8–14 Me.

Matye 19–20; Mak 10; Lik 18

“Kisa M Manke Ankò?”

Pandan w ap prepare w pou anseye a, reflechi nan yon espri lapriyè sou kijan manm klas la pataje sa yo te aprann oswa santi diran pwòp etid pa yo.

Envite Pataj

Li ta kapab itil pou diskite okazyonèlman eksperyans prensipal manm klas la avèk aprantisaj levanjil santre sou fwaye a. Ki eksperyans ki reyisi yo ka pataje? Ki obstak ak difikilte yo rankontre? Ki konsèy youn ka bay lòt?

Anseye Doktrin nan

Matye 19:3–9

Maryaj ant gason ak fi se yon bagay endispansab pou plan etènèl Bondye a.

• Deplizanplis, fason mond la konsidere maryaj vin pi kontrè a verite etènèl la. Pou ede manm klas la aprann vizyon Bondye pou maryaj, ou ta gen dwa envite yo pou yo li Matye 19:3–9 epi fè lis verite yo jwenn konsènan maryaj yo sou tablo a. Yo ta kapab fè lis verite adisyonèl yo jwenn nan pasaj sa yo tou: Jenèz 1:27–28; 1 Korentyen 11:11; Doktrin ak Alyans 42:22; 49:15–17; 131:1–4; 132:19; ak Moyiz 3:18, 21–24. Kòman verite sa yo ranfòse nan “Fanmi: Yon Pwoklamasyon pou Mond lan”? (ChurchofJesusChrist.org).

Matye 20: 1–16

Tout moun ka resevwa benediksyon lavi etènèl, kèlkeswa lè yo resevwa levanjil la.

• Kisa ki ta ka ede manm klas ou a aplike prensip ki nan parabòl ouvriye ki nan jaden rezen an? Ou ta gen dwa envite kèk manm nan klas la pou yo prepare yon mizansèn sou parabòl la pou yo jwe nan klas la. Apre prezantasyon an, moun k ap reprezante travayè yo ta ka pataje sa yo te santi osijè peman yo te resevwa a ak poukisa. Kisa parabòl sa a sigjere konsènan wayòm syèl la? Ki limyè adisyonèl manm klas yo jwenn osijè parabòl sa a nan mesaj Èldè Jeffrey R. Holland nan “Ouvriye nan Jaden Rezen an”? (Lyawona, Me 2012, 31–33).

Matye 19:16–22; Mak 10:17–27

Sovè a ap gide nou pou nou vin pi pre li si nou mande èd Li.

• Kijan w ka ede manm klas la idantifye ak aplike prensip ki nan istwa jenòm rich la? Yon apwoch se ta ka pou mande yo pou yo li Mak 10:17–27 epi pou yo mande tèt yo si yo janm konn santi yo tankou jenòm rich la. Kisa ki te ede yo suiv konsèy Sovè a menm lè fè sa te difisil? Manm klas la kapab gen volonte pou yo pataje eksperyans kote yo te mande “Kisa m manke ankò?” (Matye 19:20) epi yo te resevwa yon enspirasyon pèsonèl pou l amelyore? Pou ede manm klas la ki ta kapab vin dekouraje poutèt yo konsantre sou sa yo manke, ou ta kapab pataje deklarasyon ki nan “Resous Adisyonèl yo.”

• Manm klas la kapab te li yon mesaj konferans ki gen rapò avèk vèsè jan yo sigjere nan ggested in Vini, Suiv Mwen—Pou Moun yo ak Fanmi. Envite yo pou pataje ide yo te genyen yo.

Pibliken ki te repanti a ak Farizyen ki t ap jistifye tèt li a nan tanp lan, pa Frank Adams

Lik 18:9–14

Nou dwe gen konfyans nan mizerikòd Bondye, se pa nan pwòp jistis pa nou.

• Parabòl kote Sovè a konpare priyè yon Farizyen avèk priyè yon Pibliken an ka ede w souliye atitid Senyè a mande pou moun ki ap chèche suiv Li yo. Pou ede manm klas la aplike parabòl sa a a epòk nou an, ou ta kapab envite yo pou yo re-ekri priyè Farizyen an nan yon fason ki itilize detay modèn yo men ki eksprime menm atitid yo. Yo ta kapab fè menm bagay la tou avèk priyè Pibliken an epi pataje sa yo ekri. Ki rapò ki genyen ant vèsè 15–17 ak 18–24 e sa Sovè a te anseye a nan parabòl sa a? Ou ta kapab pataje tou deklarasyon sa a ke Èldè Dale G. Renlund te fè konsènan vèsè sa yo:“Mesaj la klè pou nou: yon pechè ki repanti apwoche pi plis kote Bondye pase moun ki ap jistifye tèt li a ki kondane pechè sa ar” (“Bon Bèje nou an,” Lyawona, Me 2017, 31).

Resous adisyonèl

An nou pa satisfè ni dekouraje.

Èldè D. Todd Christofferson te anseye:

“Si nou mande sensèman: ‘Kisa m manke ankò?’ Bondye p ap kite nou pou nou devine, men L ap reponn nan lanmou pou bonè nou. Epi Li ap ban nou espwa.

“Se yon bagay ki mande anpil efò, e sa t ap ekstrèmeman dekourajan si nou te poukont nou nan eseye chèche sentete a. Verite gloriye a sèke nou pa poukont nou. Nou gen amou enfini Bondye, gras Kris la, rekonfò ak asistans Sentespri a, ak konpayi ak ankourajman Sen parèy nou yo nan kò Kris la. Annou pa kontante n de kote nou ye a, men, annou pa dekouraje nonplis” (“Pen Vivan Ki Te Desann Soti nan Syèl la,” Lyawona, Nov. 2017, 39).

Amelyore Ansèyman Nou

Bondye bezwen talan ak kapasite san parèy ou yo. “Ou ka beni pitit Bondye yo si w itilize enpe nan lanmou w gen pou lòt moun yo, don Bondye ba ou yo, ak eksperyans lavi w yo. Si w sèvi fidèlman epi w chèche èd Bondye, l ap mayifye ou, epi kapasite pou w anseye levanjil la nan fason Sovè a ap amelyore” (Anseye nan fason Sovè a,5).