Doktrina ug mga Pakigsaad 53–55

Pasiuna

Niadtong Hunyo 1831, si Propeta Joseph Smith nakadawat og mga pagpadayag nga narekord diha sa Doktrina ug mga Pakigsaad 53–55. Ang mga pagpadayag naglangkob sa mga intruksyon sa Ginoo alang sa pipila ka miyembro sa Simbahan nga nagpuyo sa Ohio apan sa dili madugay mamalhin ngadto sa Missouri. Niini nga mga pagpadayag, ang Ginoo namulong ngadto nila ni Sidney Gilbert, Newel Knight, ug William W. Phelps, nga naghatag kanila og mga instruksyon nga piho ngadto sa ilang mga buluhaton sa Simbahan ug sa ilang mga talento.

Mga Sugyot alang sa Pagtudlo

Doktrina ug mga Pakigsaad 53

Gitawag sa Ginoo si Sidney Gilbert nga mahimong usa ka elder ug mobiyahe uban ni Joseph Smith ngadto sa Missouri

Pagdapit og duha ka estudyante sa pagduol sa atubangan sa klase. Hangyoa ang usa nga tudloan ang lain kon unsaon paghimo sa usa ka buluhaton. Pananglitan, ang usa ka estudyante mahimong motudlo sa lain sa paghigot sa usa ka klase sa knot, pagpilo og usa ka papel nga eroplano, o pagpahigayon og piho nga matang sa sayaw. (Kon mahimo, hangyoa daan ang estudyante aron makaandam sa pagtudlo og usa ka kahanas.)

Niini nga pag-demonstrate, nganong importante man nga ang tigkat-on mosunod sa tanang mga instruksyon? Unsay mahitabo kon makahukom siya nga ibaliwala ang usa ka bahin sa mga instruksyon?

Pahinumdumi ang mga estudyante nga mitawag ang Ginoo og mga misyonaryo nga mobiyahe ngadto sa Missouri (tan-awa sa D&P 52). Ipasabut nga usa ka bag-ong kinabig nga ginganlan og Sidney Gilbert ang nakabantay nga wala siya malista isip usa niadtong mga misyonaryo. Miadto siya ni Propeta Joseph Smith ug nangutana unsay gusto sa Ginoo nga iyang buhaton. Si Joseph nangutana ug nakadawat sa pagpadayag nga anaa sa Doktrina ug mga Pakigsaad 53, nga naghatag ni Sidney og pipila ka pasiuna nga mga lakang sa panudlo.

Ipares-pares ang mga estudyante. Dapita ang matag parisan nga magbasa og dungan sa Doktrina ug mga Pakigsaad 53:1–5, nga mangita sa mga instruksyon nga gihatag sa Ginoo ngadto ni Sidney Gilbert. Awhaga sila sa pagmarka sa matag instruksyon nga ilang madiskubrihan.

Unsa nga mga instruksyon ang gihatag sa Ginoo ngadto ni Sidney Gilbert? (Samtang mo-report ang mga estudyante sa unsay ilang nakit-an, mahimong makatabang ang pagpasabut nga ang buluhaton ni Brother Gilbert nga “mahimo nga tinugyanan ngadto [sa] simbahan” mas hingpit nga gipasabut diha sa Doktrina ug mga Pakigsaad 57:6–10, 15.)

Ipasabut nga ang Ginoo nagpasabut niini nga lista sa mga instruksyon isip “ang una nga mga ordinansa nga madawat [ni Sidney]” (D&P 53:6). Ang pulong nga ordinansa usahay nagpasabut sa usa ka balaod o usa ka lagda. Dapita ang usa ka estudyante sa pagbasa og kusog sa Doktrina ug mga Pakigsaad 53:6, ug hangyoa ang klase nga mangita sa higayon sa dihang ang Ginoo mihatag ni Sidney sa (“nahibilin”) sa Iyang mga instruksyon.

Unsa ang atong makat-unan gikan sa bersikulo 6? (Ikonsiderar ang pagsugyot nga ang mga estudyante mocross-reference niini nga tudling sa Doktrina ug mga Pakigsaad 52:4–5. Ang mga estudyante mahimong mahinumdom sa pagtino sa mosunod nga baruganan sa miagi nga leksyon: Samtang matinud-anon kitang mosunod sa mga instruksyon sa Dios, mopadayag Siya og dugang sa Iyang kabubut-on ngari kanato.)

Doktrina ug mga Pakigsaad 54

Gisugo sa Ginoo ang mga Santos sa Colesville nga mobiya sa Thompson, Ohio, ug mobalhin ngadto sa Missouri

Ipasabut nga niadtong Abril 1831, gipangulohan ni Newel Knight ang usa ka grupo sa mga Santos gikan sa Colesville, New York, aron moapil sa mga Santos didto sa Ohio. Pagka-Mayo, si Propeta Joseph Smith mimando ni Bishop Edward Partridge nga ang mga Santos papuy-on sa yuta sa Thompson, Ohio, nga gipakigsaad (o gisaad) nga ihatag ni Leman Copley sa miagi alang niana nga katuyoan. Nagtanom sila didto og mga lagutmon ug nagsugod sa paghimo og mga kalamboan sa luna. Apan bisan nagtambayayong sila sa pagpalambo sa yuta, misugod sila sa pagdinalo ug paghinakog. Misamot ang ilang sitwasyon sa dihang si Leman Copley mibalik gikan sa iyang misyon ngadto sa mga Shaker ug nagsugod sa pagduha-duha sa iyang pagtuo (tan-awa sa D&P 49 ug leksyon 56). Iyang gisalikway ang naglambo niya nga pagpamatuod sa gipahiuli nga ebanghelyo, ug gimanduan niya ang mga Santos nga mobiya sa dapit. Gipabayad usab niya sila og 60 ka dolyares. Tungod kay wala tumana ni Leman ang iyang pakigsaad, kining mga Santos wala nay kapuy-an. Si Newel Knight ug ang uban nangutana sa Propeta kon unsay angay nilang buhaton. (Tan-awa sa Documents, Volume 1: June 1828–June 1831, vol. 1 sa Documents series sa The Joseph Smith Papers [2013], 334–335.)

Dapita ang usa ka estudyante sa pagbasa og kusog sa Doktrina ug mga Pakigsaad 54:1–3, ug hangyoa ang klase sa pagpangita kon unsay gikinahanglang buhaton sa mga Santos aron makatabang nga moarang-arang ang ilang sitwasyon.

Ngano kaha nga ang paghinulsol ug ang pagkamapainubsanon makatabang man niining mga Santos?

Ipasabut nga ang Ginoo wala mahimuot sa mga Santos didto sa Thompson kinsa wala motuman sa ilang mga pakigsaad. Dapita ang mga estudyante sa pagbasa og hilum sa Doktrina ug mga Pakigsaad 54:4–5 ug mangita sa mga pulong nga gigamit sa Ginoo sa paghulagway sa unsay mahitabo kon ang usa ka pakigsaad dili tumanon.

Unsa kaha ang gipasabut sa pakigsaad nga “nahimo nga walay hinungdan ug walay sangputanan”? Unsa nga mga panalangin ang mawala kanato kon dili kita motuman sa atong mga pakigsaad?

Dapita ang mga estudyante sa pagbasa og hilum sa Doktrina ug mga Pakigsaad 54:6, nga mangita sa panalangin nga atong madawat kon motuman kita sa atong mga pakigsaad ug mosunod sa mga sugo. Hangyoa ang mga estudyante sa pag-report kon unsay ilang makit-an. Mahimo silang mogamit og lain-laing mga pulong, apan ang ilang mga tubag kinahanglang mopahayag sa mosunod nga baruganan: Kon motuman kita sa atong mga pakigsaad ug mosunod sa mga sugo sa Ginoo, makabaton kita og kalooy. Isulat kini nga baruganan diha sa pisara.

Kanus-a kamo nakakita nga ang Ginoo mipadangat og kalooy niadtong nagtuman sa ilang mga pakigsaad ngadto Kaniya?

Awhaga ang mga estudyante sa pagtuman sa mga pakigsaad nga ilang gihimo atol sa bunyag ug sa pagsunod sa mga sugo aron makadawat sila og kalooy gikan sa Ginoo.

I-summarize ang Doktrina ug mga Pakigsaad 54:7–9 pinaagi sa pagpasabut nga human mawad-i kining mga Santos sa ilang mga panimalay didto sa yuta ni Leman Copley, gimanduan sila sa Ginoo nga mobiyahe ngadto sa Missouri. Kinahanglan silang motudlo og tawo aron mobayad sa mga galastuhan samtang nagbiyahe. Miingon ang Ginoo nga sa higayon nga moabut na sila sa Missouri, magtrabaho sila alang sa ilang panginabuhian didto hangtud nga ang Ginoo moandam og usa ka dapit nga ilang kapuy-an.

Aron matabangan ang mga estudyante nga makadiskubre kon unsay gusto sa Ginoo nga reaksyon niining mga Santos sa ilang mga pagsulay, dapita ang usa ka estudyante sa pagbasa og kusog sa Doktrina ug mga Pakigsaad 54:10. Hangyoa ang klase sa pagsunod ug mangita sa unsay gitambag sa Ginoo ngadto niining mga Santos.

Sa inyong kasinatian, unsa ang pipila ka panalangin nga atong madawat kon kita “magpailub diha sa kalisdanan”?
Kinsa ang giingon sa Ginoo nga “makakita og kapahulayan sa ilang mga kalag”? (Dapita ang mga estudyante sa pagtubag niining pangutana gamit ang “kon–nan” nga sentence. Samtang motubag sila sa pangutana, isulat kini nga baruganan diha sa pisara: Kon nagtinguha kita sa Ginoo nga makugihon, nan makakita kita og kapahulayan sa atong mga kalag.

Aron matabangan ang mga estudyante nga makasabut sa unsay gipasabut sa makakita kita og kapahulayan sa atong mga kalag, basaha ang mosunod nga pamahayag ni Elder Per G. Malm sa Seventy:

“Ang pagkaplag og kapahulayan alang sa atong mga kalag naglakip og kalinaw sa hunahuna ug sa kasingkasing, nga maoy resulta sa pagkat-on ug pagsunod sa doktrina ni Kristo” (“Kapahulayan alang sa Inyong mga Kalag,” Liahona, Nob. 2010, 101).

Aron matabangan ang mga estudyante nga makasabut sa unsay gipasabut sa pagtinguha sa Ginoo nga makugihon, ipangutana ang mosunod:

Unsa kaha ang gipasabut sa pagtinguha sa Ginoo nga makugihon? (Ang mga tubag mahimong maglakip nga nagpasabut kini nga tinguhaon Siya nga makugihon sa atong kinabuhi, nga nagpasabut nga tinguhaon Siya nga makugihon sa matag adlaw, ug nga nagpasabut kini nga tinguhaon ang Iyang tabang sa dili pa moabut ang mga pagsulay sa atong kinabuhi.)
Ngano kaha nga makakita kita og kapahulayan sa atong mga kalag kon magtinguha kita sa Ginoo nga makugihon?
Sa unsang paagi nga ang magtinguha sa Ginoo nga makugihon, sa wala pa ang kalisdanan, lahi kay sa magtinguha Kaniya nga makugihon atol sa kalisdanan?

Dapita ang mga estudyante sa pagsulat og mga tubag sa mosunod nga mga pangutana diha sa ilang mga class notebook o mga scripture study journal. Mahimo nimong isulat sa pisara kining mga pangutana o andama kini isip usa ka handout:

Sa unsang mga paagi nga magtinguha kamo sa Ginoo nga makugihon, sa wala pa moabut ang mga pagsulay sa inyong umaabut?
Unsay inyong mabuhat aron sa pagtinguha sa Ginoo nga makugihon matag adlaw?
Unsay inyong mabuhat aron sa pagtinguha sa Ginoo nga makugihon karon, samtang anaa kamo sa inyong kabatan-on?

Human mahatagi og oras ang mga estudyante sa pagsulat, dapita ang pipila kanila sa pagpakigbahin sa ilang mga hunahuna.

Doktrina ug mga Pakigsaad 55

Ang Ginoo mitawag ni William W. Phelps sa pag-abag sa pagsulat ug pagprinta sa mga materyal sa Simbahan

Hangyoa daan ang usa ka estudyante nga moadto sa klase nga andam sa pagpakita og usa ka talento o kahanas. Siguroa nga ang presentasyon sa estudyante mahiangay sa Espiritu. O hangyoa ang mga estudyante sa paglista diha sa pisara sa pipila sa ilang mga talento ug mga kahanas nga ilang nakita sa usag usa. Dayon tawaga ang usa ka estudyante pinaagi sa iyang ngalan ug ipangutana ang mosunod:

Ngano kaha nga ang inyong mga talento ug mga kahanas lahi kay sa mga talento ug mga kahanas sa uban diha sa klase?
Ngano kaha nga napanalanginan man mo niadtong mga talento ug mga kahanas?

Dapita ang mga estudyante sa pagbasa og hilum sa pasiuna sa seksyon sa Doktrina ug mga Pakigsaad 55, nga mangita sa usa sa mga kahanas ni William W. Phelps. Hangyoa sila sa pag-report unsay ilang nakit-an.

Ipasabut nga si William W. Phelps mipalit og usa ka kopya sa Basahon ni Mormon duha ka semana human kini gitanyag nga ibaligya. Misangput kini sa iyang pagkakabig. Sa wala madugay miingon siya, “Bisan pa man nga ang akong lawas wala mabunyagi ngadto niini nga simbahan hangtud … Hunyo, 1831, apan ang akong kasingkasing anaa na didto gikan sa panahon nga nasinati ko sa basahon ni Mormon” (sa Documents, Volume 1: June 1828–June 1831, 337). Niadtong Hunyo 14, 1831, sa wala madugay human miabut si Brotherr Phelps sa Kirtland, si Propeta Joseph Smith nakadawat og pagpadayag nga narekord diha sa Doktrina ug mga Pakigsaad 55.

Dapita ang usa ka estudyante sa pagbasa og kusog sa Doktrina ug mga Pakigsaad 55:4, ug hangyoa ang klase sa pagpangita sa laing talento nga duna si William W. Phelps. Hangyoa ang mga estudyante sa pag-report kon unsay ilang makit-an. Dapita dayon ang usa ka estudyante sa pagbasa og kusog sa Doktrina ug mga Pakigsaad 55:5, ug hangyoa ang klase sa pagpangita sa dapit diin si Brother Phelps gitawag nga himoon ang buhat sa pagsulat ug pagprinta. (Gimanduan siya sa Ginoo nga mobiyahe uban nila ni Joseph Smith ug Sidney Rigdon ngadto sa Missouri.)

Isulat ang mosunod nga baruganan diha sa pisara: Ang Dios makagamit sa atong mga talento, mga kahanas, ug mga abilidad aron sa pagpanalangin sa Iyang mga anak.

Sa unsang paagi nga inyong nakita nga gigamit sa Dios ang mga talento ug mga abilidad sa mga tawo aron sa pagpanalangin sa Iyang mga anak?

Hangyoa ang mga estudyante sa paghunahuna og usa ka talento o abilidad nga duna sila ug sa unsa kaha nga paagi nila magamit kana nga abilidad sa pagtabang sa uban ug sa pagpadayon sa buhat sa Ginoo. Dapita ang pipila ka estudyante sa pagpakigbahin sa ilang mga hunahuna.

Tapusa ang leksyon pinaagi sa pag-refer ngadto sa mga doktrina ug mga baruganan nga gisulat diha sa pisara. Dapita ang pipila ka estudyante sa pagpili og usa ka kamatuoran ug sa pagpakigbahin kon nganong importante kini ngadto kanila ug unsay ganahan nilang buhaton aron mas magamit nila kini sa hingpit diha sa ilang kinabuhi.

Komentaryo ug Background nga Impormasyon

Doktrina ug mga Pakigsaad 55. Mga kontribusyon ni William W. Phelps sa Simbahan

Gipahimutang ni William W. Phelps ang unang imprintahanan alang sa Simbahan didto sa Missouri. Gimantala niya ang unang pamantalaan sa Simbahan, ang Evening and the Morning Star. Mitabang siya sa paghugpong, pag-andam, ug pagmantala sa mga pagpadayag diha sa Basahon sa mga Sugo niadtong1833 ug sa wala madugay sa 1835 nga edisyon sa Doktrina ug mga Pakigsaad. Mitabang siya sa pag-andam sa unang basahon sa mga himno sa Simbahan ug misulat og mga pulong sa daghang mga himno, lakip na “Ang Espiritu sa Dios,” nga gikanta atol sa pagpahinungod sa Templo sa Kirtland. Mihatag siya og 500 ka dolyares sa pagtabang nga mahuman kana nga templo.

Doktrina ug mga Pakigsaad 55:6. Mga kontribusyon ni Joseph Coe sa Simbahan

Si Joseph Coe, kinsa usa ka nag-unang kinabig sa Simbahan didto sa New York, miabut sa Kirtland niadtong 1831. Mibiyahe siya ngadto sa Missouri uban nila ni Joseph Smith ug Sidney Rigdon, mibiya sa Kirtland niadtong Hunyo 19, 1831. Human niana, didto gihapon sa Kirtland, gitudlo siya nga kinatibuk-ang tinugyanan sa Simbahan. Gidumala niya ang mga pagpalit sa yuta pagka-1833, lakip na ang 103 acres [41.68 ka ektarya] sa umahan ni Peter French, nga tukuran sa Templo sa Kirtland. Gitawag siya sa high council sa Kirtland pagka-Pebrero 1834. Pagka-Hulyo 1835, mitabang siya sa pagpalit sa mga Egyptian mummy ug papyrus, nga miresulta sa pagpagawas ni Joseph Smith sa basahon ni Abraham.