1829

Ua Toefuatai Mai e Agelu le Perisitua

Mana e fai ai le galuega a le Atua

A o faaliliuina e Iosefa ma Oliva papatusi auro, sa la iloa ai sa finagalo Iesu ia papatisoina tagata uma. Sa ia tuuina atu foi le mana i tagata e papatiso ai isi. E lei papatisoina Iosefa. Sa Ia fia iloa atili e uiga i le papatisoga.

Iosefa Samita—Talafaasolopito 1:68; Au Paia, 1:65–66

Sa mafaufau Iosefa ma Oliva po o ai o lo o i ai le mana e papatiso ai tagata i le taimi nei. Sa la filifili e ole atu i le Atua. Sa laua o atu i le togavao ma tootuli e tatalo.

Iosefa Samita—Talafaasolopito 1:68; Au Paia, 1:66

A o laua tatalo, sa faaali mai se agelu. Sa ia fai mai o ia o Ioane le Papatiso, o le na papatisoina Iesu Keriso i aso ua leva. Na Ia tuuina atu ia Iosefa ma Oliva le Perisitua Arona. O le perisitua o le mana o le Atua. Ua faaaogaina e faamanuia ai fanau a le Atua.

Mataupu Faavae ma Feagaiga 13; Iosefa Samita—Talafaasolopito 1:69, 72; Au Paia, 1:66–67

Na saunoa Ioane le Papatiso e faapea, o se tagata e i ai le Perisitua Arona e mafai ona aoao tagata ia salamo ma papatiso i latou. Sa ta’u atu e Ioane ia Iosefa ma Oliva ia papatisoina. Sa laua o atu i se vaitafe ma papatiso e le tasi le isi. Ina ua laua o mai i fafo mai le vai, sa faatumulia i laua i le Agaga Paia. Sa matuai fiafia lava i laua!

Iosefa Samita—Talafaasolopito 1:70–73

Mulimuli ane, na ō mai isi agelu. O Aposetolo e toatolu a Iesu—o Peteru, Iakopo, ma Ioane—na tuuina atu ia Iosefa ma Oliva le Perisitua Mekisateko. O lea ua mafai nei e Iosefa ma Oliva ona tuuina atu le meaalofa o le Agaga Paia. Na avea foi Iosefa ma Oliva ma Aposetolo. E mafai ona laua taitaia le Ekalesia ma avea ma molimau faapitoa ia Iesu Keriso.

Mataupu Faavae ma Feagaiga 27:12; Au Paia, 1:84