2–8 Oktòb.

Efezyen

“Pou Pèfeksyonman Sen yo”

Panse ak enpresyon sou sa w dwe anseye ak sou fason pou w anseye ap vini pandan w ap etidye nan lapriyè Efezyen, diskou dènye konferans jeneral yo, plan leson sa a, ak Vini, Suiv Mwen—Pou moun yo ak fanmi yo.

Envite Pataj

Panse envite manm klas yo pou ekri sou tablo a yon fraz rezime yon bagay yo te aprann nan etid yo semèn sa a. Chwazi kèk rezime pa aza, epi envite manm klas ki te ekri yo a pou yo pataje sa yo panse.

Anseye Doktrin nan

Efezyen 2:19–22; 4:4–8, 11–16

Pwofèt yo ak apot yo—ak nou tout—fòtifye ak ini Legliz la.

• Èske oumenm ak klas ou a ka konstwi yon bagay ansanm pou montre kijan Legliz la “bati sou fondasyon apot ak pwofèt” ak kijan Sovè a se “wòch fondasyon an”? (Efezyen 2:20). Petèt manm klas yo ta ka mete etikèt sou blòk oubyen vè an plastik epi mete yo ansanm pou fòme yon piramid, avèk Jezikri ak apot yo ak pwofèt yo ki fòme baz la. Apresa, ou gen dwa demontre yo kisa k t ap rive si n ta retire Kris la ak apot yo ak pwofèt yo. Poukisa wòch fondasyon an se yon bon metafò pou Jezikri ak wòl li nan Legliz la? (Pou yon deskripsyon sou yon wòch fondasyon, gade “Resous adisyonèl” la.) Manm klas yo ta ka chache nan Efezyen 2:19–22; 4:11–16 pou benediksyon nou resevwa gras ak apot, pwofèt, ak lòt dirijan Legliz yo. Kisa nou ka fè pou bati lavi nou sou ansèyman yo?

Jezikri se tèt legliz la.

• Si manm klas ou yo te koute konferans jeneral depi dènye fwa nou te ansanm nan, envite yo pou yo di kijan sa yo te anseye pandan konferans la te ede yo akonpli objektif yo pale nan Efezyen 4:11–16.

• Petèt ou gen dwa bay manm klas yo yon moman pou yo fè lis kèk nan “vokasyon” oswa responsablite nou genyen kòm manm Legliz Kris la (gade Efezyen 4:1paregzanp, yon enstriktè oswa yon enstriksis ofwaye, yon paran, yon disip Kris la, eksetera. Apresa, yo ka chanje lis yo youn ak lòt nan klas la, li Efezyen 4:4–8, 11–16, epi di kijan responsablite ki sou lis yo ede yo edifye kò Kris la. Kijan nou ka travay ansanm pou n vin ini anba “yon sèl Senyè, yon sèl fwa, yon sèl batèm”?

Efezyen 5:25–6:4

Suiv egzanp Sovè a ka fòtifye relasyon familyal nou.

• Pou ede manm klas yo aplike konsèy Pòk siy rekasyon familyal, ou gen dwa ekri kesyon konsa sou tablo a: Kijan nou ka suiv egzanp Sovè a nan fason nou trete manm fanmi nou yo? (gade Efezyen 5:25). Kisa sa vle di pou ou pou w “onore papa ak manman w”? (Efezyen 6:1-3). Kijan nou ka elve timoun yo “dapre prensip Senyè a”? (Efezyen 6:4). Manm klas yo ta ka diskite kesyon sa yo, an gwoup, oswa kòm yon klas ansanm, pandan y ap li ekriti ki anrapò yo. Ou gen dwa envite manm klas yo pou yo pataje egzanp yo te wè nan moun k ap viv nan fason Pòl dekri a.

Efezyen 6:10–18

Zam Bondye yo ap pwoteje nou kont mal.

• Kisa k t ap ede enspire manm klas yo pou yo efòse yo mete zam Bondye yo sou yo chak jou? Ou gen dwa prepare yon aktivite kote y ap matche kèk pyès nan zam sa yo avèk prensip oswa vèti yo reprezante yo, jan sa dekri nan Efezyen 6:14–17la. Kijan chak pyès nan zam sa a ka pwoteje nou kont mechanste? (Pou w jwenn èd, gade “Resous adisyonèl” yo.) Kijan nou ka mete zam sa yo sou nou? Kijan nou ka idantifye ak fòtifye tout feblès nan zam nou?

Resous adisyonèl

Kisa yon wòch fondasyon ye?

Wòch fondasyon an se premye wòch yo poze nan yon fondasyon. Li sèvi kòm yon pwen referans pou mezi ak pozisyon lòt wòch yo ki dwe aliyen avèk wòch fondasyon an. Paske li pote tout pwa rès edifis la, wòch fondasyon an dwe solid, estab epi fyab (gade “Wòch fondasyon an,” Ensign, Jan. 2016, 74–75).

Zam Bondye yo

Mare ren nou avèk senti laverite:Pati sa a nan zàm nan se tankou yon sentiwon ki mare nan tay nou. Mo girt (senti) a ka vledi fòtifye, ranfòse, oubyen konsolide tou.

Boukliye lajistis:Yon kuiras pwoteje kè a ak lòt ògàn vital yo.

Mete nan pye nou preparasyon levanjil lapè a:Sa fè referans a sa sòlda yo mete nan pye yo pou pwoteje yo.

Boukliye lafwa:Yon boukliye ka pwoteje kont prèske tout pati kò a kont yon pakèt atak.

Kaskèt sali:Yon kas pwoteje tèt la.

Epe Lespri:Yon epe pèmèt nou angaje yon aksyon kont enmi an.

Amelyore ansèyman nou

Efòse w pou w gen lanmou kretyen. Relasyon ou avèk moun w ap anseye yo dwe motive pa lanmou. Oumenm ak moun k ap aprann yo ap jwenn benediksyon si nou priye pou n devlope lanmou kretyen ak si nou chèche fason pou n montre sa (gade Anseye nan fason Sovè a,, 6; Mowoni 7:48).