4–10 Septanm.

1 Korentyen 14–16

“Bondye pa yon Bondye Konfizyon, men l se yon Bondye Lapè”

Pandan w ap li 1 Korentyen 14–16la, Sentespri a ap ede w konn kisa pou w anseye timoun nan klas ou yo. Repase plan leson sa a pou w ka jwenn ide adisyonèl.

Envite Pataj

Ou gen dwa kòmanse leson semèn sa a avèk lekti 1 Korentyen 14:26 la fò. Fè remake ke lè nou reyini nan legliz la, nou ka edifye (oubyen fòtifye ak ede lòt) lè nou pataje sa nou aprann. Mande timoun yo kisa yo ka pataje pou edifye yon moun nan klas la jodia.

Anseye Doktrin nan: Timoun Ki Pi Piti yo

1 Korentyen 15:12–22

M ap ka viv avèk Pè Selès la apre m fin mouri paske Jezikri te resisite.

Kijan w ka anseye timoun nan klas ou yo ke, paske Jezikri te resisite, nou ka viv ankò.

Aktivite Posib

• Repete fraz sa a plizyè fwa avèk timoun yo: “Nan Kris la tout moun ap reviv” (1 Korentyen 15:22). Montre foto Sovè resisite a (gade plan leson semèn sa a nan Vini, Suiv Mwen—Pou Moun yo ak Fanmi yo) oubyen pase video “Jezi Resisite a” nan (ChurchofJesusChrist.org). Eksplike ke nou tout ap gen pou n mouri yon jou, men, paske Jezi te resisite, nou tout ap retounen a lavi apre nou fin mouri.

• Montre timoun yo yon manto, ki reprezante kò fizik nou. Lè nou vivan, espri nou nan kò nou, epi kò nou ka bouje (mete manto a sou ou). Lè nou mouri, espri nou kite kò fizik nou, epi kò a pa ka bouje ankò (retire manto a epi mete l sou yon tab oubyen sou yon chèz pou reprezante yon kò ki san espri li). Lè nou resisite, espri nou retounen nan kò nou (mete manto a sou ou ankò), epi yo p ap janm separe ankò. Fè timoun yo mete manto a youn apre lòt epi retire l pandan yon lòt ap eksplike kisa k pase lè nou resisite.

1 Korentyen 15:29

M ka batize pou moun ki mouri.

Pandan timoun yo ap prepare pou pwòp batèm pa yo, konsidere kijan w ka ede prepare yo pou opòtinite pou yo batize pou mò yo.

Aktivite Posib

• Ede yo panse a kèk bagay yo pa ka fè pou tèt yo. Kiyès ki ede yo fè bagay sa yo? Montre foto youn nan zansèt ou yo ki te mouri san l pa t batize. Pale timoun yo de moun sa a, epi eksplike ke moun sa a bezwen èd nou pou l batize.

• Mande yo si yo gen manm nan fanmi yo ki konn al nan tanp pou fè batèm pou mò. Montre foto sal batèm yon tanp. Mande yo si yo konn kisa ki pase ladan l. Eksplike yo ke nan tanp lan nou ka batize pou moun ki te mouri san yo pa t batize. Apresa, moun sa yo ka chwazi si y ap aksepte batèm nan.

1 Korentyen 15:40–41

Pè Selès la vle m viv avèk li nan wayòm selès la.

Kijan w ka anseye timoun yo sou wayòm selès, terès, ak telès? Aktivite sa yo ka ede.

Aktivite posib

• Ekri selès, terès, ak telès, sou tablo a. Ede timoun yo aprann di mo sa yo.

• Montre yo foto solèy, lalin, ak zetwal. Envite yo pou yo mete yo nan lòd, sa ki briye plis la anvan sa k briye mwens la. Li 1 Korentyen 15:40–41 pou timoun yo (gade Tradiksyon Joseph Smith nan vèsè 40, referansatou). Eksplike yo ka solèy la, lalin nan, ak zetwal yo reprezante wayòm nou ka viv apre nou fin resisite. Nan wayòm selès la, nou ka viv avèk Pè Selès la.

• Bay timoun yo yon kopi paj aktivite semèn sa a pou yo kolorye. Pandan y ap kolorye a, pataje avèk yo sa w santi apwopo Sovè a ak sa L fè pou rann posib pou nou viv avèk Pè Selès la ankò.

“Laglwa solèy la se youn” (1 Korentyen 15:41).

Anseye Doktrin nan: Timoun Ki Pi Gran yo

1 Korentyen 15:12–22

Gras ak Jezikri ak Rezirèksyon l lan, m ap resisite.

Èske timoun w ap anseye yo konprann enpòtans Rezirèksyon Jezikri a? Ide sa yo ka ede.

Aktivite posib

• Envite yo pou yo pran tou pa yo pou li vèsè ki nan 1 Korentyen 15:12–22yo, pandan y ap chèche repons pou kesyon “Kisa k t ap pase si pa t gen rezirèksyon?” an.

• Envite yo pou yo jwe wòl sou fason pou eksplike yon moun rezirèksyon an. Pou ide, yo ta ka repase yon kantik sou Rezirèksyon Sovè a, tankou “Jésus est-il ressuscité?” (Chants pour les enfants, 45). Gade videyo “Until We Meet Again” nan tou nan (ChurchofJesusChrist.org). Rann temwayaj ou konsènan Rezirèksyon Kris la.

1 Korentyen 15:12–13, 20–22,29

M ka prepare pou m ale nan tanp pou m fè batèm pou mò yo.

Batèm pou mò yo se yon bèl travay plen lajwa ak lanmou pou zansèt nou ki mouri yo. Kijan w ka ede timoun yo prepare pou yo patisipe nan travay sa a?

Aktivite Posib

• Li 1 Korentyen 15:29. Kisa Sen nan epòk Pòl yo te konn fè ke nou fè tou jodia? Mande timoun yo poukisa nou batize pou mò yo. Si nesesè, eksplike yo ke anpil nan zansèt nou yo pa t gen opòtinite pou yo te batize ak konfime nan lavi sa a. Nan tanp lan, nou ka batize ak konfime pou yo.

• Kèlke jou anvan klas la, mande paran youn nan timoun yo pou l vini prepare pou pale de ab jeneyalojik li, oubyen pou l rakonte yon istwa sou yon zansèt. Ou gen dwa pale de zansèt pa w tou.

• Envite yon manm nan episkopa a pou l pataje kèk bagay timoun yo ka fè pou yo ka rete diy pou yo antre nan tanp. Mande timoun yo pou ajoute ide pa yo. Envite yo pou yo fikse bi pou yo al nan tanp yon jou.

1 Korentyen 15:40–41

Apre m fin resisite, m ap ka viv nan wayòm selès la.

Pou l te anseye Korentyen yo sou kò n ap resevwa nan Rezirèksyon an, Pòl te mansyone twa degre laglwa: selès, terès, ak telès.

Aktivite posib

• Li 1 Korentyen 15:40–41 epi envite yon timoun pou l desine yon solèy, yon lalin, ak yon zetwal sou tablo a. Mande manm klas yo pou yo idantifye ki kalite kò resisite chak desen reprezante.

• Chante yon kantik sou tanp ansanm, tankou “Je demeure dans un temple” (Chants pour les enfants, 73). Oubyen pase video “Our Eternal Life” la (ChurchofJesusChrist.org Kisa kantik la oubyen video sa a anseye nou sou prepare pou n al viv nan wayòm selès la?

• Eksplike ke Joseph Smith te fè yon vizyon kote l te wè twa wayòm ki te koresponn avèk kò Pòl dekri yo. Ede timoun yo jwenn fraz nan Doktrin ak Alyans 76:50–53, 70; 76:71–79; 76:81–82 ki dekri twa wayòm sa yo.

Ankouraje Aprantisaj Lakay

Envite timoun yo pou yo mande paran yo pou rakonte yo yon istwa sou youn nan zansèt yo. Yo gen dwa pataje istwa a avèk klas la nan semèn apre a.

Amelyore Ansèyman Nou

Ankouraje timoun yo pou yo poze kesyon. “Fè efò pou w konsidere kesyon [timoun yo] kòm opòtinite, non pa kòm distraksyon oswa obstak pou leson w lan. … Kesyon sa yo ba w ide valab sou sa timoun yo ap panse, sou ki pwoblèm yo genyen, ak kijan y ap reyaji pa rapò a bagay y ap aprann yo. Ede yo wè ke yo ka jwenn repons pou kesyon yo genyen yo nan ekriti yo ak nan pawòl pwofèt vivan yo” (Anseye nan Fason Sovè a, 25–26).