66, se na kena vidio ena ChurchofJesusChrist.org). Droinitaka e 10 na koini ena vava ni volavola, ka kerei ira na gone me ra vukei iko mo wilika. Vakadeitaka me vica e solia vua na Turaga me ikatini.

• Lagata vata e dua na sere me baleta na ikatini, me vakataka “I Want to Give the Lord My Tenth” (Children’s Songbook, 150), ka tukuna vei ira na gone na cava o digitaka kina mo sauma na ikatini. Kevaka e rawa, wasea e dua na nomu italanoa.

Vakavulica na iVunau: Gone Qase Cake

Vunau kei na Veiyalayalati 115:4–6

Noqu ivakaraitaki ena rawa ni vukei ira tale eso me ra lako mai vei Karisito ka kunea kina na taqomaki.

Na gone o vakavulica e rairai kila na tamata era sa vakacacani ena cava ni bula, ka gadreva na “ivakaruru” (tikina e 6) e vakarautaki tu ena Lotu. Vakasamataka mo na vakauqeti ira vakacava na gone me ra “tucake ka cila yani” (tikina e 5) ka wasea na nodra rarama vei ira na tamata oqo.

iTaviqaravi e Rawa ni Caka

• Solia wavoki e dua na cina livaliva, na iyaloyalo kei na matanisiga, se dua tale na ka me matataka na rarama ni nona kosipeli na iVakabula. Ni sa gauna me ra na taura na cina, sureti ira na gone me ra wilika na Vunau kei na Veiyalayalati 115:4–5 ka vakayacana e dua na ka mera cakava mera “cila yani” me vaka e dua na rarama vei ira na tani (raica na 3 Nifai 18:24).

• Sureti ira na gone me ra droinitaka na iyaloyalo e tukuna tiko na Vunau kei na Veiyalayalati 115:6. Me kena ivakaraitaki, sa rawa mera droinitaki e dua na cava, vata kei ira na tamata era ivakaruru e vale ni Lotu. Na cava soti eso na ka e rawa ni matataki kina na cava? E vakarautaka vakacava na Lotu na ivakaruru mai na veika oqori?

Vunau kei na Veiyalayalati 117

Sa ka tabu vua na Turaga na noqu solibula.

Ena wase 117, e vakasalataki Viliame Makisi kei Niueli K. Witini na Turaga me solia na veika erau taukena e Katiladi me baleta na veivakalougatataki cecere cake mai Missouri. E rokovi Oliver Granger talega ena solibula e vakayacora. Na cava o kila ni ra rawa ni vulica na gone mai na nodra ivakaraitaki?

iTaviqaravi e Rawa ni Caka

• Sureti ira na gone mera raitayalotaka ni ra sa na dua na itaukei ni sitoa rawa-ka e Katiladi, me vakai Niueli K. Witini. Na cava era na vakila ke kerei ira na Turaga me ra biuta na nodra sitoa ka toso yani ki na vanua vou? Wilika vei ira na Vunau kei na Veiyalayalati 117:1–11, ka kerei ira na gone me tarovi iko ni ra rogoca e dua na ka ena vukei ira ena vakabauta me solibula ka talairawarawa vua na Turaga. Na cava eda solibula kina nikua meda talairawarawa vua na Turaga?

• Tukuna vakalekaleka vei ira na gone na cava na vuna era a biuti Katiladi kina na Yalododonu, se me dua na gone e vakayacora vakakina (raica na “Wase 41: Leqa e Katiladi,” iTalanoa mai na Vunau kei na Veiyalayalati, 158–60). Vakamacalataka ni a kerei Oliva Qareija na Turaga me tiko e Kirtland ka sauma na dinau ni Lotu. Na cava e cakacaka dredre kina oya? Na cava a kaya na Turaga ena Vunau kei na Veiyalayalati 117:13 e rawa ni vukei Oliva— se dua tale vei keda—ka da solibula me da talairawarawa vua na Turaga?

Vunau kei na Veiyalayalati 119–20

Na ikatini e vukea na Lotu me vakayacora na cakacaka ni Kalou.

Vakasamataka na sala o na vukea kina na gone mera kila na ikatini—ke mani lalai vakacava e rawa ni ra sauma—e cau ki na kena tarai cake na matanitu ni Kalou (raica na Tudei ena Vakabauta, 180–82).

iTaviqaravi e Rawa ni Caka

• Sureti ira na gone me ra raitayaloyalotaka mada ni dua na itokani e raica e dua na vale ni Lotu, ka taroga, “Na nomudou Lotu e sauma vakacava na vale ko ya?” Eda na vakamacalataka beka vakacava na ikatini vua na itokani oqo? Vakatututaka na gone me vagolei ki na Vunau kei na Veiyalayalati 119:4; 120: 1 ni ra vakasamataka tiko na taro oqo.

• Vukei ira na gone me ra vakasamataka na veika e rawa ni cakava na Lotu ena vuku ni ikatini. Ena vakalougatataka vakacava na noda bula na veika oqo? Wasea na nomu nanuma me baleta na lawa ni ikatini kei na sala sa vakalougatataki iko kina.

  

  Ni da saumi ikatini, eda rawa ni vakaraitaka noda lomana na Kalou ka veivuke ena Nona cakacaka.

Vakauqeta na Vuli e Vale

Sureti ira na gone me ra raica na veika era a vakila ena lomadra se na vakanananu e yaco mai ki na nodra vakasama ena Lalai nikua. Vakayaloqaqataki ira me ra wasea na vakila kei na vakasama ki na nodra matavuvale.

Vakatorocaketaki Noda Veivakavulici

Tokoni ira na iTubutubu. Raica na sala me wasea vata kina kei ira na itubutubu na veika era vulica tiko na luvedra ena Lalai, ka tarogi ira ena sala mo tokoni ira vakacava kina ena nodra sasaga vaka-itubutubu (raica na Veivakavulici ena iVakarau ni iVakabula, 25).