Chapit 12

Misyon Samuel Smith la

(Jen 1830)

Samuel Smith se te ti frè Joseph Smith. Joseph te di Jezi te vle pou Samuel al fè yon misyon. Samuel Smith se te premye misyonè Legliz la.

Samuel te al anseye moun levanjil la. Li te vle pale yo apwopo Liv Mòmon an. Li te eseye vann moun yo liv la. Men okenn moun pa t vle li l. Samuel te tris.

Misyon Samuel la te di. Anpil fwa li te grangou. Pafwa li pa t gen kote pou l dòmi. Gen moun ki te mechan avèk li.

Samuel te vann yon mesye ki te rele Phineas Young yon Liv Mòmon. Phineas te li liv la. Li te bay frè l Liv Mòmon an. Frè l la te rele Brigham Young.

Brigham Young te li Liv Mòmon an. Li te kwè se te laverite. Li te aprann levanjil Jezikri a. Phineas ak Brigham Young te pale zanmi yo apwopo Liv Mòmon an. Zanmi yo te li l. Phineas ak Brigham Young ak zanmi yo te vin manm Legliz la.

Pita Brigham Young te vin yon pwofèt nan Legliz la. Li te ede Sen yo. Se te yon gwo dirijan.

Samuel Smith te al lakay li. Li pa t panse misyon l lan te ede Legliz la. Li pa t konnen Brigham Young tap vin pwofèt yon jou.

Yon nuit Samuel te desann nan yon otèl. Li te mande pwopriyetè a pou l achte yon Liv Mòmon. Pwopriyetè a te mande Samuel kibò l te jwenn liv la. Samuel te di se yon liv ki te sou plak an nò frè l la te tradui.

Pwopriyetè a te fache. Li te di Samuel t ap fè manti. Li te di Samuel pou l mete l deyò nan otèl la.

Nuit sa a Samuel te oblije dòmi anba yon pye pòm.

Alafen Samuel te bay yon dirijan nan yon lòt legliz Liv Mòmon an. Dirijan an ak madanm li te li Liv Mòmon an. Yo te konnen li te enpòtan.