Tanang mga Kabataan Managsama Ngadto sa Dios ug Gilalang diha sa Iyang Imahe

• Salmo 139:13–16

• Lucas 14:12–14

• Moroni 7:16

“Sa kalibutan karon, bisan asa kita nagpuyo ug bisan unsa pa ang atong mga kahimtang, kinahanglan nga ang atong labing importanteng ilhanan sa atong kaugalingon mao ang atong pagka-anak sa Dios” (Donald L. Hallstrom, “Ako Anak sa Dios,” Liahona, Mayo 2016, 28).

“Ang akong paghukom dili sama sa paghukom sa tawo (tan-awa sa 1 Samuel 16:7). Ako mituo nga siya wala maghunahuna bisan gamay kon kita nagpuyo ba sa usa ka palasyo o sa usa ka payag, kon kita ba gwapo o yano, kon kita ba inila o kinalimtan. Bisan kita dili hingpit, hingpit ang gugma sa Dios kanato. Bisan kita dili perpekto, perpekto ang gugma Niya kanato. Bisan og gibati nato ingon og nawala ug walay kompas, ang gugma sa Dios hingpit nga naglibut kanato.

“Iya kitang gihigugma tungod kay Siya puno sa walay sukod nga balaan, lunsay ug dili mahulagway nga gugma. Importante kita sa Dios dili tungod sa atong résumé apan tungod kay kita Iyang mga anak. Siya naghigugma kanatong tanan, bisan kadtong adunay mga depekto, sinalikway, maulawon, masulub-on, o nangaparot. Hilabihan kadako ang gugma sa Dios nga Iyang gihigugma bisan ang mapahitas-on, hakog, arogante, ug ang dautan” (Dieter F. Uchtdorf, “Ang Gugma sa Dios,” Liahona, Nob. 2009, 22–23).