Mga Kuwento sa mga Banal na Kasulatan
Iniligtas ng Magkapatid na Rollins ang Araw!
Nagsabi si Jesucristo kay Propetang Joseph Smith ng maraming mahahalagang bagay upang matulungan tayo. Ang Simbahan ay nagtayo ng isang palimbagan upang mailimbag ang mga salita ni Jesus. Sa gayong paraan, mababasa ng mga tao ang mga ito.
Isang araw, may dumating na isang grupo ng mga galit na lalaki. Winasak nila ang palimbagan. Itinapon nila ang mga pahina ng mga banal na kasulatan sa kalye.
Nakita ng dalawang magkapatid na babae na nagngangalang Mary Elizabeth at Caroline Rollins kung ano ang nangyari. Tumakbo sila at tinipon nila ang mga pahina sa kanilang mga bisig.
Nagtago ang mga batang babae sa isang maisan hanggang sa makaalis ang mga lalaki. Iniligtas nila ang mga banal na kasulatan! Ang mga banal na kasulatang iyon ay naging bahagi ng Doktrina at mga Tipan kalaunan.
Kaya kong basahin ang mga banal na kasulatan. Kaya kong maging matapang at manindigan para sa aking mga pinaniniwalaan.
Mga paglalarawan ni Apryl Stott