“Chapit 28: Pwofèt Joseph Retounen Misouri: Mas–Me 1832,” Istwa ki nan Doktrin ak Alyans (2002), 108–12
“Chapit 28,” Istwa ki nan Doktrin ak Alyans, 108–12
Chapit 28
Pwofèt Joseph Retounen Misouri
(Mas–Me 1832)
Jezi te bay Joseph Smith yon revelasyon. Li te di Sen yo te tankou timoun piti li yo. Yo te toujou ap aprann. Jezi te di yo fèt pou yo kontan. Yo fèt pou yo gen rekonesans. Se li ki tap dirijan yo.
Jesus te vle pou Sen yo pataje sa yo genyen youn ak lòt. Li te vle yo pran swen pòv yo. Jezi te vle pou Sen yo viv nan youn ede lòt.
Yon tikras tan apre revelasyon an, Joseph te retounen Misouri. Yo te rele Misouri peyi Siyon an. Kèk nan zanmi Joseph yo te ale avèk li. Sen Siyon yo te kontan wè Joseph.
Joseph te mande Sen yo pou yo vin nan yon reyinyon. Li te pale yo apwopo revelasyon an. Sen yo te konnen Joseph se te Pwofèt Bondye a.
Senyè a te bay yon lòt revelasyon pou Sen yo nan reyinyon an. Jezi te kontan poutèt Sen yo te mennen yon vi nan padon youn pou lòt. Jezi te di, “Mwenmenm, Senyè a, mwen padone nou.”
Jezi te bay Sen yo yon nouvo kòmandman. Li te di li ba yo tè Siyon an. Kounyeya yo ta dwe pataje tè ak lòt. Chak moun ta dwe genyen sa l te bezwen. Sa tap ede Legliz Jezikri a.
Apre reyinyon an, Joseph te vizite Sen yo nan anpil vil. Sen yo te kontan wè l. Se te yon tan kontantman pou Joseph. Li te renmen Sen yo.
Jezi te bay Joseph yon revelasyon konsènan fi ak timoun. Jezi te di mari yo ta dwe pran swen madanm yo. Paran yo ta dwe pran swen pitit yo.
Sen yo ta dwe pran swen fi ki pa gen mari yo. Sen yo ta dwe pran swen timoun ki pa gen papa ak manman.
Jezi te di Sen yo ta dwe mete manje nan yon magazen. Evèk la ta dwe bay moun ki grangou manje ki soti nan magazen an.
Joseph Smith ak Evèk Whitney te kòmanse retounen Kirtland. Yo te monte sou yon charyo.
Yon jou, gen yon bagay ki te fè cheval yo pè. Yo te kouri vit.
Joseph te sote deyò charyo a. Li pa t blese. Evèk Whitney te sote deyò charyo a. Janm li te kase.
Joseph Smith ak Evèk Whitney te desann nan yon otèl. Evèk Whitney te pran yon ti repo pandan kat semèn. Joseph te rete avèk li jis lè janm lan te vin miyò.
Yon moun nan otèl la te mete pwazon nan manje Joseph. Li te malad anpil.
Joseph te mande Evèk Whitney pou l ba li yon benediksyon. Evèk Whitney te sèvi ak pouvwa prètriz la pou l beni Joseph. Joseph te refè.
Joseph te di Bondye mèsi poutèt li te geri l la. Alafen, Joseph Smith ak Evèk Whitney te kapab vwayaje. Yo te ale jwenn fanmi yo lakay yo.