Mga Kakulangan sa Panglawas
Kanunay nga mga Gipangutana mahitungod sa Pag-apil sa Simbahan

“Kanunay nga mga Gipangutana mahitungod sa Pag-apil sa Simbahan,” Mga Serbisyong Pangkakulangan: Mga Indibidwal (2020)

“Kanunay nga mga Gipangutana mahitungod sa Pag-apil sa Simbahan,” Mga Serbisyong Pangkakulangan: Mga Indibidwal

Kanunay nga mga Gipangutana mahitungod sa Pag-apil sa Simbahan

Girl in wheelchair with family at temple

  • Mabunyagan ba ako? Kon ikaw adunay usa ka tinguha nga magpabunyag, pakigsulti ngadto sa usa ka tawo nga ikaw mosalig, sama sa imong mga ginikanan, imong tig-amuma, o usa ka higala, mahitungod sa imong mga tinguha. Isulti usab ang imong tinguha ngadto sa imong bishop o branch president. Sila makahimo sa pagtabang kanimo sa paghimo sa labing maayo nga desisyon. Sa kinatibuk-an, ang mga ordinansa dili ihikaw kon ikaw takus, adunay usa ka tinguha sa pagdawat niini, ug makapakita og igo nga responsibilidad ug pagkamay tulubagon (tan-awa sa Kinatibuk-ang Tamdanan nga Basahon: Pagserbisyo diha sa ang Simbahan ni Jesukristo sa mga Santos sa Ulahing mga Adlaw, 38.2.1.8; Katie E. Steed, “Andam ba nga Magpabunyag ang Akong Anak nga Adunay Kakulian sa Panglawas?” Liahona, Hunyo 2020, 18–21).

  • Makaapil ba ako sa mga ordinansa sa templo? Kon ikaw adunay usa ka tinguha sa pag-adto sa templo, isulti kana nga tinguha ngadto sa imong bishop o branch president. Siya makatabang kanimo sa paghimo sa labing maayo nga desisyon mahitungod sa pagdawat sa mga ordinansa sa templo ug motabang kanimo sa pag-andam sa pagdawat niini nga mga ordinansa sa husto nga panahon. Sa kinatibuk-an, ang mga ordinansa dili ihikaw kon ikaw takus, adunay usa ka tinguha sa pagdawat niini, ug makapakita og igo nga responsibilidad ug pagkamay tulubagon. Ikaw kinahanglan usab nga makasabut sa mga katuyoan ug mahangturong ka importante sa mga templo. Sa higayon nga ikaw makadawat og rekomen sa templo, hunahunaa sa mainampuong paagi ang bisan unsang tabang nga imong gikinahanglan tungod sa imong kakulangan. Siguroha ang pagsulti og una sa imong mga panginahanglan ngadto sa usa ka tawo nga ikaw mosalig o sa usa ka temple worker kon ikaw mosulod sa templo. Sa matag templo adunay mga temple worker kinsa anaa aron sa pagtabang niadtong may mga kakulangan.

  • Ako ba makadawat sa pagkapari? Ang tanang takus nga mga lalaki nga nag-edad sa pagkapari giawhag sa pagdawat sa pagkapari. Kon ikaw adunay usa ka tinguha sa pagdawat sa pagkapari, pakigsulti sa imong mga ginikanan ug paghisgot sa imong mga tinguha ngadto sa imong bishop o branch president. Sa kinatibuk-an, ang pagkapari dili ihikaw kon ikaw takus, adunay usa ka tinguha sa pagdawat niini, ug makapakita og igo nga responsibilidad ug pagkamay tulubagon (tan-awa sa Kinatibuk-ang Tamdanan nga Basahon, 38.2.5.4).

  • Makaserbisyo ba ako og misyon? Adunay daghang misyon nga mga oportunidad [mission opportunities] alang sa mga miyembro nga may mga kakulangan kinsa may usa ka tinguha sa pagserbisyo og usa ka misyon. Kon imong gibati ang Espiritu nga nag-aghat kanimo sa pagserbisyo og usa ka misyon, isulti ang imong tinguha ngadto sa imong mga ginikanan ug sa bishop o branch president. Aron makahibalo mahitungod sa misyonaryong mga oportunidad alang sa mga miyembro nga may mga kakulangan, palihug bisitaha ang ChurchofJesusChrist.org/service-missionary.