“27 Mas–2 Avril.

Matye 14; Mak 6; Jan 5–6

“Pa pè.”

Lè w ap prepare pou w anseye nan Matye –14; Mak –6; ak Jan 5–6la, chèche mesaj ki enpòtan pou klas ou a. Pandan w ap fè sa, panse sou fason pou w angaje manm klas yo nan yon eksperyans siyifikatif avèk ekriti yo.

Envite Pataj

Yon nan fason pou w kòmanse yon diskisyon se pou envite kèk manm klas la pou yo chak chwazi yon chapit nan lekti a epi pataje yon mesaj nan chapit sa a ki te enpòtan pou yo. Pandan y ap pataje a, lòt manm klas yo kapab poze kesyon oubyen bay opinyon pa yo.

Anseye Doktrin nan

Jan 5:16–47

Jezikri se Piti Gason Byeneme Papa nou ki nan Syèl la.

• Nan Jan 5, Jezi te bay anpil limyè sou tèt li, sou Papa li, ak sou relasyon l avèk Papa a. Pou ede manm klas yo dekouvri ide sa yo, eseye divize yo an gwoup epi ba yo kèlke minit pou yo ekri yon lis sou tablo a de tout verite yo ka jwenn nan vèsè 16–47 yo sou karaktè Bondye, Jezikri ak relasyon yo genyen. Envite gwoup yo youn apre lòt pou yo li verite ki nan lis yo. Kòman verite sa yo ede nou pi byen konprann Papa nou ki nan syèl la ak Pitit Gason l la? Kijan nou ka suiv egzanp obeyisans Jezikri pou Papa l la?

• Yon aktivite nan plan leson semèn sa a nan Vini, Suiv Mwen—Pou Moun yo ak Fanmi yo sigjere pou note chak fwa Jezikri te itilize mo Papa a nan Jan 5:16–47la. Envite kèk nan manm klas la pou yo pataje sa yo te aprann pandan yo t ap fè aktivite a. Mande yo pou yo pataje ide yo te akeri sou Papa nou ki nan Syèl la ak Pitit Gason Byenneme Li a.

Matye 14:15–21; Mak 6:33–44; Jan 6:5–14

Sovè a ka manifye ofrann enb nou yo pou akonpli objektif Li.

• Kisa k ta ka ede manm klas yo jwenn yon siyifikasyon pèsonèl nan mirak kote Jezikri te nouri senk mil moun yo? Ou gen dwa mande yo kijan lekti yo sou mirak sa a ogmante lafwa yo nan kapasite Sovè a pou beni yo pèsonèlman. Yo ka pale konsènan yon fwa lè yo te santi ke Sovè a te manifye oubyen miltipliye efò yo pou ede yo akonpli yon bagay ki te sanble enposib? Epitou, anvan klas la, ou gen dwa mande manm klas la pou yo pote nan klas la yon imaj oswa yon objè ki reprezante eksperyans yo.

  

  Jezi te nouri mirakilezman senk mil moun avèk senk pen ak de pwason.

• Video “Nouri 5.000 nan” (ChurchofJesusChrist.org) ka ede manm klas ou yo medite sou mirak ki dekri nan pasaj sa yo. Ki detay nan istwa sa a ki ogmante lafwa nou nan Sovè a? Nan ki fason Sovè a ka nouri nou spirityèlman? Ki lè Jezikri te nouri nou ak sipòte nou?

Matye 14:22–33

Jezikri envite nou pou nou mete krent ak dout nou yo sou kote pou nou ka vin jwenn ni pi totalman.

• Istwa nan Matye 14:22–33 a ka ede manm klas yo ogmante lafwa yo nan Sovè a ak dezi yo pou suiv li. Envite manm klas yo pou yo li istwa sa a, pou yo pote yon atansyon spesyal a pawòl Kris la, Pyè ak lòt Apot yo te di. Kijan pawòl Jezikri yo te ede Pyè gen lafwa pou l te kite bato a pou l te vin mache sou dlo a? Kijan avètisman Jezikri a pou nou “pran kouraj” epi “pa pè” a nan (vèsè 27) la aplike pou nou jodia? Kisa nou ka aprann de Pyè sou sa sa vle di pou nou disip Jezikri epi fè L konfyans? Ou gen dwa ankouraje yo pou yo reflechi epi pataje eksperyans kote, menmjan ak Pyè, yo te deside pou yo suiv Sovè a, menmlè yo pa t konn ki rezilta sa t ap pote. Mande yo pou yo pataje sa yo te aprann de eksperyans yo a. Kòman Jezikri te vin pote nou sekou nan moman krent oswa dout no yo?

Jan 6:22–71

Antanke disip Kris la, nou dwe dispoze pou nou kwè epi aksepte laverite menm lè li difisil pou nou fè sa.

• Evenman nan Jan 6 yo ka pote yon pèspektif ki itil lè moun ap kesyone doktrin, istwa, oubyen règleman Legliz Kris la. Pou w ede manm klas yo konprann evenman sa yo, ou gen dwa ekri kesyon konsa sou tablo a pou yo reponn: Kisa moun yo t ap atann? (gade vèsè 26). Kisa Kris te ofri yo pito? (gade vèsè 51). Kisa pèp la te mal konprann? (gade vèsè 41–42, 52). Ou ta ka poze kesyon sa yo tou pou ede manm klas yo aplike istwa sa a nan lavi yo: Ki fason nou ka chwazi pou nou mache avèk Kris menm lè nou gen kesyon oswa dout? (gade vèsè 66). Ki doktrin, òdonans, oubyen lòt “pawòl lavi etènèl” nou ka jwenn sèlman nan Legliz retabli Kris la? (gade vèsè 67–69). Pou jwenn enfòmasyon nan men yon Apot modèn, gade mesaj Prezidan M. Russell Ballard te bay “To Whom Shall We Go? (Kimoun Pou N al Jwenn),” (Liahona, Novanm 2016, 90–92).

Amelyore Ansèyman nou

Koute. “Koute se yon zak lanmou. … Mande Pè Selès la pou L ede w konprann sa manm klas ou yo ap di. Lè w pote bon jan atansyon ak mesaj yo pale ak sa yo pa pale, w ap vin konprann bezwen yo, sousi yo, ak dezi yo pi byen” (Anseye nan Fason Sovè a, 34).