13–19 nō Novema

Iakobo

« ’Ei feiā rave ho’i ’outou i te parau nei, ’eiaha ’ei feiā fa’aro’o noa »

E rave rahi parau mau i roto i te Episetole a Iakobo ’o tē nehenehe e ha’amaita’i i tā ’oe mau pīahi. E peʼe i te Vārua nō te faʼaoti e aha te mau parau mau tā ’oe e faʼaʼite atu ia rātou. E nehenehe te mau manaʼo i roto i teie arata’i ha’api’ira’a e tauturu.

Tītau i te mana’o

E ani i te mau tamariʼi ʼia faʼaʼite mai i te hōʼē parau tumu nō te ʼevanelia tā rātou i haʼamanaʼo i te haʼapiʼiraʼahia mai e tō rātou ʼutuāfare i te hepetoma i maʼiri aʼenei ʼaore rā i roto i tā rātou piha Paraimere i te Sābati i maʼiri aʼenei. I muri aʼe i tō te mau tamariʼi fa’a’itera’a mai i tō rātou mana’o, e ani i te tahi atu tamariʼi i roto i te piha ʼia haʼapoto mai i te mea tei faʼaʼitehia mai.

Ha’api’i i te ha’api’ira’a tumu : Te mau tamari’i ’āpī

Iakobo 1:5–6

E nehenehe au e ani i tō tātou Metua i te ao ra ʼia tauturu mai iāʼu ʼia haʼapiʼi mai i te parau mau.

E tauturu i tā ’oe mau pīahi ’ia taʼa ē, e nehenehe tā rātou e fāriu atu i tō tātou Metua i te ao ra nō te ani i te paʼari. E haʼamaitaʼi rahi te reira ia rātou ’ia faʼaruru anaʼe rātou i te mau uiraʼa fifi.

Te mau ’ātivite e au

• E tauturu i te mau tamariʼi ʼia fa’ahiti fa’ahou i te pereota « tē ’ere ra rā te hō’ē o ’outou i te ’ite, e ani ’oia i te Atua ra » (Iakobo 1:5). Nāhea tātou i te ui i te mau uiraʼa i te Atua ? Nāhea ʼoia i te pāhono mai ia tātou ?

• E fa’a’ite i te hōho’a nō te Ōrama mātāmuaBuka hōho’a nō te ’evaneliaN°90), ’e ’aore rā, e fa’a’ite i te video « Joseph Smith’s First Vision [Te ’ōrama mātāmua a Iosepha Semita] » (ChurchofJesusChrist.orgChurchofJesusChrist.org). E fa’ata’a ’ua nāhea te tai’ora’a i te Iakobo 1:5 i te tūra’ira’a ia Iosepha Semita ’ia ani i tō tātou Metua i te ao ra ’ia tauturu iāna nō te hō’ē uira’a (hi’o Iosepha Semita—’Ā’amu 1:1–20). E faʼaʼite atu i tō ’oe ʼiteraʼa pāpū ē, e pāhono mai te Atua i te mau pure, ʼe e faʼaʼite pāpū atu ē, e nehenehe te mau tamariʼi e pure atu iāna mai te mea e uiraʼa tā rātou. E vaiiho i te mau tamariʼi ’ia pāpaʼi i tā rātou iho mau hōhoʼa nō Iosepha Semita e taiʼo ra i te Iakobo 1:5 ʼe tē pure ra i tō tātou Metua i te ao ra.

Iakobo 3: 1–13

E nehenehe au e paraparau ma te hāmani maita’i.

Mai tā Iakobo i faʼaʼite pāpū mai, te haʼapiʼiraʼa ’ia parau i te mau mea maitaʼi anaʼe i ni’a ia vetahi ʼē e tauturu te reira ia tātou ’ia riro mai ia Iesu Mesia ra te huru (hiʼo Iakobo 3:2).

Te mau ’ātivite e au

• Fa’a’ite i te hōho’a nō te hō’ē mea monamona ’e te hō’ē mea ava’ava. E tauturu atu i te mau tamari’i ʼia taʼa ē, tē ani mai nei tō tātou Metua i te ao ra ia tātou ’ia fa’a’ohipa i tō tātou arero nō te parau i te mau mea monamona (ʼaore rā maitaʼi) ʼeiaha rā i te mau mea ʼavaʼava (’aore rā maitaʼi ʼore) (hiʼo Iakobo 3:10). E tauturu ia rātou ʼia feruri i te mau hi’ora’a nō te mau mea maitaʼi ’o tā tātou e parau atu ia vetahi ʼē.

• E hōro’a atu i te tamariʼi tāta’itahi te hō’ē hōho’a pāpū nō te hōʼē taʼata e paraparau ra. E ani i te mau tamariʼi ʼia ’āfaʼi i te hōhoʼa i niʼa ’ia parau anaʼe ’oe i te tahi mea maitaʼi ’o tā tātou e rave nā roto i te mau parau (mai te parauraʼa i te parau mau, te parau ha’apoupou ʼe te pūpūra’a i te tauturu ia vetahi ’ē) ʼe ʼia tuʼu i te hōho’a i raro ’ia parau anaʼe ’oe i te tahi mea eʼita e tiʼa ia tātou ’ia fa’ahiti i tō tātou arero (mai te parau haʼavare, te parau faʼaoʼō’o i te tahi atu mau taʼata ʼe te pātoʼiraʼa i te ha’apa’o i te parau a te metua).

• E haʼapūai fa’ahou i te poroʼi a Iakobo 3:1–13 nā roto i te hīmene-’amui-ra’a i te hō’ē hīmene nō ni’a i te hāmani-maitaʼi-raʼa, mai te hīmene « Soyons gentils » (Chants pour les enfants, 83).

Iakobo 5: 7–11

E tītau te mau ha’amaita’ira’a a te Atua i te fa’a’oroma’i.

Eʼita te faʼaʼoromaʼi e tupu noa mai mai terā noa, nō te mau tamariʼi iho ā rā. E feruri e nāhea ’oe e faʼaʼohipa ai i te aʼo a Iakobo nō te tauturu i tā ’oe mau pīahi ’ia haʼapiʼi i te faʼaʼoromaʼi.

Te mau ’ātivite e au

• E tauturu i te mau tamariʼi ’ia feruri i te mau taime ’a tītauhia ai ia rātou ʼia tīaʼi i te tahi mea tei hinaʼaro-mau-hia e rātou. ’A fa’a’ite i te hō’ē ’ohipa i tupu ē ’ua tītauhia ia ’oe ’ia tīa’i. E haʼamāramarama atu ē, te tīaʼiraʼa i te tahi mea e hinaʼarohia e tātou ma te amuamu ʼore, e parauhia ïa te reira te faʼaʼoromaʼi.

• E haʼapoto i te Iakobo 5:7 nā roto i tā ’oe iho mau parau, ʼe e faʼaʼite i te hōhoʼa nō te hōʼē huero ʼaore rā hō’ē tumu rā’au iti. Nō te aha e tītauhia te faʼaʼoromaʼi ’ia faʼatupu anaʼe tātou i te rāʼau tanu ? E aha tē tupu mai te peu e tāmata tātou i te huti i te tumu rā’au iti nō te faʼatupu vitiviti aʼe i te reira ? E nehenehe ato’a ’oe e paraparau i te mau tamari’i nō ni’a i te aura’a ’ia fa’a’oroma’i ia vetahi ’ē ’e ia tātou iho. ’A fa’a’ite pāpū ē, e tauturu te Atua ia tātou ’ia ha’api’i mai i te fa’a’oroma’i.

• E faʼaʼite i te ʼāʼamu o Ioba, tei faʼahitihia i roto i te Iakobo 5:11ʼei hi’ora’a nō te faʼaʼoromaʼi (hiʼo « Iobai roto i Te mau ʼāʼamu nō te Faufaʼa Tahitoaore rā te video e tano i niʼa i te ChurchofJesusChrist.org ChurchofJesusChrist.org). E mea nāhea tō Ioba ha’amaita’ira’ahia nō te faʼaʼoromaʼiraʼa ?

Ha’api’i i te ha’api’ira’a tumu : Te mau tamari’i pa’ari a’e

Iakobo 1:5–6

E tauturu mai tō tātou Metua i te ao ra iāʼu ʼia haʼapiʼi mai i te parau mau mai te mea e ʼimi au i tāna tauturu.

tā ’oe mau pīahi, tau matahiti ri’i noa rātou i te ’āpī a’e ia Iosepha Semita ’a taiʼo ai ʼoia i te Iakobo 1:5 ’e ʼua faʼauruhia ʼoia ’ia ha’afātata atu i tō tātou Metua i te ao ra nā roto i te pure. E feruri e nāhea ’oe ʼia tauturu i tā ’oe mau pīahi ’ia pātu i tō rātou faʼaroʼo ē, e tauturu te Atua ia rātou ʼia ʼere anaʼe rātou i te paʼari.

Te mau ’ātivite e au

• E ani i te mau tamariʼi ’ia faʼatiʼa mai ia ’oe i te ʼāʼamu nō te ʼOrama Mātāmua a Iosepha Semita i roto i tā rātou iho mau parau (hiʼo Iosepha Semita—ʼĀʼamu 1:5–20e hiʼo atoʼa i te video « Te ʼOrama Mātāmua a Iosepha Semita » i niʼa i te ChurchofJesusChrist.org ChurchofJesusChrist.org). Nāhea te tai’ora’a i te Iakobo 1:5 i te tauturaʼa ia Iosepha ? E tauturu i te mau tamariʼi ʼia feruri i te tahi atu mau hi’ora’a o te mau taʼata i roto i te mau pāpaʼiraʼa moʼa tei fāriʼi i te hōʼē pāhonoraʼa i tā rātou mau pure, mai ia Nephi (hi’o 1 Nephi 11:1–6) ʼe te taeaʼe o Iareda (hi’o Etera 2:18–3:9). E aha te tahi mau mea tā tātou e ani i tō tātou Metua i te ao ra i roto i te pure ?

• E taiʼo ʼe te mau tamariʼi i te Iosepha Semita—ʼĀʼamu 1:10–14. E ani i te mau tamariʼi ’ia ʼimi i te mau mea tā Iosepha i rave nō te fāriʼi i te mau pāhonoraʼa i tāna mau uiraʼa. Nāhea tātou e peʼe ai i te hi’ora’a o Iosepha Semita mai te mea e mau uiraʼa tā tātou ?

Iakobo 1:22–27 ; 2:14–26

« Te faʼaroʼo ʼaore e ʼohipa e mea pohe ïa. »

Nāhea ’oe ’ia tauturu i te mau tamariʼi ’ia ʼite i te tūʼatiraʼa i roto i te mea tā rātou e tiʼaturi nei ʼe te mea tā rātou e rave ra ?

Te mau ’ātivite e au

• E faʼaʼite atu i te mau tamariʼi i te hōʼē mōrī pata ’aita rā e ʼōfaʼi uira, te hōʼē pēni tara ’aita rā e tara, ʼaore rā te tahi mea ʼē atu ’aita e faufaʼa ʼaore rā « e mea pohe. » E ani i te mau tamari’i ’ia tai’o i te Iakobo 2:14–17. E aha te faʼahōhoʼara’a o teie mau tao’a nō te parau mau i roto i teie mau ʼīrava ?

• E ani i te tahi mau tamari’i ’ia tai’o i tō rātou pae i te Iakobo 1:22–27 ’e vetahi ’ē ’ia tai’o i te 2:14–18. E ani ia rātou i muri iho ’ia faʼaʼite mai e aha tā rātou e nehenehe e rave nō te faʼaʼite ē, e mau tamariʼi rātou ’o tē rave nei i te parau. ’Ei hi’ora’a, tē nāhea ra rātou i te ha’apa’o i tā rātou fafaura’a nō te bāpetizora’a ? ’Ua mātau ānei rātou i te hō’ē ta’ata tei ma’ihia ’e ’aore rā e ōtahi ’o tā rātou e nehenehe e hāhaere ? Nāhea pa’i rātou e tāvini rahi atu ā ai i tō rātou ’utuāfare ? E nehenehe atoʼa ’oe e faʼahaʼamanaʼo atu ia rātou i te mau parau tā rātou i faʼaroʼo i roto i te pureraʼa ʼōroʼa i teie mahana. Nāhea tātou e riro ai ’ei feiā rave i teie mau parau ?

« ’Ua fa’aro’o Aberahama i te Atua » (Iakobo 2:23). Abraham on the Plains of Mamre [Aberahama i te fenua o Mamera], nā Grant Romney Clawson

Iakobo 3: 1–13

E nehenehe au e mā’iti e paraparau ma te hāmani maita’i.

E ʼere paha te mau parau tā tātou e parau nei i te tahi ʼe te tahi i te mea faufaʼa roa, terā rā, mai ia Iakobo i faʼaʼite pāpū mai, e nehenehe te reira mau parau e riro ʼei fa’aurura’a pūai, nō te maitaʼi ʼaore rā nō te ʼino.

Te mau ’ātivite e au

• Tē vai ra ānei te tahi taʼata i roto i te pāroita, pēnei aʼe te hōʼē o tā ’oe mau pīahi, tei ʼohipa i ni’a i te mau pua’ahorofenua ʼaore rā tei ʼite i te tahi mea nō niʼa i te mau poti ? E nehenehe ’oe e ani iāna ’ia hōroʼa mai i tōna mana’o nō niʼa i te mau haʼapiʼiraʼa a Iakobo i roto i te Iakobo 3:3–4 nō niʼa i te faʼaʼohiparaʼa i te mau parau maitaʼi. ’Aore rā e hōro’a i te tahi o tō ’oe iho mau mana’o. E aha tā tātou e ha’api’i mai nō ni’a i te haʼavīraʼa i tō tātou arero nā roto mai i teie mau hi’ora’a ?

• E ani i te mau tamariʼi ʼia taiʼo i te Iakobo 3:1–13 ʼe e pāpaʼi i te hōʼē hōhoʼa nō te tahi mea tā rātou i ʼite ’o tē haʼapiʼi nei nō niʼa i te haʼavīraʼa i tō tātou arero. E hōroʼa te taime ia rātou nō te faʼaʼite mai i tā rātou mau hōhoʼa ʼe te mea tā rātou i ʼapo mai. E hīmene ’āmui i te hō’ē hīmene nō ni’a i te fa’a’ohipara’a i te mau parau maita’i, mai te hīmene « ’Ia parau ha’amaita’i noa tātou » (Te mau hīmene, N°147).

• I muri aʼe i te taiʼo-’amui-raʼa i te Iakobo 3:1–13e taiʼo faʼahou i te mau ture nō te parau i roto i te Nō te Pūai o te Feiā ʼĀpībuka iti, 2011], 20–21 Tauturu i te mau tamari’i ’ia ha’amau i te hō’ē fā nō te ha’amaita’i i tā rātou huru paraparau ia vetahi ’ē, ’e e fa’aitoito ia rātou ’ia ani i tō tātou Metua i te ao ra ’ia tauturu ia rātou i roto i teie fā.

Fa’aitoito i te ha’api’ira’a i te fare

E ani i te mau tamari’i ’ia rave i te hō’ē mea i teie hepetoma nō te fa’a’ohipa i te mea tā rātou i ha’api’i mai i roto i te piha ha’api’ira’a, mai te purera’a i tō tātou Metua i te ao ra ma te uira’a ’aore rā te tāmatara’a ’ia fa’a’oroma’i atu ā. E ani ia rātou ʼia faʼaʼite mai i te ’ohipa i tupu nō rātou i te piha haʼapiʼiraʼa i muri nei.

Ha’amaita’i i tā tātou ha’api’ira’a

Tauturu i te mau tamari’i ’ia ha’a. « ’A ha’api’i ai ’outou i te mau tamari’i, ’a vaiiho ia rātou ’ia patu, ’ia pāpa’i hōho’a, ’ia fa’a’ū, ’ia pāpa’i, ’e ’ia hāmani. ’Ua hau atu teie mau mea i te mau ’ohipa ri’i ’ārearea noa—e mea faufa’a te reira nō te ’apora’a mai i te ha’api’ira’a » (Ha’api’ira’a mai tā te Fa’aora, 25).