Xkomon chik li na’leb’

Lix k’ihaleb’ li k’anjeleb’aal a’in neke’tawman sa’ li aplicación Biblioteca del Evangelio, ut sa’ ChurchofJesusChrist.org.

Kim, Taaqehin—Choq’ reheb’ li komon ut li junkab’al

Naru neke’oksiman chixjunileb’ li k’anjel li neke’tawman sa’ li hu a’in choq’ re laa tzoleb’aal. Wi eb’ li komon ak xe’roksiheb’ li k’anjel a’in sa’ xtzolb’aleb’ li loq’laj hu xjuneseb’ malaj sa’ junkab’al, kanab’eb’ chixyeeb’al resil ut chixwotzb’al li na’leb’ xe’xtzol rik’in.

Eb’ li B’ich ut B’ichleb’aal choq’ reheb’ li Kok’al

Eb’ li loq’laj b’ich neke’xk’e xb’oqb’al li Musiq’ej ut neke’xk’ut li na’leb’ re naq ink’a’ taasachq chiqu. Wankeb’ li hu Eb’ li B’ich ut li B’ichleb’aal choq’ reheb’ li Kok’al, ut naru ajwi’ taatawmaq lix yaab’eb’ li b’ich ut li video reheb’ li b’ich ut reheb’ lix b’icheb’ li kok’al sa’ music.ChurchofJesusChrist.org ut sa’ li aplicación Música SUD.

Eb’ li hu re seminario ut instituto

Sa’eb’ li hu re seminario ut instituto natawman li na’leb’ ut li aatin chirixeb’ li na’leb’ li neke’tawman sa’eb’ li loq’laj hu. Naru ajwi’ te’xk’e aana’leb’ chirix li taak’ut sa’ li Dominkil Tzoleb’aal.

Li Liahona

Sa’eb’ li Liahona wankeb’ li seraq’ ut li kok’ k’anjel li neke’ru chatenq’ankil chixk’utb’aleb’ li na’leb’ li wankeb’ sa’ li Tzol’leb’ ut Sumwank.

Temas del Evangelio

Sa’ Temas del Evangelio (topics.ChurchofJesusChrist.org) naru taataw li aatin chirix junjunq li na’leb’ re li evangelio, ut nak’anjelak ajwi’ choq’ k’amol b’e re jalaneb’ chik li k’anjeleb’aal, jo’ li aatin reheb’ li jolomil ch’utub’aj-ib’, li tz’iib’anb’il aatin, eb’ li loq’laj hu, ut eb’ li video. Naru ajwi’ taataweb’ li Ensayos sobre Temas del Evangelio, li wan wi’ xsumenkileb’ li patz’om chirix li evangelio.

Predicad mi Evangelio

Sa’ li hu a’in choq’ reheb’ li misioneer wankeb’ chi ch’olob’anb’il li xb’eenil na’leb’ chirix li evangelio.

Choq’ re Xkawilaleb’ li Saaj

Sa’ li hu a’in yeeb’il resileb’ li chaq’rab’ re li Iglees li te’xtenq’aheb’ li saaj ut xkomoneb’ chik chi wank jo’ chaab’il xtzolom li Jesukristo. Us raj roksinkil chi kok’ aj xsa’, ut k’a’jo’ wi’chik wi yookat chixtzolb’aleb’ li saaj.

Eb’ li video ut li jalam-uuch

Eb’ li jalam-uuch, eb’ li video, ut xkomon chik li k’a’ru nak’utman neke’ru chixtenq’ankil laa junkab’al chirilb’al xyaalalileb’ li tzol’leb’ ut li seraq’ chirixeb’ li loq’laj hu. Naru rilb’aleb’ li video ut li jalam-uuch re li Iglees sa’ li Biblioteca Multimedia sa’ ChurchofJesusChrist.org. Naru ajwi’ xtawb’aleb’ sa’ li aplicación Biblioteca del Evangelio, ut wankeb’ ajwi’ naab’al li jalam-uuch sa’ li Hu reheb’ li Jalam-uuch re li Evangelio.

Revelaciones en Contexto

Revelaciones en Contexto: Los acontecimientos de trasfondo de las revelaciones de Doctrina y Convenios a’an jun ch’uut chi tz’iib’anb’il esilal chirixeb’ li k’utb’esinb’il na’leb’ sa’ li Tzol’leb’ ut Sumwank. Li esil tz’iib’anb’il aran naru tatxtenq’a chixtawb’al ru k’a’ru xyaalalil li raatin li Qaawa’ sa’ li Tzol’leb’ ut Sumwank choq’ reheb’ laj santil paab’anel sa’ xtiklajik li Iglees.

Santos

Santos a’an jun hu wan wi’ resilal li Iglees. Tomo 1, El estandarte de la verdad, ut tomo 2, Ninguna mano impía, neke’aatinak chirix li resilal li Iglees sa’ xq’ehil li Tzol’leb’ ut Sumwank. Eb’ li esilal a’in naru tate’xtenq’a chixtawb’al ru li k’a’ru yoo chi k’ulmank naq ke’k’utb’esiman li na’leb’ li nakatzol sa’ li Tzol’leb’ ut Sumwank.

Temas de la historia de la Iglesia

Wan naab’al li tz’iib’anb’il chirixeb’ li kristiaan, li k’a’aq re ru, li na’ajej, ut li k’a’ru kik’ulman sa’ resilal li Iglees sa’ ChurchofJesusChrist.org/study/history/topics.

Li k’utuk jo’ li Kolonel

Li hu a’in naru nakatxtenq’a chixtzolb’al ut chixk’anjelankil li na’leb’ chirix k’utuk jo’ li Kristo. Neke’aatinak chirixeb’ li na’leb’ a’in sa’eb’ li ch’utam reheb’ laj k’utunel.