9–15 Oktòb.

Filipyen; Kolosyen

“Mwen Ka Fè Tout Bagay Gras a Kris la Ki Ban M Fòs”

Kòmanse li Filipyen ak Kolosyen, epi, nan yon espri lapriyè, medite sou doktrin Senyè a vle w anseye a. Kite Lespri a gide w pandan w ap konsidere kesyon ak resous ou ta kapab itilize pou anseye doktrin sa a.

Envite Pataj

Evite manm klas la pou yo pataje yon mo oswa yon ekspresyon ki rezime sa yo te aprann nan Filipyen ak Kolosyen epi pou yo eksplike poukisa yo te chwazi mo oubyen ekspresyon sa a. Ankouraje yo pou yo pataje kèk vèsè ekriti pandan y ap bay eksplikasyon yo a.

Anseye Doktrin nan

Filipyen 2:1–5, 14–18; 4:1–9; Kolosyen 3:1–17

Nou vin “nouvo” lè nou viv levanjil Jezikri a.

• Ou gen dwa vle ede manm klas a vizyalize kisa “nou voye vye moun nou te ye a jete” epi “nou tounen yon lòt kalite moun” gras a Jezikri vle di(Kolosyen 3:9–10. Pou fè sa, ou ta gen dwa afiche avan ak apre foto yon bagay ansyen ki vin transfòme an yon bagay nouvo (tankou yon mèb. yon kay, oswa yon bisiklèt). Manm klas la gen dwa pale de kijan nou vin “nouvo” gras a lafwa nou nan Jezikri ak dispozisyon nou pou nou viv levanjil la. Kòm yon pati diskisyon sa a, ou gen dwa mande mwatye klas la pou yo etidye Filipyen 2:1–5, 14–18; 4:1–9 epi pou lòt mwatye a etidye Kolosyen 3:1–17, pandan y ap idantifye karakteristik “ansyen moun” nan ak “nouvo moun nan.” Ou gen dwa envite kèk manm nan klas la pou yo eksplike kijan gen lafwa nan Jezikri ak viv levanjil la ka ede yo vin moun nouvo.

Filipyen 4:1-13

Nou ka jwenn jwa nan Kris la, kèlkeswa sikonstans nou yo.

• Menm si sikonstans nou yo pa menm avèk pa Pòl, nou tout ka tire yon bagay nan dispozisyon l pou l satisfè ak rejwi nan tout sikonstans lavi li. Pou kòmanse yon diskisyon sou sijè sa a, ou gen dwa revize kèk nan eprèv Pòl te travèse yo (gade, paregzanp, nan 2 Korentyen 11:23–28). Revize Filipyen 4:1–13 pou nou ka jwenn konsèy Pòl te bay ki ka ede nou rejwi, menm nan moman eprèv yo.

• Petèt manm klas la ta gen dwa pataje eksperyans kote yo te santi “lapè Bondye, ki depase tout konpreyansyon” (Filipyen 4:7) oubyen kote yo te santi yo fòtifye “gras a Kris la” (vèsè 13) pou yo akonpli yon bagay yo pa t ap ka akonpli otreman.

• Si w ta renmen ekspIore sijè sa a plis, ou ta kapab mande yon manm klas la pou l pataje kè istwa ou deklarasyon enspiran ki soti nan diskou Prezidan Russell M. Nelson “Jwa ak Sivi Espirityèl” (Lyawona, Nov. 2016, 81–84). Oubyen klas la ta kapab gade videyo “Trial of Adversity (Eprèv Advèsite)” (ChurchofJesusChrist.org). Kijan moun yo ki nan diskou Prezidan Nelson an oubyen fi ki nan videyo a te fè jwenn lajwa, malgre sikonstans difisil yo?

• Paske mechanste ap ogmante nan mond lan jodi a, manm klas la ap benefisye nan konsèy Pòl la pou yo “reflechi sou” bagay ki pur, ki emab, ki merite apwobasyon, ki gen vèti, oubyen diy pou louwanj (Filipyen 4:8). Petèt ou ta kapab bay chak manm klas la (oubyen ti gwoup manm klas) responsablite pou youn nan kalite ki mansyone nan Filipyen 4:8 oubyen nan Atik Lafwa 1:13. Yo chak ta ka itilize Gid Ekriti yo pou yo ka jwenn ekriti sou kalite yo responsab la mande yo sou vèti a ak pou pataje sa yo jwenn avèk klas la. Yo ta kapab pataje tou kèk egzanp kalite sa a nan lavi moun. Kijan nou ka “chèche bagay sa yo”?

Kolosyen 1:12–23; 2:3–8

Lè lafwa nou “anrasinen” nan Jezikri, nou fòtifye kont enfliyans mond lan?

• Temwayaj Pòl sou Sovè a ki nan Kolosyen 1:12–23; 2:3–8 la bay yon bon opòtinite pou manm klas la medite ak fòtifye pwòp lafwa ou. Manm klas la ta ka etidye vèsè sa yo pou yo jwenn bagay ki ka fòtifye lafwa yo nan Jezikri. Kisa “anrasinen ak fonde sou [Jezikri]” vle di? (Kolosyen 2:7). Foto yon pyebwa nan plan leson semèn sa a nan Vini, Suiv Mwen—Pou Moun yo ak Fanmi yo ak videyo “Toubiyon Espirityèl” la nan (ChurchofJesusChrist.org) ka ede manm klas la diskite sou vèsè sa a. Kisa ki kapab fòtifye oubyen febli rasin yon pyebwa? Kijan “anrasine ak fonde nan Jezikri” fòtifye nou kont enfliyans mond lan? (gade nan Kolosyen 2:7–8; gade tou nan Elaman 5:12; Etè 12:4).

• Ou ta kapab envite manm klas la pou yo drese lis bagay ke Colossians 1:12–23; 2:2–8 anseye nou kapab fè pou nou evite “twonpri initil” ki kapab “deranje” lafwa nou nan Kris la (Kolosyen 2:8). Kijan nou youn ka sipòte lòt nan efò nou yo pou nou suiv Sovè a epi pou nou evite twonpri Satan?

Amelyore Ansèyman Nou

Itilize mizik. Mizik sakre envite enfliyans Sentespri a. Li ka kreye yon atmosfè reverans epi enspire angajman ak aksyon. Reflechi sou kijan “youn anseye ak konseye lòt nan sòm yo ak kantik yo” ka fè pati klas ou a (Kolosyen 3:16; gade nan Anseye nan Fason Sovè a,22tou).