Ra kei Amerika , mai vei Al Rounds

11–17 ni Okotova

Vunau kei na Veiyalayalati 115–120

“E na Ka Tabu Cake Vei Au na Nona Solibula mai na Veika e Rawata”

Ni ko vakavakarau mo veivakavulici, mo nanuma tiko ni nomu inaki bibi sa ikoya mo vukei ira tale eso me ra tara cake na nodra vakabauti Jisu Karisito.

Vola na Veika o Vakauqeti Kina

Sureta na Veiwasei

Ni bera ni ko na veivosaki me baleta na ivakavuvuli mai na wase 115–20 ka vakaibalebale dina sara vei iko, kerei ira na lewe ni kalasi me ra wasea na veika e vakaibalebale vei ira. Me kena ivakaraitaki, e rawa ni o sureti ira na lewe ni kalasi me ra vakacavara na iyatuvosa oqo: “Au vakavinavinaka niu wilika na wase e 115–20. baleta… ”

Vakavulica na iVunau

Vunau kei na Veiyalayalati 115:4–6

Na Lotu i Jisu Karisito ni Yalododonu Edaidai e i tataqomaki ka ivakaruru.

• Rawa ni ra vakasaqara na lewe ni kalasi na itukutuku nei Peresitedi Russell M. Nelson “Na Yaca Dodonu ni Lotu” (Ensign se Liaona, Nove. 2018, 87 – 90) me veivakararamataki ka vukei ira me ra kila na tikina e 4 –6. Na cava na vuna e bibi kina me ra na vakayagataka na yaca dodonu ni Lotu?

• Ni oti na wiliki vata ni Vunau kei na Veiyalayalati 115:4–6, e rawa ni ra veivosakitaka na lewe ni kalasi se a yaco vakacava mera vaka e dua na rarama, se na dua na ivakatagedegede na Lotu kei ira na lewena. O rawa ni vakaraitaka kina e dua na iyaloyalo ni dua na valenicina ena gauna ni dua na cava ka kerei ira na lewe ni kalasi se semati vakacava na itaba oya ki na itukutuku ena tikina e 5–6. Sa yaco vakacava me vakasoqoni vata “ko Saioni, kei … na kena vei iteki” me solia vei iko na “ivakaruru mai na cava”? (tikina e 6).

  

  Eda rawa ni caudre me vaka na cina ka meda vukei ira kina eso mera mai vakarurugi ena loma ni Lotu.

Vunau kei na Veiyalayalati 117

Sa ka tabu vua na Turaga na noda solibula.

• Sureti ira na lewe ni kalasi mera raitayaloyalotaka ni ra sai Niueli K. Witini se na watina, o Elisapeci, erau a taukena e dua na sitoa ka cici vinaka sara e Kirtland ka rau a kerei mai vua na Turaga me rau biuta na nodrau iyau ka toki ki Missouri. Mera qai wilika sara na tikina e 1–11 ka wasea e dua na ka e kaya na Turaga ka na vukei ira mera vakayacora na solibula oqo.

• Na iyaloyalo ena rawa ni vukei ira na lewe ni kalasi mera vakasamataka na “ka somidi” eda kocova ena so na gauna ka sega na “veika bibi” (tikina e 8). Vakasamataka mo vakaraitaki na iyaya eso me vaka e dua na turu ni wai kei na dua na tavaya wai se dua na jokeliti lailai kei na dua na kena ka levu E rawa ni ra vakasamataka na lewe ni kalasi na ivakaraitaki tale eso. O rawa talega ni vola na ka somidi kei na veika e bibi ena vava ni volavola ka kerei ira na lewe ni kalasi mera vola na ivakaraitaki ni veika eda na gadreva beka “me da laiva me lako” (tikina e 5) me da rawata kina na loma ni Kalou “vakalevu sara” (tikina e 7).

• Kevaka era sotava na lewe ni kalasi e dua na veivakauqeti ni rawilika tiko na vosa ni Turaga me baleti Oliva Qerenija mai na tikina e 12–15, sureti ira me ra wasea. Na cava beka e ka tabu kina vua na Turaga na noda solibula mai na veika eda rawata?

Vunau kei na Veiyalayalati 119–20

Ena saumi ni ikatini, eda sa veivuke ena kena tara ka “vakatabui kina na vanua ko Saioni.”

• Vakasamataka mada na kaukauwa vakayalo e rawa ni lako mai vei ira na lewe ni kalasi mera wasea vakai ira na veikalougatataki era sa ciqoma mai na talairawarawa ki na lawa ni ikatini. Era rawa talega ni wilika na Vunau kei na Veiyalayalati 119;6 ka veitalanoataka ni lawa oqo e na rawa ni “vakatabui kina na vanua ko Saioni” ka yaco na noda tabanalevu se tabana me “Saioni vei [keda].” Sa rawa talega me ra wilika na Malakai 3:8–12 me ra raica na veivakalougatataki sa yalataka tu na Turaga ena nodra saumi ikatini.

• Ke tiko na nodra taro na lewe ni kalasi me baleta na gaunisala e vakayagataki kina na ikatini, sa rawa ni o sureti ira mera wilika na wase 120 kei na ivakamacala ena “Ikuri ni iVurevure.” (O Elder David A. Bednar e solia tale ga e dua na ivakamacala me veivuke ena “Na Katuba ni Lomalagi” [Ensign se Liaona, Nove. 2013, 19–20].) Eda na vukei ira vakacava eso tale me vakatuburi na nodra vakabauta na lawa ni ikatini ni Turaga ?

iKuri ni iVurevure

Na Matabose e na Veiwaseyaki ni iKatini.

E vakavulica o Elder Robert D. Hales:

“Me vaka sa vakatakilai mai vua na Turaga, na vakayagataki ni ikatini ena vakataulewataki mai na matabose era lewena na Mataveiliutaki Taumada, na kuoramu ni iApositolo Le Tinikarua, kei na Matabisopi Vakatulewa. E tukuna sara ga na Turaga ni cakacaka ni matabose e na liutaki ‘ena domoqu koi au vei ira’ [Vunau kei na Veiyalayalati 120:1]. Na matabose oqo e vakatokai na Matabose e Veiwaseyaka na iKatini.

“E ka talei me vakadinadinataki ni matabose oqo e rogoca na domo ni Turaga. O ira na lewe ni bose yadua era sa kila ka vakaitavi ena vakatulewa kece ni matabose. E sega ni dua na vakatulewa ena vakabau me yacova ni sa duavata na matabose. E vakayagataki taucoko na ilavo ni ikatini me baleta na inaki ni Lotu, wili kina na welefea—veiqaravi vei ira na dravudravua kei na vakaloloma—na valetabu, na vale kei na vakavinakataki ni valenilotu, na vuli, lewenivuli—me kena ivakalekaleka ga, na cakacaka ni Turaga. …

“…Au wasea na noqu ivakadinadina me baleta na Matabose e Veiwaseyaka na iKatini. Au sa lewena tu mai na matabose oqo me 17 na yabaki, vaka-Bisopi Vakatulewa ni Lotu kei na gauna oqo me vaka e dua na lewe ni kuoramu ni iApositolo Le Tinikarua. E sega ni vakataratututaki, ni ilavo ni katini ni Lotu oqo a vakayagataki me baleta na Nona inaki” (“iKatini: Vakatovolei ni Vakabauta ka Tawamudu na kena Kalougata,” Ensign se Liaona, Nove. 2002, 28).

Vakatoroicaketaki Noda Veivakavulici

Sureti ira na vuli mera veivakavulici vakai ira. “Ena vuqa na gauna, ena veiganiti me ra sureti na vuli me ra veivukei ena kena kunei na isau ni nodra taro. Ni o vakauqeti mai na Yalotabu, o na nanuma beka mo vakayacora oqo kevaka sara mada ga o nanuma ni o kila na kena isau” (Veivakavulici ena iVakarau ni Vakabula, 24).