4–10 Desanm

Revelasyon 1–5

“Glwa, ak Pouvwa, pou … Anyo a, pou tout tan gen tan“

Lè w resevwa enpresyon espirityèl, sa ede w rekonèt ke Sentespri a vle anseye ou. Lè w ekri enpresyon sa yo epi w suiv yo, sa demontre ke w bayo valè epi w vle resevwa plis.

Envite Pataj

Pandan w ap kòmanse yon diskisyon, li kapab itil pou w envite manm klas la pou yo pataje kèk nan mesaj yo te jwenn nan liv Revelasyon an pandan etid pèsonèl oswa familyal yo. Pa egzanp, kisa yo te aprann konsènan Pè Selès la pou L sove pitit Li yo? Kisa yo te aprann konsènan Sovè a ak wòl li nan plan an? Ankouraje manm klas la pou yo kontinye chèche mesaj enpòtan konsènan Jezikri ak plan sali a pandan y ap kontiye li Revelasyon lakay yo. Ba yo opòtinite nan leson apre yo pou yo pataje sa yo jwenn.

Anseye Doktrin nan

Revelasyon 1

Jezikri se Pitit Gason vivan Bondye vivan an.

• Imajri ak senbolis ki in Revelation 1 temwaye vivman ki Jezikri vivan e ke se Limenm ki ap gide Legliz Li a. Petèt manm klas ou yo ta ka ekri sou tablo a plizyè fraz nan Revelasyon 1 an ki gen imaj oswa senbòl epi di kijan you chak anseye yo sou Jezikri. Paregzanp, kisa nou aprann nan senbòl sa yo sou fason Kris la dirije Legliz li a jodia? Kijan deskripsyon Jan fè apwopo Sovè a ka konpare avèk sa k nan Doktrin ak Alyans 110:1–4?

Revelasyon 2-3

Jezikri konnen m pèsonèlman epi l ap ede m simonte difikilte m yo.

• Li mesaj Senyè a voye bay divès branch Legliz la nan Revelasyon 2–3 ta kapab ede rasire manm klas la ke Sovè a konnen yo. Petèt ou ta kapab envite yo pou yo eskane chapit sa yo pou yo ka jwenn prèv ke Jezikri te konnen eprèv ak fòs chak branch. Yo ta ka pataje tou eksperyans kote yo te santi Sovè a te konnen sitiyasyon patikilye yo. Ki konsèy Senyè a te bay Sen yo ki ka ede nou simonte eprèv nou yo tou?

• Nan menm chapit sa yo, Senyè a te fè pwomès enspiran pou moun ki triyonfe yo. Ou ta kapab envite manm klas la pou yo travay de pa de pou yo ka fouye nan Revelasyon 2–3 pou yo ka wè pwomès Senyè a te fè yo. Petèt yo ka desine foto pou reprezante kèk nan pwomès sa yo, epi apre sa pataje sa yo jwenn avèk klas la. Kijan pwomès sa yo enspire yo pou yo kontinye eseye simonte pwòp eprèv ak feblès pa yo?

Revelasyon 5

Se sèl Jezikri ki te ka rann plan Pè Selès la posib.

• Èske yon leson pratik tap ede klas ou a konprann senbòlis ki nan Revelasyon 5 konsènan Sovè a ki ap ouvri liv ki sele a? Ou gen dwa pote yon sirèt nan yon bwat ki fèmen a kle pou pataje avèk klas la. Anvan kou a, bay yon moun kle bwat la an sekrè. Dekri sa ki andedan bwat la pou klas la, epi kite plizyè manm klas la eseye ouvri l anvan moun ki gen kle a ouvri l. Apre sa, klas la ta ka konpare leson pratik sa a avèk Revelasyon 5. Kesyon tankou sa yo ta ka ede: Nan ki sans sali pitit Pè Selès la sanble avèk bwat ki fèmen akle a oubyen liv sele a? Poukisa Jezikri se te Sèl moun ki te kapab brize so yo? (gade sitasyon an nan “Resous Adisyonèl”).

• Tankou moun kè kontan yo mansyone nan Revelasyon 5la, jodi a, nou ka leve vwa nou pou nou louwe Sovè a kòm Sèl moun ki diy pou ofri nou sali. Petèt manm klas la ta kapab chante ansanm yon kantik lwanj pou Senyè a ke yo renmen, tankou “Gloire au Dieu Tout-Puissant” (Cantiques, no. 32). Manm klas la ta kapab idantifye kèk verite kantik la anseye konsènan Jezikri. Ki resanblans nou wè ant mesaj ki nan kantik lanj nou yo ak deklarasyon ki nan Revelasyon 5:9–14yo?

Resous adisyonèl

Se sèl Jezikri ki ta ka ekspye pou nou.

Pandan l t ap dekri evenman ki te genyen nan lavi premòtèl la, Èldè Jeffrey R. Holland te anseye:

“Kris te pòte l volontè pou l te onore libabit tout limanite, menm lè L te peye pou peche yo. Nan pwosesis sa a, Li t ap retounen tout glwa a bay Papa a pou lanmou redanmtè sa a.

“Ekspyasyon enfini Kris la te posib paske (1) Li te sèl moun san peche ki te janm viv sou tè sa a epi poutèt sa, li pa t sijè a lanmò espirityèl ki soti nan peche a, (2) li te Sèl Pitit Literal Papa a epi pou rezon sa a, Li te posede karakteristik divinite yo ki te ba L pouvwa sou lanmò fizik, epi (3) dapre tout aparans, Li te sèl moun ki te sifizamman enb ak dispoze nan konsèy premòtèl la pou l te preyòdone pou sèvis sa a” (“L Expiation de Jésus-Christ,” Liahona, Mas. 2008, 35).”

Amelyore Ansèyman Nou

Itilize ekriti yo ak pawòl pwofèt dènye jou yo. “Senyè a kòmande nou pou “youn anseye lòt doktrin wayòm nan” [Doktrin ak Alyans 88:77] epi pou nou itilize ekriti yo pou “anseye prensip levanjil [Li] a” [Doktrin ak Alyans 42:12]. Ekriti yo ak pawòl pwofèt ak apot dènye jou yo se sous verite n ap anseye yo” (Anseye nan Fason Sovè a,21).