« ’Ua tono te Fatu ia Oliver Cowdery », Te mau ’ā’amu o te Ha’api’ira’a Tumu ’e te mau Fafaura’a (2024)

« ’Ua tono te Fatu ia Oliver Cowdery », Te mau ’ā’amu o te Ha’api’ira’a Tumu ’e te mau Fafaura’a

1828–1829

’Ua tono te Fatu ia Oliver Cowdery

Ha’api’i nāhea te Atua i te paraparau ia tātou

Iosepha ’e Emma Semita tē ’ohipa ra i mua i tō rāua fare na’ina’i.

’Ua tāmau noa Iosepha ’e ’o Emma i te ’īriti i te Buka a Moromona. E mea pa’ari te ’ohipa, ’e ’ua tītau-ato’a-hia ia rāua ’ia ’ohipa i roto i tō rāua fare fa’a’apu. ’Ua pure Iosepha ’ia tono mai te Metua i te ao ra i te hō’ē ta’ata nō te tauturu iāna ’ia ’īriti i te Buka a Moromona.

Saints, 1:56, 58

Tē pātē ra Oliver Cowdery i te oe o te fare ha’api’ira’a.

I te ātea roa i New York, tē ora ra ’o Oliver Cowdery, e ’orometua ha’api’i ’āpī, tē noho ra ’e nā metua o Iosepha Semita. ’Ua ha’api’i Oliver i nā teina ’e nā tuahine o Iosepha.

Saints, 1:58–59

Tē pārahi ra Oliver Cowdery i pae auahi ’e tē paraparau ra i nā metua o Iosepha Semita.

’Ua fa’aro’o Oliver nō ni’a ia Iosepha ’e te mau ’api ’auro. ’Ua tupu tōna ānoenoe. ’Ua paraparau ’oia i nā metua o Iosepha. ’Ua parau rāua ia Oliver ē, tē rave ra Iosepha i te ’ohipa a te Atua.

Saints, 1:59

Oliver Cowdery tē tūturi ra i tōna hiti ro’i ’e tē pure ra nō te ’ite rahi atu ā nō ni’a ia Iosepha Semita.

’Ua rahi fa’ahou atu te ānoenoe o Oliver. ’Ua parau nā metua o Iosepha ia Oliver ’ia pure ’e ’ia ’imi iho e ’ohipa nā te Atua ānei. Nō reira, i te hō’ē pō, ’ua pure Oliver ma tōna ’ā’au ato’a. I hōro’a ai te Atua i te hau i tōna ferurira’a. ’Ite atu ra Oliver ē, e tāvini Iosepha Semita nō te Atua. Tupu a’era tōna māna’o ē, e mea tano ’oia ’ia tauturu ia Iosepha.

Saints, 1:60

Oliver Cowdery ’e Iosepha Semita tē pārahi ra i te pae auahi. Tē tāpe’a ra Emma i te tahi mau ’api pāpa’i-rima-hia.

I te hopera’a te matahiti ha’api’ira’a, ’ua haere Oliver e fārerei ia Iosepha ’e ’o Emma. E maorora’a pō tō Iosepha ’e ’o Oliver paraparaura’a nō ni’a i te mau ’api ’auro ’e te ’ohipa a te Atua.

Saints, 1:60

Oliver Cowdery tē pāpa’i ra i ni’a i te hō’ē ’api pāpa’i-rima-hia.

’Ua parau Oliver ē, nāna e pāpa’i ’a ’īriti ai Iosepha. E mea au roa nāna te ha’api’ira’a tāna e ’apo ra nō ni’a ia Iesu. E mau uira’a ato’a tāna ’e ’ua hina’aro i te fa’aro’o pūai a’e.

Saints, 1:61

Oliver Cowdery ’e Iosepha Semita tē pārahi ra i ni’a i nā pārahira’a i pīha’i iho i te ha’amāramarama.

Nā roto i te peropheta Iosepha, ’ua hōro’a te Fatu ia Oliver i te hō’ē poro’i. ’Ua parau ’oia ia Oliver ’ia ha’amana’o i te pō ’a pure ai ’oia. ’Ua fa’atupu te Atua i te hau i roto iāna. ’O te Atua ana’e tei ’ite i te parau nō teie pure. ’Ua pūai atu ā te fa’aro’o o Oliver. ’Ua tāmau noa ’oia i te tauturu ia Iosepha, ’e ’ua ha’api’i te Fatu iāna e rave rahi mea nō ni’a i te huru te Atua e paraparau nei ia tātou.

Te Ha’api’ira’a Tumu ’e te mau Fafaura’a 6:14–24 ; 8:1–3 ; 9:7–9 ; Saints, 1:62–64