Kinahanglan Kitang Moila ug Mosaulog sa Atong Talagsaong mga Gasa

• 1 Mga Taga-Corinto 12:12–27

• 1 Pedro 4:10

• Doktrina ug mga Pakigsaad 46:13–26

“Ang tanang mga anak sa Langitnong Amahan may kalainan sa ubang parte, apan ang matag usa sa iyang kaugalingon nga maanindot nga sonata nagdugang sa giladmon sa kabuhong sa kinatibuk-an” (Joseph B. Wirthlin, “Kahingawa alang sa Usa ka Tawo,” Liahona, Mayo 2008, 18).

“Sa balaang plano gituyo nga dili tanang tingog sa choir sa Dios magkaparehas. Kinahanglan lain-lain—soprano, ug alto, mga baritone ug base—aron makahimo og nindot nga huni. Sa pagkutlo og linya gikan sa sinulat sa duha ka dalaygong mga babaye nga Santos sa Ulahing mga adlaw, “Tanang binuhat sa Dios bisan unsa ka lahi adunay tahas.” Kon atong ipakaubos ang atong pagkalahi o maningkamot nga mahaum sa konsepto nga tumo-tumo—konsepto nga dinasig sa kahakog ug gituboy sa social media—mawala kanato ang kaanindot sa panagkalahi-lahi sa katawhan nga gituyo sa Dios sa dihang gilalang Niya ang kalibutan.

“Karon wala usab kini magpasabut nga ang tanan dinhi niining balaan nga koro basta na lang mohunat og kanta sa gusto niyang musika! Ang pagkadaiya wala magpasabut nga magpatuyang na lang bisan unsa, ug ang koro nagkinahanglan gayud og disiplina—alang sa atong tumong karon … gamiton nako ang pulong nga pagkadisipulo—apan kon nadawat na nato ang balaang pulong sa matahum nga huni sa orchestra nga gi-compose sa wala pa ang kalibutan, niana mahimuot ang atong Langitnong Amahan nga kini atong mahimo sa kaugalingon natong paagi, dili sa paagi sa uban. Salig sa inyong kaugalingon, ug salig Kaniya. Ayaw ipakaubos ang inyong bili o ipakaminos ang inyong ikatampo. Labaw sa tanan, ayaw biyai ang inyong katungdanan sa koro. Ngano man? Tungod kay kamo lahi; ug dili kapulihan. Ang pagkawala sa bisan usa lang ka tingog magpakunhod sa kaepektibo sa matag mag-aawit niining talagsaong koro sa atong kinabuhi, lakip ang pagkawala niadtong mibati nga dili ilado o wala dawata sa katilingban o sa Simbahan” (Jeffrey R. Holland, “Mga Awit nga Naawit ug Wala Maawit,” Liahona, Mayo 2017, 49–50).