Doktrina ug mga Pakigsaad 137–138

Doktrina ug mga Pakigsaad 137–138

Kinatibuk-ang Pagpasabot

Ang plano sa kalipay sa Langitnong Amahan nagtanyag og kaluwasan sa tanan Niyang mga anak. Niadtong 1836, gipakita sa Ginoo kang Joseph Smith ang panan-awon sa celestial nga gingharian. Niadtong 1918, nakita ni Presidente Joseph F. Smith ang usa ka panan-awon sa pagpangalagad sa Manluluwas sa kalibotan sa mga espiritu.

Awhaga ang mga tigkat-on sa pagpakigbahin sa mga kamatuoran nga ilang nakat-onan. Kini usab motabang kanila nga bug-os nga masabtan ug ipahayag ang mga kamatuoran nga gitudlo kanila ug makatabang nila nga makabaton og pagsalig sa kaugalingon diha sa ilang abilidad sa pagpakigbahin sa mga kamatuoran sa ubang mga sitwasyon. Alang sa dugang pa kon sa unsang paagi kini gibuhat sa Manluluwas, tan-awa ang seksiyon nga “Giawhag sa Manluluwas ang Uban sa Pagpakigbahin sa mga Kamatuoran nga Ilang Nakat-onan” diha sa Pagtudlo Sumala sa Pamaagi sa Manluluwas. Makakita usab ka og usa ka ehemplo kon unsaon ni paghimo sa leksiyon karong semanaha nga nag-ulohang “Doktrina ug mga Pakigsaad 138, Bahin 1.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 137

Katuyoan sa leksiyon: Aron tabangan ang mga estudyante nga modako ang ilang pasalamat sa plano sa Langitnong Amahan sa kaluwasan.

• Pagpangandam sa estudyante: Dapita ang mga estudyante sa pagpamalandong kon sa unsang paagi ang plano sa kalipay nagtanyag og kaluwasan sa mga anak sa Langitnong Amahan, apil kadtong wala makadawat niini samtang buhi pa.

• Mga bidyo: “Joseph Smith: Ang Propeta sa Pagpahiuli” (1:02:04; tan-awa gikan sa time code 2:05 hangtod 4:21 o 11:57 hangtod 15:22, o kining duha); “Ug Usa ka Bata nga Gamay Maoy Mogiya Kanila” (16:55; tan-awa gikan sa time code 4:40 hangtod 6:00)

Doktrina ug mga Pakigsaad 138, Bahin 1

Katuyoan sa leksiyon: Aron tabangan ang mga estudyante nga masabtan kon sa unsang paagi ang Manluluwas nagtanyag og kaluwasan sa mga anak sa Langitnong Amahan diha sa kalibotan sa mga espiritu.

• Pagpangandam sa estudyante: Dapita ang mga estudyante sa pagpamalandong kon unsay ilang nahibaloan ug wala mahibaloi bahin sa kon unsay mahitabo sa mga anak sa Langitnong Amahan inigkamatay nila.

• Bidyo: “The Vision of the Redemption of the Dead” (15:20; tan-awa gikan sa time code 8:39 hangtod 10:33)

Doktrina ug mga Pakigsaad 138, Bahin 2

Katuyoan sa leksiyon: Aron tabangan ang mga estudyante nga madasig sa pag-apil sa buhat sa templo ug sa family history.

• Pagpangandam sa estudyante: Dapita ang mga estudyante nga rebyohon ang bag-ohay lang nilang gihimo aron moapil sa buhat sa templo ug sa family history ug kon sa unsang paagi napanalanginan ang ilang mga kinabuhi tungod niini.

• Mga materyal: Papel ug mga gamit sa pagsulat para maghimog flyer

• Handout: “Gireserba sa Pagtabang sa Pagpundok sa Israel pinaagi sa Buluhaton sa Templo ug sa Kasaysayan sa Pamilya”

• Mga bidyo: “Hearts Bound Together” (16:12; tan-awa gikan sa code sa oras nga 10:21 hangtod 11:30), “The Promised Blessings of Temple and Family History Work” (3:26), “The Promised Blessings of Temple and Family History Work 2” (4:04)