26 ni Epereli–2 ni Me

Vunau kei na Veiyalayalati 45

“Ni Sa Vakayacori … Na Veika Kecega sa Yalataki”

Ni o vulica na Vunau kei na Veiyalayalati 45, vakasamataka na tikina cava, na nodra qaqanivosa na iliuliu ni Lotu, veika e sotavi, taro, kei na ivurevure tale eso sa rawa mo vakayagataka me vakavuvulitaki kina na ivunau. Ni o veivakavulici, sureti ira na lewe ni kalasi me ra vola na veivakauqeti era sa ciqoma ka cakava e dua na ituvatuva me ra cakacaka kina.

Vola na Veika o Vakauqeti Kina

Sureta na Veiwasei

Sa rawa ki na lewe ni kalasi mera vola ena dua na pepa tikidua na naba ni dua na tikina mai na Vunau kei na Veiyalayalati 45 e sa vakauqeti ira. Mo qai soqoni ira na pepa, digitaka eso, ka sureti ira na lewe ni kalasi a vola mera wilika na nodra tikina vei ira na kalasi ka wasea na vuna era a digitaka kina. Vakayaloqaqataki ira tale eso me ra wasea talega na nodra vakararamataki.

Vakavulica na iVunau

Vunau kei na Veiyalayalati 45:1–5

O Jisu Karisito Sa noda Dauveivakameautaki vei Tamada.

• E dua beka ena nomu kalasi e rawa ni vakamacalataka na cava e dau cakava e dua na dauveivakameautaki? Ena rawa ni veivuke ke me raici na ibalebale ni dauveivakameautaki ena dikiseniri. Ena kila oqo, me wilika na lewe ni kalasi na Vunau kei na Veiyalayalati 45: 3–5 ka mera veisasa. Era rawa ni wasea vei kedra isa e dua na vosa se malanivosa mai na veitikina oqo e vukei ira me ra kila na itavi nei Jisu Karisito ni sa noda Dauveivakameautaki vei Tamada. (Raica talega na 2 Nifai 2:8 – 9; Mosaia 15:7 – 9; Moronai 7:27 – 28; Vunau kei na Veiyalayalati 29:5; 62:1.) Sa rawa mo kerei ira na lewe ni kalasi me ra wasea na nodra nanuma me baleta na iVakabula ni sa nodra Dauveivakameautaki.

Vunau kei na Veiyalayalati 45:11–75

E sega ni gadrevi meda rerevaka na iKarua ni Lako Mai.

• O na vukei ira vakacava na lewe ni kalasi mera raica ruarua na ivakaro dodonu kei na yalayala nuitaki ena wase 45? Me vakaoqo, sa rawa ni o vola na iulutaga ena papa ni volavola Parofisai kei na Veivakalougatataki Yalataki ka rawa ni vola na lewe ni kalasi ena ruku ni ulutaga na ivakavuvuli era kunea ena Vunau kei na Veiyalayalati 45: 11-75. Na cava na vuna e vinakata kina na Turaga meda kila tiko e liu na veika oqo? Na cava e rawa ni da cakava meda ciqoma kina na kalougata sa yalataki tu?

• Sa rawa vei ira na lewe ni kalasi mera veiwasei ena ivakasala vakai ira ena sala mera nanamaki ka vakanuinui tiko ni ra sotava na veileqa lelevu sa parofisaitaki oti tu mai ena noda gauna oqo (me vaka na kena era vakamacalataki tiko ena Vunau kei na Veiyalayalati 45:11–75). Me vukei ira na lewe ni kalasi mera nanamaki tiko ki na iKarua ni Lako Mai ena vakabauta ka sega ena rere, mo vakaraitaka na vidio “Mens Hearts Shall Fail Them” (ChurchofJesusChrist.org). Ena ituvaki cava era sa kani yatedra kina na tamata ena noda gauna oqo? (raica na tikina e 26). Na ivakasala cava e solia o Peresitedi Nelson ena vidio oqo me vukei keda ni da sotava na veika rerevaki ena vakacegu?

Vunau kei na Veiyalayalati 45:31–32

Mo “tudei tu ena veivanua tabu,” ka mo kakua ni yavalati.

• Era gadreva tiko beka na lewe ni kalasi mera wasea na nodra vakararamataki ena sala era sa segata tiko mera “tudei tu ena veivanua tabu,” me vaka a vakasalataka na Turaga ena Vunau kei na Veiyalayalati 45:31–32. Eda na bulia rawa vakacava eso na veivanua tabu ena noda bula? Na itukutuku e tiko ena “iKuri ni iVurevure” kei na vidio “Stand Ye in Holy Places — Bloom Where You’re Planted” (ChurchofJesusChrist.org) e rawa ni kuria na veivakararamataki ena veivosaki oqo.

  

  Vosa Vakatautauvata ni Tini na Goneyalewa, mai vei Dan Burr.

iKuri ni iVurevure

“Tudei tu ena veivanua tabu.”

E vakavulica o Sisita Ann M. Dibb, e dua na lewe ni Mataveiliutaki e liu ni Goneyalewa Raraba, ni ivakasala meda tudei tu ena veivanua tabu ka kakua ni yavalati rawa “e vakamacalataka ni da rawata kina na veitaqomaki, kaukauwa, kei na vakacegu ena gauna ni veilecayaki.” Ena nona raica ni veivanua tabu vakaoqo sa oka kina na noda veivaletabu, valenilotu, kei na itikotiko, a kaya o koya ni “rawa vei keda yadua meda kunea e vuqa tale na veivanua.” A tomana:

“Meda vakasamataka mada na vosa na vanua me vaka e dua na itikotiko se ituvaki vakavanua. Ia, e dua na vanua e rawa ni ‘dua na ituvaki duatani, itutu, se na ituvaki ni vakasama’ [Merriam-Webster.com Dictionary, “vanua,” merriam-webster.com]. Kena ibalebale ni veivanua tabu e rawa talega ni okati kina na veitiki ni gauna— gauna ni vakadinadinataka vei keda na Yalo Tabu, na gauna ni da vakila na loloma nei Tamada Vakalomalagi, se gauna ni bula ni da sa ciqoma na isau ni noda masu. Vakalevu cake sara, au vakabauta ni dua ga na gauna o sa na yaloqaqa mo tutaka na ka e dina, vakabibi ena gauna e sega tale ni dua sa tu vakarau me cakava vakakina, o sa bulia kina e kea e dua na vanua tabu” (“Nomu Vanua Tabu,” Ensign se Liaona, Me 2013, 115).

Vakatorocaketaki Noda Veivakavulici

Mo dua na ivakadinadina bula Ni o bulataka tiko na ivunau o vakavulica tiko, o na rawa ni cavuta na nomu ivakadinadina e kaukauwa, ni sa ka dina. Na Yalo Tabu ena vakadeitaka na nomu ivakadinadina ki na yalodra na lewe ni nomu kalasi. Vakasamataka na ivakavuvuli o na vakavulica tiko ena macawa oqo kei na macawa e tarava. Ena rawa vakacava mo bulataka cake vakataucoko? (Raica na Veivakavulici ena iVakarau ni iVakabula, 13–14.)