O Keda vata kei Ira kei Ira vata kei Keda, mai vei Caitlin Connolly

1–7 ni Noveba

Vunau kei na Veiyalayalati 125–128

“E Dua na Domo ni Mamarau vei ira na Bula kei ira na Mate”

Vakasamataka vakatitobu na vosa oqo mai vei Elder Ulisses Soares: “Na qasenivuli vinaka duadua sai koya e dau ivakaraitaki vinaka talega. Ni da vakavulica e dua na ka eda bulataka dina, ena vukica na yalodra o ira eda vakavulica” (“Meu Kila Vakacava?” Ensign se Liaona, Me 2019, 7).

Vola na Veika o Vakauqeti Kina

Sureta na Veiwasei

Me ra qai vola ena vava ni volavola o ira na lewe ni kalasi na malanivosa mai na Vunau kei na Veiyalayalati,125–28 e lauti ira. Me ra qai wasea na nodra nanuma. E veivakauqeti vaka vakacava na vei dina era vulica ki na veika era vakayacora ena macawa oqo?

Vakavulica na iVunau

Vunau kei na Veiyalayalati 126

“Mo qarauna vakavinaka sara na nomu matavuvale.”

• Na veikacivi a ciqoma o Brigham Young me veiqaravi ena Lotu, e gadrevi kina o koya kei na nona matavuvale me ratou na solibula; na vosa ni Turaga vei Brigham ena i ka 126 ni wase e rawa ni vakauqeta e dua na veitalanoa ni kalasi me baleta na vuna e gadreva kina na Turaga na solibula e na noda veiqaravi ena so na gauna. Sa vukei keda vakacava na Turaga meda vakayacora na noda itavi e vale, ena veikacivi ni Lotu, kei na so tale na ivakarau ni bula ?

Vunau kei na Veiyalayalati 127:2–4

E rawa ni da vakararavi vua na Turaga ena loma ni gauna dredre.

• Ena veivuke vakacava na Vunau kei na Veiyalayalati 127:2–4 me vukei ira na lewe ni kalasi me ra vakila, vakataki Josefa Simici, ni ra qalo tiko ena “wai titobu”? Sa rawa mo sureti ira na lewe ni kalasi me ra wilika na veitikina oqo ka wasea na sala era na vakamacalataka vakalekaleka kina na veika e vakayacora o Josefa Simici me qarava kina na vei bolebole eso. Na malanivosa cava soti mai na veitikina oqo e rawa ni vukea e dua ka sotava tiko na veika dredre eso? A vakararavi vakacava vua na Turaga o Josefa ena gauna ni nona vakatovolei? E rawa vakacava ni da vakamuria na nona ivakaraitaki?

Vunau kei na Veiyalayalati 128

E ka yaga sara ki na noda vakabulai na nodra vakabulai na noda qase e liu.

• Vakasamataka e so na sala o rawa ni vakauqeti ira kina na lewe ni kalasi me ra vakaitavi ena cakacaka ni valetabu kei na tuva kawa. NaVunau kei na Veiyalayalati 128:15–18 e rawa ni vukei ira mera vakila na kena vakusakusataki na cakacaka oqo; e rawa ni o sureti ira mera vakasaqara e na veitikina oqo e dua na ka ka na torocake kina na nodra gagadre me ra vakayacora na papitaiso baleti ira na tubudra era sa takali yani. Na taro me vaka oqo ena rawa ni vukei ira mera vakasamataka vakatitobu na tikina eso oqo: Na cava na vuna “ke sega ko ira eda na sega ni vakavinavinakataki”? (tikina e15). Na cava na vuna e vakatoka kina o Josefa Simici me papitaiso ena vukudra na mate me ka “lagilagi duadua mai vei ira na ulutaga kecega e okati ki na kosipeli tawamudu”? (tikina e 17; raica talega na vosacavuti ena “Ikuri ni ivurevure”). Ena ituvaki cava e rawa meda na kaya kina ni na cudruvi na vuravura kevaka e sega ni dua na “isema veivauci ena kedra maliwa na tama kei ira na gone”? (tikina e 18). Kevaka era na gadreva na lewe ni kalasi na veivuke me tekivutaki na cakacaka ni tuva kawa, sa rawa mo sureta na iliuliu ni tuvakawa ni valetabu ni tabanalevu, me vakaveikilaitaki ira ki na FamilySearch.org.

  E rawa talega mo vakauqeti ira ena veitikina e vakaraitaka na reki e soli mai vei keda ni da vakayacora na cakacaka ni valetabu kei na tuvakawa, me vaka ena Vunau kei na Veiyalayalati 128:19–23. Na lewe ni kalasi e rawa ni ra wilika na veitikina oqo ka vakasaqara na malanivosa e vakaraitaka na veika a vakila Josefa Simici me baleta na nodra vakabulai na mate. Sa qai rawa mo kerei ira me ra wasea na veika era sotava ni ra a vakila na veika vata oya me baleta na cakacaka oqo. Na vakaraitaki ni dua na vidio ena “Ikuri ni ivurevure” e rawa tale ga me ra vakayaloqaqataki kina.

• Me baleta ni nodra vakabulai na mate e vakayacori duadua ga ena Na Lotu i Jisu Karisito ni Yalododonu Edaidai, eda na rawa ni sotava na madigi me vakamacalataka na ivunau oqo vei ira na tamata era se sega ni bau rogoca. Na lewe ni kalasi e rawa mera vakasaqaqara ena Vunau kei na Veiyalayalati 128 me baleta e dua na ka e rawa ni ra wasea ena dua na veivosaki vata kei na dua ka taroga me baleta na papitaiso ena vukudra na mate. Na cava e vakavulica vei keda na ivunau oqo me baleta na Tamada Vakalomalagi kei Jisu Karisito? Me vakatovotovotaka na cava era na kaya na lewe ni kalasi.

  

  Na vakayacori ni veiqaravi ena valetabu me baleti ira na noda qase e liu, e vauca na yaloda vei ira.

iKuri ni iVurevure

Vidio me baleta na cakacaka ni tuva kawa (ChurchofJesusChrist.org).

“Au Sega ni Vakamacalataka rawa na iTovo ni Yalo”

“Kevaka Meda sa Vakaliuca na Kalou”

“Na nodra Vueti na Mate e Sereki Au”

“Na Veisiko mai nei Tamaqu”

“Semati kina Matavuvale Tawamudu”

“Dauveivakasokumuni ena Matanitu”

“Oka kina o au”

“E Dua beka na Ka e Dredre vua na Turaga?”

“Na Veivakarautaki E lagilagi ka Totoka.”

E kaya vakaoqo o Peresitedi Gordon B. Hinckley:

“Na Veisorovaki nei Jisu ena vukudra na tamata kecega e matataka e dua na solibula cecere ni veisosomitaki. Sa vakarautaka o Koya na ivakarau me yaco kina me sa veisosomitaki me baleti ira na tamata kecega. Na ivakarau oqo ka cakacaka kina edua na tamata ena vukuna e dua tale, sa vakadewataki sobu mai ena cakacaka vakalotu ni nona vale na Turaga. Eke eda veiqaravi ena vukudra o ira era sa mate ka sega ni kila na kosipeli. Sa qai nodra na digidigi me ciqoma se biliga na cakacaka vakalotu ka sa vakayacori tiko. Era sa biu mera tautauvata kei ira era sa bula e vuravura. Sa soli talega vei ira sa mate na madigi vata ga sa soli vei ira era bula tiko. Dua tale, sa dua na veivakarautaki lagilagi ka totoka sa cakava na Kalou Cecere mai na nona ivakatakila vua na Nona na Parofita” (“Na Veika Cecere sa Vakatakila na Kalou,” Ensign se Liaona, Me 2005, 82–83).

Vakatorocaketaki Noda Veivakavulici

Masulaki ira nomu lewe ni kalasi. Masulaka na yacadra o ira o vakavulica, ka saga mo kila na nodra gagadre yadua. Ni ko ni vakayacora vakakina, na Tamada Vakalomalagi e rawa ni vukei iko mo kila na cava mo vakavulica me rawa ni vukea na kena sotavi na gagadre o ya. (Raica na Veivakavulici ena iVakarau ni iVakabula, 16