Mèlkisedèk beni Abraram,, pa Walter Rane Don Atis la

6–12 Novanm.

Ebre 7-13

“Yon Sakrifikatè pou Bon Bagay Ki Gen Pou Vini Yo”

Pandan w ap li Ebre 7–13la, medite sou ki mesaj Senyè a te genyen pou Sen Ebre yo. Chèche ki mesaj li gen pou oumenm ak moun w ap anseye yo tou.

Envite Pataj

Anvan klas la, envite kèk nan manm klas yo pou vini prepare pou yo pataje kèk vèsè nan Ebre 7–13 ki ka ede yo “rapwoche yo de [Bondye] avèk yon kè sensè, nan tout asirans lafwa yo” (Ebre 10:22).

Anseye Doktrin nan

Ebre 7–10

Òdonans ansyen ak modèn yo dirije nou sou Jezikri.

• Plan leson semèn sa a nan Vini, Suiv Mwen—Pou Moun yo ak Fanmi yo sigjere rechèch nan Ebre 7 pou pasaj ki anseye sou Prètriz Mèlkizedèk la epi ki temwaye de Jezikri. Envite manm klas la pou yo pataje sa yo te jwenn. Oswa ou gen dwa bayo tan nan klas la pou yo revize chapit 7 pou yo jwenn vèsè ki anseye sou prètriz sa a epi temwaye de Sovè a. Nan ki fason Mèlkizedèk te menm ak Jezikri? (gade tit Mèlkizedèk yo nan vèsè 1–2). Kijan òdonans Prètriz Mèlkizedèk yo ede nou vin jwenn Kris la? Petèt manm klas yo ta ka chèche repons posib nan Sijè Levanjil yo, “Prètriz Mèlkisedèk” (topics.ChurchofJesusChrist.org).

• Menmsi nou pa ofri sakrifis bèt, nou patisipe nan òdonans ki, nan menm fason an, dirije nanm nou vè Kris la epi ki founi nou “kanal otorize pou benediksyon ak pouvwa syèl yo ka devèse nan lavi nou” (DavidA. Bednar, “Toujou konsève padon pou peche nou,” Liahona, Me 2016, 60). Petèt nou gen dwa eksplore ansanm kijan ansyen òdonans ki dekri nan Ebre 8–10 te senbolize sakrifis ekspyatwa Sovè a. Paregzanp, kisa san towo yo ak bouk yo reprezante? (gade Ebre 9:13–14). Kiyès granprèt la reprezante? (gade Ebre 9:24–26). Videyo “Sakrifis ak Sentsèn” nan (ChurchofJesusChrist.org) ta ka ede. Ki fason òdonans aktyèl yo beni nou e dirije nou vè Jezikri? Kisa nou ka fè pou n rann òdonans sa yo pi siyifikan ak pi santre sou Sovè a?

Ebre 10:34–38; 11

Lafwa mande pou nou kwè nan pwomès Bondye yo.

• Pou ede manm klas yo konprann ansèyman Pòl sou lafwa yo, ou gen dwa kòmanse mande yo pou yo reflechi sou kijan yo t ap dekri lafwa nan yon sèl fraz. Apresa, ansanm ak klas la, li definisyon Pòl te bay nan Ebre 11:1a epi diskite sou li. Apresa ou gen dwa bay chak moun tach pou yo chwazi youn nan moun ki te mansyone nan Ebre 11 la pou yo etidye. Manm klas la ta ka itilize referans oubyen Gid Ekriti yo (scriptures.ChurchofJesusChrist.org) pou yo revize eksperyans moun sa a nan Ansyen Testaman an, epi apresa pataje sa yo te jwenn avèk klas la. Kijan moun sa yo te montre ke yon te gen yon “asirans de bagay moun espere”? Tradiksyon Joseph Smith, Ebre 11:1 [nan Ebre 11:1, referans b]). Manm klas la ka petèt pataje lòt egzanp moun ki fidèl. Kilè nou te egzèse lafwa nan pwomès ki potko akonpli?

• Konsèy pou Sen Ebre yo ki te tante “pèdi” lafwa yo a ka valab pou manm nan klas ou yo k ap lite avèk temwayaj yo. Sa kapab ede moun k ap eseye ede moun yo renmen yo nan yon kriz lafwa tou. Pou dekouvri konsèy sa a, manm klas la gen dwa li Ebre 10:34–38 ak deklarasyon Èldè JeffreyR. Holland la nan ““Resous adisyonèl yo.” Poukisa pafwa nou tante pou nou chase konfyans nou (gade Ebre 10:35) nan Senyè a ak nan levanjil li a? Kijan nou ka fè pou n bati lafwa nou epi kenbe l ak konfyans ke n ap “resevwa pwomès [Bondye] yo”? (Ebre 10:36). Videyo “Bon bagay ki gen pou vini” ak “Yon Gran Prèt byen ki pou vini” yo (ChurchofJesusChrist.org) ka konplete diskisyon sa a.

Resous adisyonèl

“Pa abandone lafwa nou.”

Ak referans nan Ebre 10:32–39, Èldè Jeffrey R. Holland te anseye:

“Asireman sa difisil—anvan w antre Legliz la, pandan w ap eseye antre, ak apre w fin antre. Pòl di se fason sa a l te toujou ye, men pa fè bak. Pa panike epi kouri. Pa pèdi konfyans. Pa bliye sa w te santi yon fwa a. Pa doute de eksperyans ou te fè yo. …

“Nan chak desizyon enpòtan, gen prekosyon pou nou pran, men yon fwa nou fin resevwa limyè a, fè atansyon a tantasyon pou n detounen nou de sa ki bon an. Si l te parèt jis pou ou lè w te priye osijè l la epi w te gen konfyans nan li epi w te aji an konsekans, enben, li jis kounyeya tou. Pa abandone lè presyon yo ap monte. … Afwonte dout ou yo. Metrize laperèz ou. ‘Pa abandone konfyans ou.’ Rete sou wout la epi admire bote lavi k ap dewoule pou ou ” (“Se Poutèt Sa Pa Abandone Konfyans ou,” Ensign,, Mas. 2000, 8–9).

Amelyore Ansèyman Nou

Ale nan ekriti yo toudabò. Ekriti yo dwe se premye sous ou pou etid ou ak preparasyon ou. Pawòl pwofèt modèn yo kapab konplete liv kanonik yo (gade Anseye nan fason Sovè a,, 17).