7–13 Out.

Women 1–6

“Pouvwa Bondye pou Sali”

Nan lapriyè, li Women 1–6 pandan w ap panse ak manm klas ou yo. Sa ap ede w vin sansib a enspirasyon Lespri yo pandan w ap prepare w pou anseye.

Envite Pataj

Panse bay manm klas yo kèk minit pou yo chèche nan Women 1–6 yon vèsè Sentespri a te ede yo konprann pi byen. Apresa yo ka pataje vèsè yo te chwazi a avèk yon moun ki chita bò kote yo.

Anseye Doktrin nan

Women 1:16–17

“Mwen pa wont levanjil Kris la.”

• Anpil moun te fè eksperyans kote yo te ridikilize yo pou kwayans yo. Pou ede manm klas yo lè yo fè eksperyans konsa, ou ta ka envite yo pou yo li Women 1:16–17 epi pou yo panse ak sitiyasyon nan liv Travay la kote Pòl te montre ke l pa t wont pou levanjil la. Petèt manm klas yo ta ka pataje rezon ki fè yo santi yo pa wont pou levanjil Jezikri a tou. Oswa yo ta ka pataje eksperyans kote yomenm oubyen lòt moun te montre ke yo pa wont pou levanjil Jezikri a.

  

  Nou ka pa wont pou pataje temwayaj nou de levanjil la.

Women 2:28–29

Nou se vrè disip akoz angajman enteryè nou tou, pa sèlman nan aksyon nou.

• Kijan nou evalye tèt nou antanke disip? Konsèy Pòl te bay Women yo kapab ede nou sonje konsantre plis sou “kè a [ak] lespri a” (Women 2:29) pase sou aksyon eksteryè yo. Pou ede klas ou a konprann konsèy Pòl la, ou ka ekri tèks nan Women 2:28–29 a sou tablo a. Ranplase mo Juif la pa Sen Dènye Jou epi mo sikonsizyon an pa mo alyans la. Kisa chanjman sa a ajoute sou konpreyansyon nou de ansèyman Pòl yo? Ou ka diskite sou egzanp bagay nou fè antanke manm Legliz la ki pi enpòtan ak pi puisan lè yo soti “nan kè, selon lespri a” (Women 2:29).

Women 3-6

“Kote peche abonde, lagras pi abonde toujou.”

• Kijan ou kapab ede manm klas yo konprann ansèyman Pòl yo konsènan lafwa, travay, ak lagras? Panse pou w prezante de senaryo pou ede manm klas yo konprann nopa dwe konsidere bon zèv yo kòm yon mwayen pou pwouve diyite nou, ni nou pa dwe konsidere gras Kris la kòm yon rezon oubyen yon ekskiz pou peche ak erè nou non plis. Envite manm klas yo pou yo chèche verite ki nan Women 3:20–31; 5:1–2; 6:1–2, 21–23 ki ta ka ede Gloria ak Justin. Ki lòt verite doktrinal nan “Resous adisyonèl” yo ki ta ka ede yo konprann enpòtans pou yo fè bon zèv ak pou yo kwè nan gras Kris la?

  Senaryo 1

  Ou gen yon zanmi ki rele Gloria ki santi l depase malgre efò l pou l rete yon disip fidèl. Li travay di pou l fè tout sa l santi l ta dwe fè, men li souvan pè pou efò l yo pa sifi. L ap mande tèt li “Èske m bon ase?”. “Èske Senyè a ap aksepte m?”

  Senaryo 2

  Ou gen yon zanmi ki rele Justin ki pa twò sousye osijè fè chwa ki jis. Li kwè nan Jezikri, li al nan reyinyon legliz yo, epi li se yon papa eman ak yon bon pwochen. Sepandan, li chwazi pou l pa viv kèk prensip ki ta ka kalifye l pou yon rekòmandasyon tanp. Lè fanmi ak zanmi eseye ankouraje l pou l prepare l pou tanp, li reponn: “M se yon bon moun. M gen lafwa nan Kris la. Li te deja peye pri pou peche m yo, e m pa panse l ap entèdi m aksè nan wayòm selès la pou detay osi ensiyifyan konsa.”

Resous adisyonèl

Lafwa, lagraz, ak zèv.

Senaryo 1

• Etè 12:27

• Mowoni 10:32–33

• J. Devn Cornish, “Èske m bon ase? Èske m ap rive?,” Liahona, Nov. 2016, 32–34

• President Dieter F. Uchtdorf te ansenye: “ Nou pa ka achte sali avèk lajan obeyisans; nou achte l avèk san Pitit Gason Bondye a. … “Lagras se yon kado Bondye fè nou, epi dezi nou pou n obeyi chak nan kòmandman Bondye yo se lonje men mòtèl nou pou n resevwa kado sakre sa a nan men Pè Selès nou an” (“Kado lagras la,” Liahona, Me 2015, 109–10).

Senaryo 2

• Jak 2:17–26

• Elaman 12:23–24

• D. Todd Christofferson, “Demere nan lanmou mwen,” Liahona,Nov. 2016, 48-51

• President Uchtdorf te ansenye: “Si lagras se yon kado Bondye, poukisa obeyi kòmandman Bondye yo si enpòtan konsa? Poukisa pou n boulvèse tèt nou avèk kòmandman Bondye yo—oubyen menm repantans tou? Obeyisans nou a kòmandman Bondye yo vini kòm rezilta natirèl lanmou ak gratitid enfini nou pou bonte Bondye. Fòm amou ak gratitid sensè sa a ap ini mirakilezman zèv nou ak lagras Bondye (“Don Lagras,” 109).

Amelyore ansèyman nou

Apèl ou enspire. Se Senyè a ki aple w kòm enstriktè, pou beni pitit li yo. Senyè a vle w reyisi, konsa, si w viv diy pou w resevwa èd li, l ap ba w revelasyon w ap chèche a. (Gade Anseye nan fason Sovè a, 5.)