3–9 Avril

Pak

“O Tonbo! Kote Viktwa Ou?”

Pandan w ap prepare pou w anseye semèn sa a, reflechi sou fason diskisyon nan klas ou a sou Dimanch Pak la ka bati lafwa nan Jezikri ak nan Ekspyasyon L lan.

Envite Pataj

Mande manm klas la kijan yo t ap reponn kesyon tankou “Kisa Ekspyasyon Jezikri a ye?” ak “Kijan m ka resevwa benediksyon Ekspyasyon Kris la?” Envite yo pataje nenpòt ekriti yo te li semèn sa a ki ede yo reponn kesyon sa yo.

Anseye Doktrin nan

Jezikri delivre nou anba peche ak lanmò, Li fòtifye nou nan feblès nou, epi li rekonfòte nou nan eprèv nou yo.

• Èske manm klas ou a konprann ke Jezi rekonfòte nou nan eprèv nou yo ak fòtifye nou nan feblès nou yo, menm jan li delivre nou anba peche ak lanmò? Yon nan fason pou ede yo dekouvri prensip sa yo se ta kapab pou ekri mo sa yo sou tablo a: Peche, Lanmò, Eprèv, Feblès. Chak manm klas la ta kapab li youn nan ekriti ki nan seksyon “Resous Adisyonèl” yo epi medite sou fason Sovè a ede nou simonte oubyen andire bagay sa yo. Manm klas la ta kapab ekri sa yo aprann nan ekriti sa yo anba chak tit epi pataje temwayaj yo konsènan Sovè a ak Ekspyasyon l lan.

  

  Krisifiksyon, pa Louise Parker

• Petèt yon senp leson avèk egzanp pratik ta kapab ede nou ilistre diferans ki genyen ant lave pou retire peche ak vin pafè: Ou ta kapab ekri sou tabo a premye ling yo nan Mowoni 10:32, men enkli fot òtograf ak fot gramatikal. Apre sa, envite yon manm nan klas la pou l efase (men pa korije) erè yo. Èske sa te rezoud pwoblèm nan? Ki leson nou aprann nan ekriti sa a ak nan egzanp pratik sa a sou efè Ekspyasyon an ka gen sou nou? Deklarasyon sa a ke Prezidan Dieter F. Uchtdorf te fè ta kapab ede nou tou: “Si sali sèlman siyifi efase erè nou yo ak peche nou yo, enben, sali —osi mèveye ke l ka ye—pa satisfè aspirasyon Papa a pou nou. Objektif li pi elve lontan: Li vle pou pitit gason L yo ak pitit fi L yo vin menm jan avèk li” (Kado Lagras la,” Lyawona, Me 2015,108).

• Istwa yo ak analoji yo ka ede nou konprann Ekspyasyon Kris la pi byen. Ou gen dwa vle pataje yon istwa oswa yon analoji ki soti nan youn nan mesaj konferans jeneral la nan “Resous Adisyonèl.” Oubyen nou ta ka gade ansanm (videyo) “Handel’s Messiah: Debtor’s Prison” an nan ChurchofJesusChrist.org, epi diskite kijan Ekspyasyon Jezikri a libere nou anba prizon nou yo. Manm klas la ta kapab pataje apre sa nenpòt panse oswa santiman yo genyen konsènan Sovè ak Ekspyasyon L lan pou nou.

Matye 28:1–10; Lik 24:13–35; Jan 20:19–29; 1 Korentyen 15:3–8, 55–58

Temwen nan Nouvo Testaman yo rann temwayaj ke Jezikri te konkeri lanmò.

• Anvizaje revize istwa ekriti sou premye Pak la—Rezirèksyon Jezikri a. Ou ta kapab envite yon manm nan klas la pou l re-rakonte istwa a avèk pwòp pawòl pa l (gade nan Jan 20:1–17). Ou ta kapab pase tou yon video sou Bib la, tankou “Li Resisite” (ChurchofJesusChrist.org).

• Petèt klas ou a tap gen yon konpreyansyon pi pwofon sou enpòtans temwen Rezirèksyon Jezikri a si yo ta imajine yo se avoka oubyen jounalis ki ap fè envestigasyon sou deklarasyon ki di Kris la te resisite a. Envite yo pou yo chèche moun nan ekriti yo ki ta ka sèvi kòm temwen (gade nan Matye 28:1–10; Lik 24:13–35; Jan 20:19–29; 1 Korentyen 15:3–8, 55–58). Yo ta kapab menm ekri yon rezime brèf sou sa moun sa yo ta kapab di lè y ap temwaye nan tribinal oubyen lè y ap fè entèvyouve avèk yo pou yon repòtaj.

• Yon fason pou nou apwofondi apresyasyon nou pou Rezirèksyon Sovè a se reflechi sou jan nou tap eksplike lòt moun kwayans nou. Kijan manm klas la tap pataje temwayaj yo konsènan Jezikri nan sitiyasyon sa yo: yo dekouvri ke yon manm nan fanmi yo gen yon maladi grav; yon zanmi pèdi yon moun li renmen; yon vwazen mande poukisa nou fete Pak. Ankouraje yo pou yo chèche referans nan ekriti yo (tankou sa ki nan “Resous Adisyonèl”) yo pandan y ap planifye repons yo. Envite kèk manm nan klas la pou yo pataje panse yo.

Resous adisyonèl

Ekriti konsènan Ekspyasyon Sovè a.

• Ezayi 25:8; 53:3–6

• Jan 20:11–17

• Women 8:31–39

• 2 Nefi 9:5–12

• Mozya 3:5–10

• Alma 7:10–14; 11:42–44

• 3 Nefi 11:8–17; 27:13–20

• Mowoni 7:41

• Doktrin ak Alyans 19:15–19

Mesaj konsènan ekspyasyon ak Rezirèksyon Sovè a.

• Dale G. Renlund, “Konsidere Bonte ak Grandè Bondye,” Lyawona, Me 2020, 41–44

• Gerrit W. Gong, “Bon Bèje, Mouton Bondye a,” Lyawona, Me 2019, 97-100.

• Sharon Eubank, “Kris: Limyè Ki Briye nan Fènwa a,” Lyawona, Me 2019, 73–76.

• Cristina B. Franco, “Pouvwa Gerisè Jezikri,” Lyawona, Nov. 2020, 60–62

Amelyore Ansèyman Nou

Se pou w yon enstriman Lespri a. Objektif ou antanke enstriktè se pa pou w fè yon prezantasyon enpresyonan men se pou w ede lòt moun santi enfliyans Sentespri a, ki se veritab enstriktè a” (Anseye nan fason Sovè a,10).