Zacchaeus ilo Wōjke Sycamore eo, jān James Tissot

Māe 15–21

Mau 21–23; Mark 11; Luk 19–20; Jon 12

“Ami Kiin̄ Ej Itok”

Ilo am̧ riiti Matu 21–23; Mark 11; Luk 19–20; im Jon 12, kappukōt pedped in katak ko me renaaj jipan̄ tōpar aikuj ko an armej ro kwoj katakin er. Jetōb Kwojarjar eo enaaj im̧we eok n̄an jeļā ekōjkan jipan̄ ro uwaan kūlaaj eo lo pedped in katak kein.

Kajjitōk bwe ren Kwaļo̧k

Jejjo raan m̧okta jān kūlaaj, kajjitōk ippān jejjo ro uwaan kūlaaj eo n̄an itok n̄an kūlaaj eo pojak n̄an kwaļo̧k juon en̄jake ekar wōr aer ilo aer kar ekkatak jepta ko kar kappeik ilo wiik in. Kajjitōk ippāer n̄an ba kōn kōjeraam̧m̧an ko me rej itok n̄an er ilo aer ekkatak jeje ko rekwojarjar ilo wiik eo

Katakin Katak eo

Luk 19:1–10

Rilo̧rmo̧o̧r eo ejeļā kajjied.

• Ro uwaan kūlaaj eo rekar āinwōt en̄jake aer jab ļōmņak kōn er ak meļo̧kļo̧k er ilo iien ko ilo mour ko aer. Bwebwenato eo an Zacchaeus emaron̄ jipan̄ er meļeļe bwe Jemedwōj Ilan̄ im Jisōs Kraist rejeļā kajjier im kea kōn er. N̄an jipan̄ ro uwaan kūlaaj eo keidi bwebwenato in n̄an mour ko aer, kajjitōk ippāer n̄an pijaik er make āinwōt Zacchaeus. Ta eo kwoj ļōmņak ekar ekkatak kōn Rilo̧mo̧o̧r eo jān en̄jake eo an? Ta eo jemaron̄ ekaktak jān kijejeto ko an Zacchaeus kōn pukōt Rilo̧mo̧o̧r eo?

Matu 21:1–11; Mark 11:1–11; Luk 19:29–44; Jon 12:12–16

Jisōs Kraist ej ad Kiin̄.

• Juon m̧akūtkūt epidodo emaron̄ kwaļo̧k kadkad in juon iien ekōnono kōn deļo̧n̄ļo̧k in anjo̧ eo an Rilo̧mo̧o̧r eo n̄an Jerusalem: Jejjo ro uwaan kūlaaj eo remaron̄ jin̄aik ioon boot eo men ko rej iookļo̧k juon kiin̄, ko āinwōt juon kūraun ak juon tūron, ilo an ro jet kajidedeik ta eo rej jin̄aik. Innām ro jet uwaan kūlaaj eo remaron̄ jin̄aik juon colt im raan wōjke ko. Ta eo men kein ewōrļo̧k aer ippān juon kiin̄? Innām kwomaron̄ kwaļo̧k juon pija in deļo̧n̄ļo̧k in anjo̧ eo an Rilo̧mo̧o̧r eo n̄an Jerusalem jān unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko im kajjitōk ippān ro uwaan kūlaaj eo n̄an riiti Mark 11:1–11. Ekōjkan an armej rein kile Jisōs āinwōt Kiin̄ eo aer? Ekōjkan ad kabun̄ jar n̄an Jisōs Kraist āinwōt ad Kiin̄ kōn naan ko im jerbal ko ad?

Matu 22:34–40

Kien ko ruo reļļap rej n̄an iakwe Anij im iakwe ro jet āinwōt kōj make.

• Ekōjkan am̧ maron̄ jipan̄ ro uwaan kūlaaj eo meļeļe bwe “ilo kien kein ruo ”—iakwe Anij im iakwe eo rūturid—“aolep kein im rikanaan ro rej pād ie”? (Mat 22:40). Ālkin riiti Matu 22:34–40 ippān doon, kwomaron̄ je Iakwe Anij im Iakwe eo rūturum̧ ioon boot eo. Leļo̧k n̄an kajjojo ro uwaan kūlaaj eo juon peba jidikdik kōn juon kien kar je ņae ioon. Kajjitōk ippān jejjo iaer n̄an riiti kien eo aer im kōnono kake kōn ekōjkan an kien eo aer jipan̄ kōj pokake juon ak ruo iaan kien kein ruo reļļap. Ālkin aer ekōnono kōn kien eo aer, remaron̄ door peba eo aer ioon boot eo. Etke ej aorōk n̄an keememej bwe aolep kein ko rej iookļo̧k kein ko ruo reļļap (lale “Kein Jipan̄ ko Jet”).

Matu 23:13–33

Naaj kōjparok kōj ilo ad joļo̧k ritōl pilo ro.

• Ro uwaan kūlaaj eo am̧ renaaj ke jeraam̧m̧an jān ekōnono kōn naan o “ritōl pilo ro,” eo Rilo̧mo̧o̧r eo ekar kōjerbale n̄an kōmeļeļeik pilo in jetōb eo an Ripharise ro im Riscribe ro? (Mattu 23:16). Kwomaron̄ ļōmņak kōn juon wāween n̄an kwaļo̧k ta eo enaaj kar āinwōt n̄an juon n̄an ļoor juon armej eo ejjab maron̄ loļo̧kjeņ. Ak ro uwaan kūlaaj eo remaron̄ kōllaajrak ioon boot eo piktok ko an juon ritōl pilo, āinwōt kar kōmeļeļeik ilo Matu 23:13–33. N̄an kakobaba n̄an laajrak eo, ļōmņak in lale eoon in jipan̄ ko an jeje ko rekwojarjar jet me rej katakin kōn pilo ilo jetōb, ko āinwōt 2 Korint 4:3–4; 2 Nipai 9:28–32; im Jekab 4:14. Ekōjkan ad maron̄ kile im joļo̧k ritōl pilo ro?

Rilo̧mo̧o̧r eo ekar kwaļo̧k bwe Ripharise ro āinwōt rijeļā m̧oņ ro im ritōl pilo ro.

Kein Jipan̄ ko jet

Iakwe Anij im iakwe ro rūturid ej pedped eo an aolep men jej kōm̧m̧ani.

Kōnono kōn kien ko ruo reļļap loi ilo Matu 22:37–39, Būreejtōn M. Russell Ballard ekar katakin:

“Pokake kien kein ruo rej letok juon wāween n̄an en̄jake eļapļo̧k aenōm̧m̧an im lan̄lōn̄. N̄e jej iakwe im jerbal n̄an Irooj im iakwe im jerbal n̄an ro riturid, jenaaj lukkuun en̄jake eļapļo̧k m̧ōņōņō eo ej itok n̄an kōj ilo ejjeļo̧k wāween em̧m̧anļo̧k.

“Iakwe Anij im iakwe riturid ej pedped in katak eo kōn jerbal in karejar, ekkatak eo ej pepded ilo m̧weeo, im Kabun̄ ej rie ; Raan in Jabōt en ejetōbtōb ilo iien kabun̄jar; im jerbal in lo̧mo̧o̧r ilo jim̧or roņōl eo n̄an jipan̄ Doulul eo an Kōrā im doulul ko an elder ro. Aolepen men kein rej pedped wōt ioon kien ko rekwojarjar n̄an iakwe Anij im n̄an iakwe ro riturid. Ewōr ke jabdewōt men epidodoļo̧k, eaorōkļo̧k, im ļam waan jen menin?” (“M̧ool, Erreeo, im Ļam Waan eo an Gospel eo an Jisōs Kraist,” Liaona, Māe 2019, 29).

Kōkm̧anm̧anļo̧k Ad Katakin

Kwojjab aikuj in kōbare aoelp men. “Ekanooj lōn̄ menin ekkōnono ko ilo kajjojo katak, bōtaab ejjab menin aikuj n̄an kōbare aolep men ilo juon iien kūlaaj n̄an maron̄ un̄ūr buruōn juon—emakijkij juon ak ruo men ko raorōk. Ilo am̧ kejekļo̧kjeņ kōn aikuj ko an rūkkatak ro, Jetōb eo enaaj jipan̄ eok kile ewi wōt pedped in katak ko, bwebwenato ko, ak eoon in jeje ko rekwojarjar renaaj ļap tata an ļap meļeļeier n̄an er” (Teaching in the Savior’s Way, 7).