Ti Mouton, pa Jenedy Paige

18–24 Desanm

Nwèl

“Bòn Nouvèl Ki Pote Gwo Lajwa”

Diskisyon sou levanjil la puisan espirityèlmanlè yo santre sou Jezikri. Pandan w ap etidye nesans ak misyon Jezikri a semèn sa a, chèche enspirasyon nan men Sentespri a pou w ka konn kijan ou kiapab santre diskisyon sou Sovè a nan klas ou a pi byen.

Envite Pataj

Envite manm klas a pou yo di kisa y ap fè oubyen kisa yo te fè nan lepase endividyèlman oubyen an fanmi pou selebre nesans Sovè a nan fason ki fè yo vin pi pre L.

Anseye Doktrin nan

Matye 1:18–25; Lik 1:26–38; 2:1–20

Jezikri te asepte pèdi ran L pou L te vin fèt sou tè a.

• Nwèl se yon bon moman pou moun reflechi ak selebre grandè Kris la—dispozisyon li pou l kite “wayòm Papa l la anwo a, pou l vin viv avèk lòm, pou l mouri pou lòm” (Devant la Cène, vois, Jésus,” Cantiques, no.112). Pou enspire yon diskisyon sou sijè sa a, ou gen dwa mande manm klas la sa yo te aprann nan etid pèsonèl oswa familyal yo semèn sa a sou kiyès Jezikri te ye anvan L te fèt (gade nan Jan 17:5; Mozya 7:27; Doktrin ak Alyans 76:12–14, 20–24; Moyiz 4:2). Apre sa ou gen dwa montre foto a ki nan plan leson semèn sa a nan Vini, Suiv Mwen—Pou moun yo ak fanmi yo pandan manm klas la ap li apwopo nesans Sovè a (gade nan Matye 1:18–25; Lik 1:26–38; 2:1–20). Ankouraje yo pataje panse ak santiman yo genyen lè yo konpare glwa premòtèl Sovè a avèk nesans enb li an

• Yon kesyon tankou sa zanj lan te poze Nefi nan 1 Nefi 11:16 la ta kapab yon bon fason pou kòmanse yon diskisyon nan klas la, menm si w ta gen dwa fòmile l yon lòt fason. Petèt ou ta ka ekri sou tablo a Kisa grandè Bondye ye? epi mande manm klas la pou yo medite sou kesyon sa a pandan y ap li 1 Nefi 11:17–33. Mande yo pou yo pataje tout panse vèsè sa yo enspire yo sou Sovè a. Ki foto sou sèn nan lavi Sovè a daprè deskripsyon Nefi a ou ta ka montre klas la? Manm klas la ta kapab konsidere kondesandans Senyè a tou pandan y ap gade yon videyo sou Nesans Li, tankou “A Gift to the World (Yon Kado pou Mond lan),” “The Nativity (Nwèl la),” oubyen “He Is the Gift (Se Li Ki Kado a)” (ChurchofJesusChrist.org).

• Mizik se yon fason mèveye pou w envite Lespri a nan klas ou a. Anvizje envite yon moun jwe yon chante oubyen li ou chante kèk kantik Nwèl ansanm kòm yon klas (gade nan Cantiques, nos.201–14). Manm klas ta kapab chèche ekspresyon nan kantik sa yo ak nan ekriti yo bay nan kantik yo ki ogmante gratitid yo pou Sovè a ak volonte l pou l te vin sou tè a.

Jetsemane, pa J. Kirk Richards

Lik 4:16–21; Jan 3:16

Jezikri te ranpli misyon L lan, ki te rann li posib pou nou eritye lavi etènèl.

• Pou ede manm klas la diskite sou rezon ki fè Jezikri te fèt yo, ou ta kapab envite yo pou yo chèche epi pou yo pataje ekriti ki rezime misyon L lan (gade plan leson semèn sa a nan Vini, Suiv Mwen—Pou Moun yo ak Fanmi yo pou w ka jwenn kèk egzanp). Petèt manm klas la ta kapab mete yo de pa de oubyen an ti gwoup pou yo ka chèche vèsè yo epi li yo. Kisa yo aprann sou misyon Kris la nan vèsè yo te jwenn yo? Kisa nou aprann sou misyon L lan nan kèk nan tit yo ba Li nan ekriti yo? (gade nan Gid pou Ekriti yo, “Jezikri”).

• Manm klas la ta kapab aprann sou misyon Sovè a si yo li “Kris Vivan an: Temwayaj Apot yo”” (ChurchofJesusChrist.org) epi pataje deklarasyon yo jwenn ki eksplike poukisa Li te vin sou tè a. Bay manm klas la tan pou yo reflechi sou temwayaj yo konsènan Jezikri ak misyon L lan. Èske yo ta kapab pataje eksperyans oubyen istwa pèsonèl nan lavi Sovè a ki te ogmante lafwa yo nan li oubyen lanmou yo pou li? Kijan etidye Nouvo Testaman an ane sa a te fasilite yon sezon Nwèl ki pi siyifikatif? Pou nou repase kèk nan istwa Nouvo Testaman an manm klas la te aprann ane sa a, ou ta gen dwa pase videyo “For God So Loved the World (Bondye Te Tèlman Renmen Mond lan)” la oubyen “To This End Was I Born (Se Pou Sa Mwen Te Fèt)” (ChurchofJesusChrist.org).

Amelyore ansèyman nou

Rezève tan pou etidyan yo pataje. “Lè etidyan yo pataje sa y ap aprann yo, non sèlman yo santi Lespri a epi fòtifye temwayaj yo, men yo ankouraje lòt manm klas la pou yo dekouvri verite yo poukont yo tou. … Rezève tan pou etidyan yo fè pataj nan chak leson—nan kèk ka, ou ka twouve ke diskisyon sa yo se leson an” (Anseye nan fason Sovè a,30).