Chapit 20

Don Sentespri a

(8 Mas 1831)

Kèk nan Sen yo pa t konprann afè Sentespri a. Jezi te pale Joseph Smith apwopo Sentespri a. Sentespri a ede Papa ki nan Syèl la ak Jezikri. Sentespri a pa gen yon kò ki fèt avèk chè ak zo. Li se yon espri.

D&A 130:22

Jezi te di Sentespri a ede moun jis yo. Li ede Bondye ba yo don spesyal. Chak Sen gen yon don espesyal. Sen yo ta dwe sèvi ak don yo pou youn ede lòt. Jezi te di Joseph Smith kisa don yo ye.

D&A 46:9–12

Sentespri a bay kèk Sen don temwayaj. Yo konnen Jezi se pitit Gason Bondye. Yo konnen li te mouri pou nou. Gen lòt Sen ki gen don pou yo kwè temwayaj konsènan Jezi yo.

D&A 46:13–14

Gen kèk Sen ki gen don pou yo dirijan.

D&A 46:15

Gen kèk Sen ki gen don pou yo konnen ki espri ki jis ak ki espri ki mechan. Se Bondye ki voye espri jis yo. Yo fè nou santi nou kontan. Yo tankou limyè. Espri mechan yo, se Satan ki voye yo. Yo fè nou santi nou pa bon. Yo tankou fènwa.

D&A 46:16, 23; 50:23–24

Sentespri a bay kèk Sen don pou yo saj. Yo kapab fè yon bon chwa. Gen kèk Sen ki gen don pou yo aprann. Yo kapab anseye lòt Sen yo sa yo konnen. Yo ka aprann lòt Sen yo fè bon chwa.

D&A 46:18

Gen kèk Sen ki gen don lafwa pou yo geri. Gen lòt Sen ki gen don pou yo geri moun ki malad. Sentespri a bay kèk Sen don pou yo fè mirak. Mirak yo montre pouvwa Bondye.

D&A 46:19–21

Gen lòt Sen ki gen don pou yo pale lang yo pa konnen.

D&A 46:24

Sentespri a bay kèk Sen don pou yo konnen sa ki pral pase anvan l pase.

D&A 46:22

Gen kèk Sen ki gen anpil don.

D&A 46:29

Evèk la konnen ki don chak Sen genyen. Li konnen ki moun k ap fè enstriktè. Li konnen ki moun ki ka fè mirak. Li konnen ki Sen ki renmen Bondye epi ki obeyi kòmandman Bondye yo.

Sen ki jis yo kapab gen anpil don. Yo dwe travay pou jwenn don yo bezwen yo. Se Bondye ki bay tout don sa yo.

D&A 46:9, 28, 32