Vakasama ni Kena Vakayaloqaqataki na Vuli ni Tamata Yadua kei na Matavuvale

Oqo eso na vakasama mo vakayaloqaqataka kina na kalasi mera vulica na vosa ni Kalou ena itikotiko, vakai ira yadua ka vaka-matavuvale. Me kilai tiko na dina ni sega ni lewe ni kalasi taucoko e rawa ni ra vulica na ivolanikalou vata kei na nodra matavuvale (me vaka, ni so era tiko duadua se o koya duadua ga na lewenilotu ena nona matavuvale).

• Sureti ira na lewe ni kalasi mera wasea na veika era vakila ena gauna era vulica kina na ivolanikalou ena nodra itikotiko. Me kena ivakaraitaki, sa rawa mo kerei ira me ra wasea e dua na tikina ka vaqaqacotaka kina na nodra lomani Jisu Karisito.

• Kerei ira na leweni kalasi mera vakaraitaka eso na ka era cakava tiko me vakaibalebale cake kina na vuli ivolanikalou vakai ira yadua se vakamatavuvale. (Eso na vakasama e rawa ni kune ena “Vakasama me Vakatorocaketaka Nomu Vulica Vakai Iko na iVolanikalou” kei na “Vakasama me Vakatorocaketaka na Nomudou Vulica Vakamatavuvale na iVolanikalou” ena Lako Mai, Mo Muri Au—Baleta na Tamata Yadua kei na Matavuvale.)

• Sureti ira na lewe ni kalasi me ra wasea na sala era sa cakava na veivakauqeti era ciqoma ena nodra vulica yadudua se vakamatavuvale na ivolanikalou.

• Vakaraitaka ena vica na miniti kivei ira na lewe ni kalasi eso na ivurevure e vakarautaka mai na Lotu me vukea nodra vulica na kosipeli, me vaka na veivuke ni vuli ivolanikalou ena scriptures.ChurchofJesusChrist.org; “Scripture Stories” ka kune ena children.ChurchofJesusChrist.org; nodra na itabagone ena youth.ChurchofJesusChrist.org; ivolavakarau ni semineri kei na inisitute; kei na vidio, na vakarorogo, kei na ivakaraitaki ena MediaLibrary.ChurchofJesusChrist.org. E vuqa vei ira oqo era kune talega ena Gospel Library app.

• Mo vakamacalataka ena vica na miniti na kena vakayagataki na app ni Gospel Library me vulici kina na ivolanikalou, oka kina na makataki ni veitikina kei na volai ni nodra vakasama.

• Sureta e dua se so tale na lewe ni kalasi mera wasea na sala era a vakavulica kina e dua na ivakavuvuli ni kosipeli ena nodra matavuvale.