Nauvoo eo Eaiboojoj, jen Larry Winborg

Oktoba 25–31

Katak im Bujen Ko 124–125

“Juon Em̧ n̄an Eta”

Ta katak ko jen Katak im Bujen Ko 124–25 ajri ro rej aikuji n̄an ekkatak? Ļōmņake kajjitōk in ilo am̧ ekktak wiik in.

Je En̄jake ko Rej Im̧we Eok

Kajjitōk bwe ren Kwaļo̧k

Likūt juōn pijain tampeļ ilo kajjojo ruum̧. Kajjitōk ippān ajri ro ta eo rejeļā kōn tampeļ ko. Kōtļo̧k bwe ren kwaļo̧k en̄jake ko aer kōn etal n̄an tampeļ juon raan.

Katakin Katak eo: Ajri ro Reddikļo̧k

Katak im Bujen Ko 124:15, 20

Jisōs ej m̧ōņōņō n̄e ij kajjieon̄ kōm̧m̧an em̧m̧an.

Ilo revelesōn eo je ilo jākjen 124, Irooj eaar kwaļo̧k mālim eo An n̄an Hyrum Smith im George Miller kōnke rekar kajjieon̄ ļoor E. Elmen an naaj jipan̄ ajri ro kile bwe Irooj ej m̧ōņōņō n̄e rej kajjieon̄ in kōm̧m̧an em̧m̧an?

Makūtkūt ko Maron̄ Kōm̧m̧ani

• Jipan̄ ajri ro ļōmņake men ko remaron̄ kōm̧m̧an me rem̧m̧an. Kwaļo̧k pija ko n̄an leļo̧k ļōm̧nak ko (n̄an pukot jet men ilo Gospel Art Book ak māākjiin ko an Kabun̄ in). Kajjitōk ippān ajri ro n̄an ba kajjien men ko rem̧m̧an. Riiti Katak im Bujen Ko 124:15 ippān ajri ro, im kajjitōk ippāer n̄an ron̄jake elmen an Irooj en̄jake ke Hyrum Smith eaar kālet n̄an kōm̧m̧an em̧m̧an. Elmen an Jisōs en̄jake n̄e jej kajjieon̄ kōm̧m̧ani men ko rem̧m̧an?

• Leļo̧k n̄an ajri ro juōn peba jōkjōkin bōro, im kajjitōk ippāer n̄an jin̄aik er make aer kōm̧m̧ani men ko rem̧m̧an. Karuwaineneik er n̄an kwaļo̧k ta eo raar jin̄aiki ippen kūlaaj eo. Ekōjkan ad en̄jake elan̄e jej kōm̧m̧ani men ko rōm̧m̧an? Kam̧ool bwe Jisōs ej m̧ōņōņō n̄e jej kajjieon̄ kōm̧m̧ani men eo ejim̧we.

• Al juon al kōn kōm̧m̧ani men ko rejim̧we me Jisōs ekōņaan bwe jen kōm̧m̧ani, āinwōt “Jesus Wants Me for a Sunbeam” (Children’s Songbook, 60–61).

Katak im Bujen Ko 124:28–29, 39

Jisōs ej kean̄ armej ro An n̄an kalōk tampeļ ko.

Tampeļ ko aolep iien ewōr m̧ōttan karōk eo an Jemedwōj Ilan̄ n̄an ro nejin. Meļeļe men in enaaj jipan̄ ajri ro kwoj katakin imminene kōn tampeļ.

Makūtkūt ko Maron̄ Kōm̧m̧ani

• Jipan̄ ajri ro meļeļe bwe n̄e ro Rekwojarjar raar lo juon em̧ kāāl ilo Nauvoo, Irooj eaar ba n̄an er n̄an kalōk juon tampel (lale “Jebta 50: Ro Rekwojarjar ilo Nauvoo” Bwebwenato ko ilo Katak im Bujen Ko, 183–84, ak pija ko ilo ChurchofJesusChrist.org). Karuwaineneik ajri ro n̄an katen wōt n̄e rej kalōk juon tampeļ.

• Riit ippān ajri ro naan in: “Mweo Im̧ō ekwōjarjar, eo me armej ro Aō iien otemjej jiron̄ er n̄an kalōk n̄an Eta ekwōjarjar” (Katak im Bujen Ko 124:39). Kōtļo̧k bwe ajri ro ren kotak juon pijain juon tampeļ etto, (lale Gospel Art Book, no. 52 ak peij in m̧akūtkūt eo an wiik in) im juon pijain juon tampeļ ilo eria eo am. Kōmeļeļeik bwe Jemedwōj Ilan̄ im Jisōs Kraist raar aolep iien kakie armej ro Aer n̄an kalōk tampeļ ko—iien ko etto im raan kein. Kwaļo̧k naan im eoon ko jān Katak im Bujen Ko 124:28–29 n̄an jipan̄ ajri ro meļeļe etke Irooj ekōņaan bwe jen kalōk tampeļ ko.

• Karuwaineneik ajri ro n̄an kadedeļo̧k peij in m̧akūtkūt eo an wiik n̄an jipan̄ er meļeļe bwe jej armej ro eo Anij im bwe armej ro an Anij iien otemjej kar kakien n̄an kalōk tampeļ ko.

Katakin Katak Ko: Ajri ro Rerūttoļo̧k

Katak im Bujen Ko 124:12–21

Irooj ej kōjeraam̧m̧an eō n̄e ij tiljek.

Ilo jākjōn 124, Irooj eaar kakien jet iaan ro Rekwojarjar n̄an kōn aer tiljek. Naan ko An remaron̄ jipan̄ ajri ro kile em̧m̧an ko rej aikuj eddōkļo̧k ie.

Makūtkūt ko Maron̄ Kōm̧m̧ani

• Kālet jet iaan em̧m̧an ko kwaļo̧ki ilo Katak im Bujen Ko 124:12–21, im je ioon bo̧o̧t eo itōrerein pijain Rilo̧mo̧o̧r. Kajjitōk ippān ajri ro n̄an pukot eoon ko 12–21, pukot naan ko. Jipan̄ er meļeļe naan ko me remaron̄ jab jeļā kaki. Ekkar n̄an eoon kein, elmen an Irooj en̄jake kilen kōļapļo̧k em̧m̧an kein?

Katak im Bujen Ko 124:28–30, 38–41

Jisōs ej kean̄ armej ro An n̄an kalōk tampeļ ko.

Ajri ro kwoj katakin er enaaj bwe aer rūtto n̄an etal n̄an tampeļ im bōk kuņaer ilo kain̄i ko an tampeļ. Ta eo komaron̄ kōm̧m̧ane n̄an jipan̄ er keppopo?

Makūtkūt ko Maron̄ Kōm̧m̧ani

• Pinej juon pija ak jin̄ain juōn tampeļ. karuwaineneik ajri ro n̄an riiti Katak im Bujen Ko 124:38–41 n̄an kalikkar ta pija eo. Kōtļo̧k an ajri ro jab pinej pija eo im kōnono kake ta eoon kein rej kōnono kake etke Irooj ekōņaan bwe jen kalōk tampeļ ko.

• Karuwaineneik ajri ro n̄an riit Katak im Bujen Ko 124:28–30 n̄an lale unin an Irooj kar leļo̧k bwe Josep Smith en kalōk Nauvoo Tampeļ. Kwaļo̧k en̄jake ko am kōn tampeļ im jabdewōt en̄jake ko kwomaron̄ kar kōm̧m̧ani n̄an peptaij kōn ro remej. Jipan̄ ajri ro ewi jon̄an rōtteer im renaaj kōm̧m̧an peptaij n̄an remej ilo tampeļ.

• Eļan̄n̄e ewōr juon am peba in mālim an tampeļ, kwaļo̧k n̄an ajri ro, ak karuwaineneik jodikik ro ilo ward eo n̄an kwaļo̧k n̄an ajri ro peba in mālim an tampeļ. Ba n̄an ajri ro unin an juon peba in mālim n̄an deļo̧n̄e tampeļ aorōk im ta eo jej aikuji n̄an bōk juon. Rōjan̄ er n̄an jino keppopo kiiō n̄an bōk make aer peba in mālim n̄an deļo̧n̄e tampeļ.

  

  Josep Smith ilo Nauvoo Tampeļ, jān Gary E. Smith

Katak im Bujen Ko 124:91–92

Kōjeraam̧m̧an an petriak emaron̄ jipan̄ letok n̄an eō tōl.

Eļan̄n̄e kwaar bōk juon kōjeraam̧m̧an an petriak, riiti n̄an ajri ro kōn kōjeraam̧m̧an kein. Etke kwoj kam̧m̧oolol kōn kōjeraam̧m̧an in petriak eo am? Kwonaaj ke im̧we ajri ro n̄an keppopo n̄an bōk ko aer?

Makūtkūt ko Maron̄ Kōm̧m̧ani

• Karuwaineneik juōn iaan ajri ro n̄an riiti Katak im Bujen Ko 124:91–92, im karuwaineneik kūlaaj eo n̄an ron̄jake ta eo Irooj eaar kūr Hyrum Smith n̄an kōm̧m̧ane. Ta eo ajri ro rejeļā kake kōn kōjeraam̧m̧an ko an petriak? Eļan̄n̄e kwaar bōk juon kōjeraam̧m̧an an petriak, kwaļo̧k n̄an ajri elmen jekjekin. (Keememej bwe kobban kōjeraam̧m̧an in petriak eo am rekwojarjar). Kōmeļeļeik bwee kōjeraam̧m̧an ko an petriak rej kōjeraam̧m̧an ko raorōk jej būki jen petraik ro. Kōjeraam̧m̧an kein remaron̄ jipan̄ kōj jeļā eļapļo̧k kōn kōj make im ta eo Jemedwōj Ilan̄ ekōņaan bwe jen kōm̧m̧ane.

• Ļōmņak in karuwaineneik m̧am̧a ak baba eo ak jein ak jatin ajri ro kwoj katakin n̄an kwaļo̧k n̄an kūlaaj eo etke rej kam̧m̧oolol kōn kōjeraam̧m̧an in petriak eo aer. Kajjitōk ippāer n̄an kwaļo̧k elmen aer kar ļōmņak in bōk kōjeraam̧m̧an eo aer. Kwaļo̧k naan in kam̧ool eo am̧ kōn kōjeraam̧m̧an ko an petriak.

Kōketak Ekkatak ilo M̧weo

Karuwaineneik ajri ro n̄an kwaļo̧k n̄an baam̧le eo juon iaan men eo ekar ekkatak kōn tampeļ im etke rekōņaan etal n̄an tampeļ juon raan.

Kōkōm̧anm̧anļo̧k Ad Katakin

Ajri ro remaron̄ kile im̧we eo an Jetōb. Katakin ajri ro bwe en̄jake in aenōm̧m̧an, iakwe, im okmāneen eo im rej en̄jake ilo aer kōnono ak al kōn Jisōs Kraist im gospel eo An ej itok jān Jetōb Kwojarjar. En̄jake kein remaron̄ kalōk naan in kam̧ool ko ad.